اسلام آباد (اصل میڈیا ڈیسک) حکومت مخالف اپوزیشن اتحاد پاکستان ڈیموکریٹک موومنٹ ( پی ڈی ایم) کا اہم اجلاس آج ہو گا۔
ذرائع کے مطابق اسلام آباد میں پی ڈی ایم سربراہ مولانا فضل الرحمان کی زیر صدارت ہونے والے اجلاس میں مسلم لیگ (ن) کے صدر شہباز شریف اور نائب صدر مریم نواز بھی لیگی وفد کے ہمراہ شرکت کریں گے جب کہ اجلاس میں شہباز شریف کی پالیسی پر غور کیا جائے گا اور اہم فیصلے بھی متوقع ہیں۔
ذرائع کا کہنا ہے کہ اجلاس میں پیپلزپارٹی اور اے این پی کی پی ڈی ایم میں واپسی کے حوالے سے بھی تبادلہ خیال ہوگا۔
ذرائع کے مطابق اجلاس میں شہباز شریف فارمولے کے تحت پارلیمنٹ میں حکومت کو سخت مزاحمت کی تجاویز پیش کی جائے گی اور حکومت مخالف تحریک کے لیے مختلف آپشن پر غور کیا جائے گا۔
غریب سے بھاری ٹیکس لیکر خزانہ بھرنا کارنامہ نہیں شرم کی بات ہے: بلاول بھٹو
’یہ انتہائی شرم کی بات ہے‘، عمران عباس شادی کی مسلسل خبروں پر پھٹ پڑے
