لاہور (جیوڈیسک) لاہور میں ہونیوالے کبڈی میچ میں پاکستان مینز ٹیم نے بھارتی ٹیم کو زیر کر دیا جبکہ ویمن ٹیم کو مہمان ٹیم سے شکست کا سامنا کرنا پڑا۔
پنجاب سٹیڈیم لاہور میں پاک بھارت ٹیموں کے درمیان دلچسپ میچز ہوئے۔ مردوں کے میچ میں میزبان قومی ٹیم نے شاندار پرفارمنس دکھائی اور مہمان حریف ٹیم کو چاروں شانے چِت کر دیا۔
قومی کبڈی ٹیم نے روایتی حریف کو چونتیس کے مقابلے میں اکاون پوائنٹس سے زیر کیا۔اس سے پہلے کھیلے گئے خواتین کبڈی میچ میں بھی سنسنی خیز مقابلہ ہوا۔دونوں ملکوں کی کبڈی کی خواتین کھلاڑیوں نے حریف ٹیم پر خوب داؤ پیچ لڑائے لیکن بدقسمتی سے پاکستانی ویمن ٹیم کو مہمان حریف سے 38 کے مقابلے میں 15 پوائنٹس کی شکست کا سامنا کرنا پڑا۔
اسلام آباد کچہری کا واقعہ افسوسناک ہے، چیف جسٹس لاہور ہائی کورٹ
سری لنکا نے افغانستان کو ایک سو انتیس رنز سے شکست دیدی
