اسلام آباد (جیوڈیسک) پاکستان اور بھارت کے درمیان ڈی جی رینجرز سطح کے مذاکرات آج نئی دلی میں ہوں گے، سرحد اور ورکنگ باونڈری پر کشیدگی بنیادی نکتہ ہو گا، سرحدوں پر کشیدگی ڈی جی رینجرز وفد کے ہمراہ آج نئی دہلی جائیں گے۔
بی ایس ایف حکام سے دو ٹوک بات ہوگی۔ میجر جنرل عمر فاروق برکی چار روزہ دورے میں وفود کی سطح پر ہونے والے مذاکرات میں بھارتی فوج کی بلااشتعال فائرنگ ، سمگلنگ اور پاکستانی اہلکاروں کی شہادت کا معاملہ اٹھائیں گے۔
تجزیہ کار کہتے ہیں بھارت سرحدی کشیدگی کو صرف اہم مذاکرات سے پہلے ایجنڈا تبدیل کرنے کے ہتھیار کے طور پر استعمال کرتا ہے۔ دوسری جانب کشمیر پیس اینڈ کلچر کی چئیرپرسن مشال ملک کہتی ہیں بھارتی جارحیت کو اقوام عالم کے سامنے بے نقاب کیا جائے۔
گزشتہ دو ماہ میں بھارت کی جانب سے 90 سے زائد بار ایل او سی اور ورکنگ باونڈری کی خلاف ورزی کی گئی اور 25 سے زائد معصوم شہری شہید ہوئے۔
آزاد نیوکلیئر ریگولیٹر کے قیام سے قبل بھارت کو یورینیم فروخت نہ کی جائے: آسٹریلوی پارلیمانی کمیٹی
ڈاکٹرز، پیرامیڈیکل سٹاف کا احتجاج دوسرے روز میں داخل، او پی ڈی بند رکھنے کا اعلان
