لاہور (جیوڈیسک) یوم آزادی کے موقع پر وفاقی دارالحکومت میں اکتیس اور صوبائی دارالحکومتوں میں اکیس توپوں کی سلامی دی گئی ، فضاء نعروں سے گونج اٹھی جبکہ مساجد میں نماز فجر کے بعد ملک و قوم کی سلامتی و خوشحالی کی دعائیں بھی مانگی گئیں۔
70 واں یوم آزادی بھرپور جوش و خروش کے ساتھ منایا جا رہا ہے ۔ دن کے آغاز پر مختلف شہروں میں توپوں کی سلامی دی گئی ۔ وفاقی دارالحکومت اسلام آباد میں تقریب ہوئی جس میں اکتیس توپوں کی سلامی دی گئی ۔ صوبائی دارالحکومتوں لاہور ، پشاور اور کراچی میں بھی دن کا آغاز ہوتے ہی اکیس ، اکیس توپوں کی سلامی دی گئی اور جوانوں نے مارچ کیا۔
اس موقع پر فضا پاکستان زندہ باد کے نعروں سے گونج اٹھی ۔ یوم آزادی کی مناسبت سے نماز فجر کے بعد ملک بھر کی مساجد میں وطن کی ترقی و خوشحالی اور سلامتی کی دعائیں بھی مانگی گئیں۔
پاکستانی ہیلی کاپٹر کا عملہ بازیاب، تمام افراد وطن پہنچ گئے
آزادی کے جشن کے موقعہ پر وطن کے لاکھوں شہیدوں کو سلام پیش کرتے ہیں
