پیرمحل ڈویپلمنٹ کونسل کا اجلاس مقامی ہوٹل میں منعقد کیاگیا جسمیں سیاسی سماجی فلاحی شخصیات
پیرمحل (نامہ نگار)پیرمحل ڈویپلمنٹ کونسل کا اجلاس مقامی ہوٹل میں منعقد کیاگیا جسمیں سیاسی سماجی فلاحی شخصیات جن میں ڈاکٹر کشف ریاض اللہ چوہدری ،میاں اخترجاوید ایڈوکیٹ ، چوہدری محمد سلطان سابق ضلع ناظم ، محمد صدیق پیار ا سابق نائب تحصیل ناظم ، نے شرکت کی پیرمحل ڈویپلمنٹ کونسل کے آرگنائز ر میاں خادم حسین کوآرڈی نیٹر ناصر محمود سلیمی نے پیرمحل شہر میں جاری کروڑوں روپے منصوبہ جات جن میں ساڑھے 32کروڑ روپے سے میٹھے پانی کے منصوبہ سمیت دیگرمنصوبہ جات کی تکمیل بارے بریفنگ دی پیرمحل میں شہریوںکو درپیش مسائل جن میں ریسکیو1122سروس کی فزیبلٹی رپورٹ مکمل ہونے کے باوجود قیام نہ لانا ساڑھے تین کروڑ روپے سے لائبریری کی تعمیر ، گورنمنٹ گرلز ڈگری کالج برائے خواتین میں دیڑھ سال سے طالبات کے لیے بھجوائی بس کو طالبات کے لیے استعمال میں نہ لانا گورنمنٹ گرلز ایلیمنٹری سکول نمبر2اپر کالونی کو ہائی سکول کا درجہ دلواناشامل ہے کے لیے شہری سماجی حلقوں کی مددسے مسائل کے حل کالائحہ عمل طے کیا گیا اجلاس میں پبلک ہیلتھ کے ایکسئین محمدرفیق سرویا ، ایس ڈی او عبدالخالق ، مشتا ق احمد اور کنٹریکٹر محمدانجم نے زیر تعمیرواٹرسپلائی منصوبہ کے متعلق بریفنگ دیتے ہوئے جلد سے جلد تکمیل کا عندیہ دیا اجلاس میں فلاح انسانیت فائونڈیشن کے امیر ابوتراب نے پانچ کلومیٹر تک عوام کو فری ایمبولینس کی سروس دینے کا اعلان کیا ڈاکٹر کشف ریاض اللہ صوبائی راہنما پاکستان مسلم لیگ ن نے گورنر پنجاب چوہدری محمد سرور کی طرف سے تحصیل پیرمحل کو کروڑوں روپے کے ترقیاتی پیکج کی جلد تکمیل کا عندیہ دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیراعلیٰ پنجاب کا مہنگائی کے پیش نظر قیمتوں پرکنٹرول رکھنے کے لیے ضلعی انتظامیہ کوحکم،
پیرمحل (نامہ نگار)وزیراعلیٰ پنجاب کا مہنگائی کے پیش نظر قیمتوں پرکنٹرول رکھنے کے لیے ضلعی انتظامیہ کوحکم،،سرکاری افسران نے وسیع تر اختیارات ہونے کے باوجود بڑے ذخیرہ اندوز اور گراں فروشی کرنے والے مافیا پر ہاتھ ڈالنے کی بجائے غریب دکانداروں،ریڑھی بانوںاور ٹھیلے بانوں کی زندگی اجیرن کردی مقدمات کے اندراج اور جرمانوںسے غریب ٹھیلہ بان خودکشیوں پر مجبور ،، ضلعی افسران مہم کا رخ بڑے ذخیرہ اندوزوں کی طرف موڑیں نعیم اخترجانباز صد رپاکستان لیبر اتحادیونین تفصیل کے مطابق وزیراعلیٰ پنجاب نے مہنگائی کے پیش نظر قیمتوں پرکنٹرول رکھنے کے لیے ضلعی انتظامیہ کوحکم دے رکھا ہے جس کے اختیارات پرائس کنٹرول مجسٹریٹس کودیے گئے جنہوںنے گراں فروشی کرنے والے اصلی اور طاقتور گراں فروش ذخیرہ اندوزوں کے خلاف کاروائی کرنے کی بجائے مہم کا تما م تر رخ غریب دکانداروں،ریڑھی بانوںاور ٹھیلے بانوں پر ڈال دیا گیاجس سے حکومت پنجاب کی اس مہم کے حقیقی ثمرات سے عوام استفادہ نہیں کر پا رہے ہیں بلکہ معمولی اور چھوٹے دکانداروں اور ریڑھی یا ٹھیلوں پر اشیاء فروخت کرنے والوں کے خلاف مقدمات کااندراج اورجرمانے کر کے کاغذی کاروائی کر کے حکومت کے خلاف عوامی ردعمل کی فضا پیداکی جا رہی ہے اس عمل سے دوہرا نقصان ہو رہا ہے اصلی گراں فروش مافیا بے لگام چھوڑ دینے کی وجہ سے گراں فروشی جاری ہے جبکہ ٹھیلے بانوں پر بھاری جرمانے عائد کرنے کی وجہ سے غریبوں کی دن بھر کی مزدوری جرمانے کی بھینٹ چڑھ جاتی ہے اور وہ بے چارے اپنے گھر کی دال روٹی چلانے سے بھی محروم ہو جاتے ہیں جس سے پنجاب حکومت کے خلاف عوامی ردعمل پیدا ہورہا ہے غریبوںکے گھروں میں فاقوں کی نوبت وہ حکومت اور اس ظالمانہ عمل کرنے والوں کو جھولیاں اٹھا کر بد دعائیں دیتے ہیں نعیم اخترجانباز صد رپاکستان لیبر اتحادیونین نے غریب دکانداروں،ریڑھی بانوںاور ٹھیلے بانوں کی بجائے طاقتور ذخیرہ اندوزوں کے خلاف ایکشن لینے کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ صحت کے سینٹری انسپکٹروں کی غفلت یا لاپرواہی ہوٹلوں پرگھی کی بجائے پیرمحل (نامہ نگار) محکمہ صحت کے سینٹری انسپکٹروں کی غفلت یا لاپرواہی ہوٹلوں پرگھی کی بجائے ناقص آئل اورمرغیوں کی چربی سے کھانے تیار ہونے لگے جگہ جگہ چپس اور پاپڑ بنانے والے شہریوں کو متعدد ی امراض میں مبتلا کرنے لگے شہریوں کا کمشنر ،ڈی سی او سے فوری نوٹس لینے کامطالبہ تفصیل کے مطابق پیرمحل سمیت ضلع بھر میں محکمہ صحت کے سینٹری انسپکٹروں کی مبینہ ملی بھگت کے باعث مضرصحت کھانوں کافروخت کاسلسلہ جاری ہے گھی اور آئل کی بجائے مرغیوں کی چربی سے تیار شدہ مضرصحت آئل سے مختلف کھانے تیار کیے جاتے ہیں جوکہ دکان پرآنیوالے شہریوں کوفراہم کیے جارہے ہیں سستے کھانوں کے نام پرطالب علموں ، وکلا، مسافروں اورسرکاری ملازمین کونہ صرف لوٹاجارہاہے بلکہ بیماریوں میں بھی مبتلا کیاجارہاہے محکمہ صحت کے سینٹری انسپکٹرپراسرارخاموشی اختیار کیے ہوئے ہیں شہریوں نے کمشنرفیصل آباد ، ڈی سی اوٹوبہ ٹیک سنگھ سے سخت نوٹس لینے کامطالبہ کیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تحریک انصاف کا ایجنڈا ملکی بقاء اور ملکی وقار ہے ملتان کے ضمنی انتخاب میں حکمرانوں کے پیادے کی شکست پیرمحل (نامہ نگار) تحریک انصاف کا ایجنڈا ملکی بقاء اور ملکی وقار ہے ملتان کے ضمنی انتخاب میں حکمرانوں کے پیادے کی شکست اقتدار پر قابض حکمرانوں کیلئے عوامی ریفرنڈم ہے قوم جاگ گئی ہے اب کرپٹ نظام کا خاتمہ قریب آگیا ہے ان خیالات کااظہار ممتازدولتانہ ضلعی صدر پاکستان تحریک انصاف نے اپنے بیان میں کیا انہوںنے کہا عمران خان اور تحریک انصاف ملک وقوم کا سرمایہ ہے ۔داغی کی شکست اور عامر ڈوگر کی جیت نے ملتان کی بدلی ہوئی سوچ اورآنے والے وقت کا فیصلہ سنا دیا اب تبدیلی کے طوفان کو کوئی روک نہیں پائے گا اور نہ ہی ہمارے لیڈر اور قومی راہنما عمران خان اور تحریک انصاف کے مقابل کوئی اور جماعت نہیں پاکستان تحریک انصاف قوم کی امنگوں کی ترجمان ثابت ہو گی ۔ تحریک انصاف کا ایجنڈا ملکی بقاء اور ملکی وقار ہے ۔ پاکستان کی سلامتی ،خود مختاری اور تحفظ تحریک انصاف کی ترجیحات میں شامل ہے ۔
مسئلہ کشمیر کے حل کے لئے نوجوانوں کو اپنا کردار ادا کرنا ہوگا: مشال ملک
وزیرآباد کی خبریں 19/10/2014
