لاہور (جیوڈیسک) پاکستان میں تعینات فلسطینی سفیر نے کہا ہےکہ نوازشریف واحد رہنما ہیں جنہوں نے فلسطین میں اسرائیلی جارحیت کی مذمت کی ہے۔
فلسطینی سفیر ولید ابو علی نے کہا کہ فلسطین پر مظالم ڈھائے جارہے ہیں، اسرائیل کی جانب سے وحشیانہ بمباری میں اب تک 100 سے زائد شہری شہید ہوچکے ہیں جن میں بچے اور خواتین بھی شامل ہیں۔ انہوں نے کہا نوازشریف واحد رہنما ہیں جنہوں نے اسرائیلی جارحیت کے خلاف مذمت کی،ہم فلسطینیوں کی حمایت پر پاکستان کے شکرگزار ہیں اور ہمیں پاکستان کی دوستی اور حمایت پر فخر ہے۔
ولید ابو علی نے گفتگو کے دوران پاکستان اور فلطسین کے حق میں نعرہ بھی لگایا۔واضح رہے کہ گزشتہ چار دنوں سے غزہ میں اسرائیل کی جانب سے وحشیانہ بمباری جاری ہے جس میں خواتین اور بچوں سمیت اب تک 100 سے زائد افراد شہید ہو چکے ہیں جبکہ اسرائیلی وزیراعظم نے ہٹ دھرمی کا اظہا رکرتے ہوئے کہا ہے کہ کوئی بھی عالمی طاقت انہیں غزہ پر حملے سے نہیں روک سکتی۔
سپورٹس مین کا سانس پھولنے لگا، ہم پاکستان کی ترقی کا مارچ کریں گے: حمزہ شہباز
پیپلز پارٹی نے پرویز مشرف کے معاملے پر کوئی ڈیل نہیں کی، فرحت اللہ بابر
