لاہور (جیوڈیسک) معروف افسانہ نگار، نثر نگار ومصنف اشفاق احمد کی دسویں برسی آج منائی جائے گی۔ اشفاق احمد 22 اگست 1925ء کو فیروز پور بھارت میں پیدا ہوئے۔ لاہور سے ایم اے اردو کرنے کے علاوہ اٹلی، فرانس اور نیو یار ک کی یونیورسٹیوں میں بھی اعلیٰ تعلیم حاصل کی۔
مشہور افسانے ’’ گڈریا ‘‘ سے غیر معمولی شہرت حاصل کی۔ انھوں نے 1965ء میں ریڈیو پاکستان لاہور سے ایک فیچر پروگرام ’’تلقین شاہ ‘‘ کے نام سے شروع کیا جو تقریباً تین دہائیوں سے زائد عوام میں بے حد مقبول رہا۔ ان کا ٹی وی کے لیے اصلاحی پروگرام ’’زاویہ‘‘ بھی عوام میں بے حد پسند کیا گیا۔
اشفاق احمد کو ان کی فنی خدمات کے صلہ میں 1979ء میں پرائیڈ آف پرفارمنس سے بھی نوازا گیا۔ اس کے علاوہ انھوں نے دوحہ قطر ایوارڈ اور ستارہ امتیاز بھی حاصل کیا۔ اشفاق احمد7 ستمبر 2004 ء کی صبح انتقال کر گئے۔
بالی ووڈ خانز کا کوئی مقابل نہیں، پریانکا چوپڑا
جینیفر لارنس ہالی ووڈ کی کامیاب ترین اداکارہ، نام گینز بک میں شامل
