اسلام آباد (جیوڈیسک) سعودی حکومت نے پاکستانی عازمین حج کے لیے سعودی کمپنیوں سے کھانا لینا لازمی قرار دے دیا ، پیشگی رقم کے عوض عازمین کو منیٰ،عرفات اور مزدلفہ میں قیام کے دوران چھ روزکھانا دیا جائے گا۔ وفاقی وزیر مذہبی امور نے پابندی ختم کرنے کے لئے سعودی حکومت کوخط لکھ دیا۔وزارت مذہبی امور کے ذرائع نے جیونیوز کو بتایا کہ سعودی حکومت نے پاکستانی عازمین کے لئے سعودی کمپنیوں سے کھانا لینا لازمی قرار دے دیا ہے۔
وفاقی وزیر مذہبی امورسردار محمد یوسف نے اس سلسلے میں سعودی حکام کو خط لکھا ہے جس میں کہا گیا ہے کہ پاکستانی عازمین کے لئے سعودی عرب کی مقررہ کمپنیوں سے کھانے کے حصول کی پابندی نہ لگائی جائے، پاکستانی مخصوص ذائقے کا کھانا کھاتے ہیں ، ان پر عائد پابندی ختم کی جائے کیونکہ اس سے عازمین پر اضافی مالی بوجھ پڑے گا۔ذرائع نے بتایا کہ عازمین پر کھانے سے متعلق پابندی اٹھانے کے لئے وفاقی وزیر سعودی سفیر سے بھی ملاقات کرچکے ہیں۔
صدر ممنون حسین نے ایک بار پھر چیرمین پیمرا چوہدری رشید کو برطرف کردیا
چیئرمین واپڈا سید راغب عباس کا استعفٰی منظور
