اسلام آباد (جیوڈیسک) مسلم لیگ کے رہنماؤں نے پریس کانفرنس کرتے ہوئے ایک بار پھر تحریک انصاف کو تنقید کا نشانہ بنایا۔ وفاقی وزیر برائے نجکاری محمد زبیر نے کہا ہم بھی عمران خان کی تلاشی کا مطالبہ کرتے ہیں۔ کپتان کہتے ہیں ان کے پاس زبردست مواد ہے تو کیا 15 نومبر تک پی ٹی آئی کے پاس پیش کرنے کیلئے کوئی ثبوت نہیں تھا؟۔ مواد اب لائے ہیں تو پہلے کیا لائے تھے۔ تحریک انصاف نے حامد خان کو ثبوت دیئے بغیر مقدمے میں دھکیل دیا اور جب انہوں نے پاناما کیس سے دستبرداری کا فیصلہ کیا تو پی ٹی آئی والے تمام ان کے پیچھے پڑ گئے تھے۔ ان کا مزید کہنا تھا عمران خان کے ساتھ کھڑے ہونے والے فنانشل کرپشن میں ملوث ہیں تو کیا یہ کرپشن نہیں ہے؟۔
اب کتپان جہانگیر ترین سے پوچھیں آف شور کمپنی گوشوارے میں کیوں نہیں دکھائی؟ وہ مثالیں تو خلفائے راشدین کی دیتے ہیں۔ جہانگیر ترین نے وزیر ہوتے ہوئے انسائیڈ ٹریڈنگ کی۔ محمد زبیر نے کہا پاکستان میں پہلی آف شور کمپنی عمران خان نے بنائی اور اپنا فلیٹ بھی ظاہر نہیں کیا۔ فلیٹ کیلئے آف شور کمپنی بنائی تو ٹیکس گوشواروں میں کیوں ظاہر نہیں کی؟۔ اتنے پارسا بنتے ہیں آپ نے بھی تو غیر قانونی طریقے سے پیسہ باہر بھیجا۔ عمران صاحب، جہانگیر صاحب آپ بھی تو جواب دیں۔ تحریک انصاف عدالت سے تاریخ پر تاریخ مانگ رہی ہے۔
مسلم لیگ ن کے رہنما دانیال عزیز نے کہا عمران خان نے رائے ونڈ جا کر تھیٹر لگایا اور پی ٹی آئی والے کہتے تھے وزیراعظم رنگے ہاتھوں پکڑے گئے لیکن آج تک ثبوت پیش نہیں کر سکے۔ جس کتاب کو بطور ثبوت پیش کیا گیا اس میں گجریلا اور لسی بنانے کی ترکیبیں تھیں۔ انہوں نے کہا جہانگیر ترین کے کک “حاجی خان” نے 37 ملین کی گیم کھیلی ہے۔ جہانگیر ترین صاحب وہ کُک تو سامنے لائیں جن کے نام پر پیسہ ہے۔
جنرل راحیل شریف کی صدر ممنون حسین اور وزیراعظم نواز شریف سے الوداعی ملاقاتیں
دنیا کی سب سے بہترین فوج کی کمانڈ کرنا اعزاز تھا: جنرل راحیل شریف
