اسلام آباد (اصل میڈیا ڈیسک) این سی او سی کے سربراہ اور وفاقی وزیر اسد عمر نے پاکستان کو ریڈ لسٹ میں شامل کرنے کے برطانوی فیصلے پر سوال اٹھا دیا۔
ٹوئٹر پر جاری بیان میں اسد عمر نے کہا کہ ہر ملک کو اپنے شہریوں کی صحت کی حفاظت کے لیے فیصلے کرنے کا حق ہے اور برطانیہ کی جانب سے پاکستان سمیت کچھ ممالک کو ریڈ لسٹ میں شامل کیا گیا ہے۔
وفاقی وزیر نے سوال کیا کہ فیصلے سے سوال پیدا ہوتا ہےکہ کیا ان ممالک کا انتخاب سائنس کو مدنظر رکھ کر کیا گیا یا خارجہ پالیسی کو ؟
واضح رہےکہ عالمی وبا کورونا کے بڑھتے کیسز کے پیش نظر برطانیہ نے پاکستان کو سفری پابندیوں کی ریڈ لسٹ میں شامل کیا ہے۔
رپورٹ کے مطابق سفری پابندیوں کی ریڈلسٹ میں شامل ممالک سے صرف برطانوی اور آئرش شہریوں کو ملک میں داخلے کی اجازت ہو گی، ریڈلسٹ میں شامل ممالک سے برطانیہ آنے والے برطانوی شہریوں کو 10 دن قرنطینہ کرنا ہو گا۔
ویکسین کا غیرمتعلقہ افراد کو لگائے جانا کارکردگی پرسوالیہ نشان ہے، پی ایم اے
کراچی میں آج پارہ 42 ڈگری تک جانے کا امکان
