نامعلوم چور ٹریولز ایجنسی میں نقب لگاکر لیپ ٹاپ اور نقدی چوری کرکے لے گئے پیرمحل ( نامہ نگار ) نامعلوم چور ٹریولز ایجنسی میں نقب لگاکر لیپ ٹاپ اور نقدی چوری کرکے لے گئے تفصیل کے مطابق رجانہ روڈ پیرمحل پر رانا شاہد الرحمن کی ملکیت الرباز ٹریولز ایجنسی کے تالے توڑ کر نامعلوم چور سیف الماری سے نقدی دیڑھ لاکھ روپے لیپ ٹاپ مالیت 85ہزار روپے چوری کرکے لے گئے سٹی پولیس نے موقع ملاحظہ کرکے نامعلوم چوروں کی تلاش شروع کردی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عوامی تحریک کے کارکنوں کے خلاف کریک ڈائون جاری کارکنوں کی روپوشی کے بعد مطلو ب کارکنوں
پیرمحل ( نامہ نگار ) عوامی تحریک کے کارکنوں کے خلاف کریک ڈائون جاری کارکنوں کی روپوشی کے بعد مطلو ب کارکنوں کے عزیز اقارب کی گرفتار یاں چار افراد گرفتار تفصیل کے مطابق پنجاب حکومت کی طرف سے ہدایا ت پر پولیس نے عوامی تحریک اور منہاج القرآن کے عہدیداروں کارکنوں کے گھروں پر چھاپے مارے عہدیداروں کی روپوشی کے بعدان کے عزیز اقارب کو گرفتارکرکے تھانہ میں بند کردیا چار افراد جن میں چک نمبر746گ ب کے بشیر احمد ولد علائول ، چک نمبر670/11گ ب کے محمد صدیق ولد محمد افضل کھوکھر ، چک نمبر670/11گ ب کے محمد حنیف ولد بشیر احمد آرائیں ، پیرمحل غوثیہ آباد کے رہائشی عثمان جوہر ولد محمد شریف آرائیں کو گرفتارکرکے تھانہ کی حوالات میں بند کردیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکستان مسلم لیگ نے قائد اعظم کی قیادت میں پاکستان حاصل کیا پاکستان مسلم لیگ ن کے کارکن نوازشریف پیرمحل ( نامہ نگار ) پاکستان مسلم لیگ نے قائد اعظم کی قیادت میں پاکستان حاصل کیا پاکستان مسلم لیگ ن کے کارکن نوازشریف کی قیادت میں ملک کو مضبوط اور ناقابل تسخیر بنائیں گے ملک میں فساد پیدا کرکے انقلاب کے نام پر جمہوریت کو ختم کرکے نامعلوم ایجنڈے کی تکمیل سمجھ سے بالاتر ہے اٹھارہ کروڑ عوام کے دیے گئے مینڈیٹ کو ماورائے آئین تہہ بالا کرتے ہوئے نام نہاد انقلاب کے ذریعے ملک کو عدم استحکام سے دوچار کرنا کسی طوربھی پاکستان کے عوام کو گوارانہیں ان خیالا ت کا اظہار ڈاکٹر کشف ریاض اللہ صوبائی راہنما پاکستان مسلم لیگ ن نے اپنے بیان میں کیا انہوںنے کہا اقتدار کی ہوس میں مبتلا چند افراد ملک میں انتشار پھیلانا چاہتے ہیں فسادیوںکے خلاف پاکستان مسلم لیگ ن کے کارکن سینہ سپر ہوچکے ہیں قائد میاں شہباز شریف ،نوازشریف کے حکم پر جمہوری عمل کو سبوتاژ کرنے کی کوشش کرنے والوں کے خلاف میدان عمل میںنکل کھڑے ہونگے انہوںنے کہا قائد میاں نوازشریف نے اپنے اقتدار سنبھالنے کے پہلے سال پاکستان کے خلاف عالمی سطح پر جو غلط تاثر پھیل گیا تھا اس کو ختم کیا ملک میں جاری دہشت گرد کے بڑے بڑے مراکز کا پاک فوج کے تعاون سے قلع قمع کیا ملک میںآمدورفت کے نظام کو بہترین کرتے ہوئے ڈالر کے مقابلے میں روپے کی قدر میں ناقابل یقین اضافہ ہوا اگر میاں نوازشریف کی حکومت نہ ہوتی تو آج ڈالر دیڑھ سوروپے کی نفسیاتی حد عبورکرچکا ہوتا جو سیاستدان اپنے جماعت کا منشور پیش کرکے اس پر تین دن سے زیادہ قائم نہیں رہ سکتے وہ پاکستان میں انقلاب لانے کے خواب اور پاکستان کوبدلنے کے سپنے دکھا کر قوم کو گمراہ کرنے کی کوشش کررہے ہیں انہوںنے کہا کہ پاکستان کا آئین سب کے لیے مقدم ہے ماورائے آئین انقلاب بگاڑ اور جلائو گھیرائوکے عمل کو دعوت دیتاہے پاکستان کے 18کروڑ عوام ملک کو خطرے سے دوچار کرنے والوں کو کسی صورت برداشت نہیں کریںگے پاکستان مسلم لیگ نے قائد اعظم کی قیادت میں پاکستان حاصل کیا پاکستان مسلم لیگ ن کے کارکن نوازشریف کی قیادت میں ملک کو مضبوط اور ناقابل تسخیر بنائیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تحریک انصاف کا دھرنا عوامی تحریک کا لانگ مارچ بے یقینی کی صورتحال کے پیش نظر پٹرول 200روپے فی لیٹر تک بلیک میں فروخت پٹرول پمپس مالکان
پیرمحل ( نامہ نگار ) تحریک انصاف کا دھرنا عوامی تحریک کا لانگ مارچ بے یقینی کی صورتحال کے پیش نظر پٹرول 200روپے فی لیٹر تک بلیک میں فروخت پٹرول پمپس مالکان سوروپے سے زائد کا پٹرول دینے سے انکاری ہمیں پی ایس او سے پٹرول مہیا نہیں کیاجارہا ہے سوروپے سے زائد کا پٹرول نہیں دے سکتے ہیں پٹرول پمپ مالکان تفصیل کے مطابق تحریک انصاف کے دھرنا اور عوامی تحریک کے انقلاب مارچ نے عوام کا لانگ مارچ بنادیا پنجاب حکومت کی طرف سے ٹرانسپورٹ کی بندش کے باعث عوام سخت مشکلات کا شکار ہوگئے عام استعمال کی اشیاء مہنگائی کے باعث عوام کی پہنچ سے باہر ہوگئی پٹرول دیڑھ سوروپے فی لٹر سے دوسوروپے فی لٹر بلیک میں فروخت ہورہا ہے پٹرول پمپس مالکان پٹرول وڈیزل کی سپلائی 14اگست تک بند ہونے کے باعث فی صارف ایک سوروپے تک پٹرول مہیا کررہے ہیں جبکہ عام دکانوں پر پٹرول وافر مقدا رمیں دوسوروپے فی لٹر تک دستیاب ہے ضلعی انتظامیہ کی طرف سے تمام تر اقدامات لانگ مارچ میں پاکستان تحریک انصاف اور عوامی تحریک کے کارکنوں جن کی تعداد لاکھوں ہزاروں سینکڑوں میں نہیں درجنوں میں ہے ان کارکنوں کی جلسوں میں شرکت کو روکنے پر لگی ہوئی ہے جبکہ لاکھوں کروڑوں عوام جو اس سیاسی تماشہ سے متاثر ہورہے ہیں عوام کو عام خوردنوش کی اشیاء اور بنیادی ضرورت پٹرول پر چیک اینڈبیلنس نہ ہونے کے باعث ذخیرہ اندوزوں کے حوالے کردیا ہے سماجی فلاحی حلقوںنے وزیراعلیٰ پنجاب میاں نوازشریف ، کمشنر فیصل آباد ، ڈی سی اوٹوبہ ٹیک سنگھ سے مطالبہ کیا ہے کہ فی الفور عام شہریوں کی مشکلات کو دور کرنے پر توجہ دی جائے تاکہ عام عوام مہنگائی سے تنگ ہوکر کہیں اس احتجاج میں شامل نہ ہوجائے جس کے لیے حکومت کو درجن بھر افراد کی گرفتاریوں کے لیے اپنے پورے وسائل صرف کرنے پڑ رہے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پانی نہ سایہ پیرمحل کا ریلوے اسٹیشن بھوت بنگلے کا منظر پیش کرنے لگا تفصیل کے مطابق پیرمحل ریلوے اسٹیشن پیرمحل ( نامہ نگار ) پانی نہ سایہ پیرمحل کا ریلوے اسٹیشن بھوت بنگلے کا منظر پیش کرنے لگا تفصیل کے مطابق پیرمحل ریلوے اسٹیشن جوکہ کسی دورمیں مال برداری کے لیے پنجاب بھر میں مشہور تھا ناکافی سہولیات اورنامساعد حالات کے پیش نظر بھوت بنگلے کا منظر پیش کررہا ہے جس کو سابقہ دور حکومت میں اپ گریڈ کرنے کے لیے فنڈ خرچ کرنے کے باوجود بنیادی سہولیات جس میں پینے کاپانی بیٹھے کے لیے جگہ اور مسافروں اور عملہ کے لیے لیٹرینیں تک نایاب ہے مناسب سیکورٹی نہ ہونے کے باعث مسافراور عملہ غیر محفوظ ہے سوسال سے بچھایا گیا ریلوے ٹریک اپنی مدت پوری کرنے کے باعث تیز رفتار ٹرینوں کے چلانے میں رکاوٹ ہے ریلوے انتظامیہ نے ٹریک پر کام کرنے کی بجائے ٹرینوں کو بند کرکے شورکوٹ کینٹ جڑانوالہ لاہور روٹ پر عوام کو سستے اور محفوظ سفر سے محروم کردیا حالانکہ اس ٹریک پر پسنجر ٹرینوں کے ذریعے کروڑوں روپے ماہانہ آمدنی حاصل ہورہی تھی سابقہ دور حکومت میں ریلوے اسٹیشن کو اپ گریڈ کرنے کے لیے فنڈ خرچ کیا گیا مگر نہ جانے کن سہولیات پر یہ فنڈ لگایا گیا جبکہ ریلوے اسٹیشن پیرمحل بنیادی ضروریات پانی سایہ لیٹرینوں تک سے محروم ہے سماجی فلاحی حلقوںنے وزیر مواصلات ریلوے کے اعلٰی حکام سے اپیل کی کہ شورکوٹ جڑانوالہ لاہور ٹریک کی مرمت کرکے اس پر تیز رفتار ٹرینیں چلائی جائیں علاوہ ازیں پیرمحل ریلوے اسٹیشن پر مسافروں اور عملہ کے لیے بنیادی ضروریات فراہم کی جائیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ موٹرسائیکلوں کی آمنے سامنے ٹکر چار افراد شدید زخمی تفصیل کے مطابق چک نمبر674/15 گ ب کے قریب موٹرسائیکلوں
پیرمحل ( نامہ نگار ) موٹرسائیکلوں کی آمنے سامنے ٹکر چار افراد شدید زخمی تفصیل کے مطابق چک نمبر674/15 گ ب کے قریب موٹرسائیکلوں کی آمنے سامنے ٹکر سے محمد حنیف ولد نورمحمد ، یاسمین زوجہ محمد حنیف ، احسان حنیف ولد محمد حنیف ساکنان فیصل آباد ، اور محمد شریف ساکن چک 674/15گ ب زخمی ہوگئے جن کو سول ہسپتال میں طبی امد اد دی گئی نازک حالت ہونے کے پیش نظر ڈسٹرکٹ ہسپتال ٹوبہ ٹیک سنگھ ریفر کردیا جہاں پر حالت نازک بیان کی گئی
للیانی کی خبریں 10/8/2014
ملکہ کی خبریں 10/8/2014
