پاکستان میں ڈرون حملوں کے خلاف تحریک انصاف کے احتجاج اور نیٹو سپلائی کی بندش

Posted on December 10, 2013 By Majid Khan سٹی نیوز

مصطفی آباد/للیانی(محمد عمران سلفی سے)پاکستان میں ڈرون حملوں کے خلاف تحریک انصاف کے احتجاج اور نیٹو سپلائی کی بندش سے پاکستان کے اندر امریکی طوطے جو امریکی ڈالروں پر پلتے ہیں, پاکستانی عوام کے خون کا سودا کرنے والے نام نہاد سیاست دان بے نقاب ہو چکے ہیں ،پرنٹ میڈیا ،سوشل میڈیااور الیکٹرونک میڈیا کے اس دور میں عوام کو بیوقوف نہیں بنایا جا سکتا۔ان خیالات کا اظہار سنیئرنائب صدر پاکستان تحریک انصاف قصورحاجی سیف اللہ طاہر مغل نے اپنے ایک بیان میں کیا۔

انہوں نے مزید کہا کہ امریکی نواز سیاسی پارٹیاں اللہ کے ڈر کی بجائے نیٹو سپلائی اور ڈرون حملوں کی بندش سے پاکستانی عوام کو امریکہ سے ڈرارہی ہیں جس کی وجہ سے بے چاری عوام تزلزل کا شکار ہو رہی ہے ، مگر انشااللہ پاکستان تحریک انصاف ملک دوشمنوں کا ڈٹ کر مقابلہ کرئے گی اور پاکستان کو عمران خان کی قیادت میں ایک اسلامی فلاحی ریاست بنائے گی جس کا خواب پاکستان بنانے والوں نے سوچاتھا جس میں ہر پاکستانی کو آزادی سے رہنے کا حق ہوگا۔

by Majid Khan

Nasir Mehmood - Chief Editor at GeoURDU.com