کراچی (اسٹاف رپورٹر) امریکی صدارتی امیدوار ٹرمپ کی جانب سے پاکستان کے ایٹمی پروگرام کو پوری دنیا کے لئے مسئلہ قرار دینے اور اسے بھارت کے ساتھ مل کر حل کرنے کی ہرزہ سرائی کی مذمت کرتے ہوئے پاکستان سولنگی اتحاد کے سینئروبزرگ رہنما امیر سولنگی ‘ سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی نے بھارت کی طرف امریکہ کا جھکاو اب کوئی ڈھکی چھپی بات نہیں اسلئے موجودہ صورتحال پاک امریکہ تعلقات پر نظرثانی کی متقاضی ہے کیونکہ ٹرمپ کے اقتدار میں آنے کی صورت میں ہمارے لئے مزید مشکلات پیدا ہو سکتی ہیں۔
اسلئے اب ہمیں امریکی حاشیہ برداری سے نکل کر دوسرے طاقتور دوست تلاش کرنے کی ضرورت ہے کیونکہ روس کا دامن چھوڑ کر امریکی انگلی تھامنے کی جو سزا ہم نے بھگتی ہے وہ اس بات کی متقاضی ہے کہ کسی ایک دوست کیلئے دنیا سے بیر لینا دوستی نہیں حماقت کہلاتی ہے جبکہ دوستوں کا حلقہ ہمیشہ وسیع تر اوردشمنوں کا محدودترین ہونا ہی سلامتی کا ضامن ہوتا ہے۔
12 ارب یومیہ کی کرپشن کرنے والے ملک و قوم دشمنوں کا احتساب کیا جائے۔ امیر سولنگی
کرپشن کرنے والے معاشی دہشتگرد ہیں فوج کو ان کیخلاف بھی کاروائی کرنی ہو گی۔ امیر پٹی
