پاکستان اکانومی واچ کے صدر ڈاکٹر مرتضی مغل نے کہا ہے کہ وزیر اعظم نواز شریف اور وزیر اعلی پنجاب شہباز شریف کے دورہ چین سے قوم اور کاروباری برادری کا حوصلہ بلند ہوا ہے، اس سے توانائی بحران کے دیرپا حل اور ملکی ترقی کے بارے میں ان کے عزم کااعادہ ہوا ہے، اپنے ایک بیان میں انہوں نے کہا کہ شہباز شریف کے بروقت دورہ قطرسے ایل این جی کی درامد کے منصوبے کی رفتار تیز ہو سکتی ہے، انہوں نے مطالبہ کیا کہ بھارت سے اعتماد سازی کی رفتار بڑھائی جائے کیونکہ 2030 تک دنیا کی سات فیصد سرمایہ کاری بھارت میں ہو گی۔
جس سے پاکستان کو بھرپورفائدہ اٹھانے کی ضرورت ہے، انہوں نے کہا کہ گوادر کی بندرگاہ چین کے حوالے کرنے کا فیصلہ پاکستانی قیادت کے دانشمندانہ ترین فیصلوں میں سے ایک تھا جس سے تعاون اور ترقی کی نئی راہیں کھلیں گی، انہوں نے کہا کہ سرمایہ کاری اور بچت کے رجحانات میں تبدیلی آرہی ہے اور ان مواقع سے فائدہ اٹھانے کے لئے پالیسی سازوں کو ابھی سے تیاری کرنا ہو گی۔
کراچی اسٹاک مارکیٹ میں زبردست تیزی۔ سابقہ ریکارڈ ٹوٹ گئے
محکمہ توانائی پنجاب کی پیڑولیم مصنوعات ذخیرہ کرنے کی ہدایت
