وسطی کرم (جیوڈیسک) وسطی کرم کے علاقے پاڑہ چمکنی کو سیکیورٹی فورسز نے کلیئر کر دیا۔ آپریشن کے دوران غیرملکی عسکریت پسند سمیت پچہتر دہشت گرد مارے گئے۔ پاڑی چمکنی میں ذرائع کو بریفنگ دیتے ہوئے ڈپٹی کمانڈنٹ ایف سی کرنل وسیم نے بتایا کہ دہشت گرد سات مئی کو پاڑہ چمکنی میں داخل ہوئے اور متعدد لوگوں کے گھر جلا دیے۔
واقعے کے بعد سیکیورٹی فورسز نے تمام علاقے کو گھیرے میں لے کر آپریشن شروع کیا جس میں پچہتر کے قریب دہشت گرد مارے گئے۔ ہلاک ہونے والوں میں ایک ازبک عسکریت پسند بھی شامل ہے۔ علاقے کو چند دنوں میں ہی کلیئر کر دیا گیا۔ کرنل وسیم کے مطابق آپریشن میں اکیس سیکیورٹی اہلکار شہید اور چھیاسی زخمی ہوئے۔
ان کا کہنا تھا کہ سیکیورٹی فورسز نے علاقے کو کلیئر کرنے کے بعد آبادکاری کا عمل شروع کر دیا ہے۔ دس ہزار تین سو اسی متاثرہ خاندانوں کو راشن اور دیگر سہولیات فراہم کی جا رہی ہیں۔
کراچی : جسٹس مقبول باقر کی دوسری سرجری بھی مکمل
صوبائی حکومت نے ہر چیز پر ٹیکس لگا دیا، ارکان اسمبلی
