اسلام آباد (جیوڈیسک) چیئر مین پی ٹی آئی عمران خان نے کہاہے کہ بھارتی کوسٹ گارڈز کا جعلی مقابلےکے اعتراف پر پاکستانی وزیر دفاع کا بیان ناکافی ہے۔
چیئر مین پی ٹی آئی عمران خان نےاپنے بیان میں پاکستانی کشتی تباہ کرنے کے واقعے کی شدید الفاظ میں مذمت کرتے ہوئے بھارت کی جانب سے بلا اشتعال جنونی جارحیت کو عالمی قوانین کی خلاف ورزی قرار دیا ہے۔
عمران خان نے کہا پاکستانی کشتی کو بغیر وارننگ تباہ کرنا بھارت کے جارحانہ عزائم واضح کرتا ہے،لیکن اس واقعہ پر پاکستانی وزیر دفاع کا صرف خاموش بیان کافی نہیں۔
عمران خان نے مزید کہا کہ بھارت نے اپنے غیر قانونی حملے پر پردہ ڈالنے کے لئے کشتی پر سوار غریب مچھیروں کو دہشت گرد قرار دیا اور اب جھوٹ پر جھوٹ بول رہاہے۔ عمران خان نے حکومت سےواقعے کی شفاف اور فوری تحقیقات کا مطالبہ کیا ہے۔
کراچی: اورنگی ٹاؤن میں فائرنگ سے ایم کیو ایم کا کارکن جاں بحق
وزیرِاعظم نوازشریف کی طلال بگٹی سے ملاقات، والدہ کے انتقال پر تعزیت
