لاہور (پریس ریلیز) پاکستان کے سب سے بڑے پراپرٹی پورٹل زمین ڈاٹ کام کی پیرنٹ کمپنی ای ایم پی جی نے لمودی گلوبل کو خرید لیا، اس خریداری کے ساتھ ہی ای ایم پی جی کو اب فلپائن، انڈونیشیا اور میکسیکو کی مارکیٹس میں بھی رسائی حاصل ہو گی۔ ای ایم پی جی کا کہنا ہے کہ یہ خریداری او ایل ایکس گروپ کے ساتھ حالیہ ہونے والی ڈیل سے پہلے ہوئی ہے۔
واضح رہے کہ او ایل ایکس کے ساتھ ہونے والے کاروباری سودے سے ای ایم پی جی کی قدر ایک ارب ڈالر سے تجاوز کر چکی ہے ۔ ای ایم پی جی نے فروری میں تھائی لینڈ کا سب سے بڑا خرید و فروخت کا پورٹل ‘کائیڈی ‘خریدا تھا۔ اب لامودی گلوبل کی خریداری کے ساتھ ہی ای ایم پی جی کو جنوب مشرقی ایشیاء کے خطے میں اہم حیثیت اور مقام حاصل ہو گیا ہے۔
ای ایم پی جی متحدہ عرب امارات،سعودیہ عرب اور اردن میں ’بیوت‘، پاکستان میں ’زمین ‘ ،بنگلہ دیش میں ’بی پراپرٹی‘ ، تیونس اور مراکش میں ’مبوّب‘ اور تھائی لینڈ میں ’کائیڈی ‘ کے ساتھ موجود تھا۔جبکہ اس کی ملکیت میں اب یو اے ای کا معروف پورٹل ’ڈوبی زل‘ ، او ایل ایکس پاکستان،او ایل ایکس مصر اور او ایل ایکس لبنان سمیت دیگر خلیجی ممالک کے او ایل ایکس شامل ہیں اور ای ایم پی جی کے زیر ِانتظام ہی آپریٹ ہوتے ہیں۔ لمودی کا قیام2013ء میں ابھرتی ہوئی مارکیٹس کو مدنظر رکھتے ہوئے بطور آن لائن پراپرٹی پورٹل کے وجود میں آیا تھا۔اس وقت لامودی انڈونیشیا ،فلپائن اور میکسیکو میں معروف برانڈ ہے ۔ ای ایم پی جی نے گزشتہ سال لمودی کے مشرق وسطیٰ، پاکستان اور بنگلہ دیش کے کاروبار خرید لئے تھے۔
فلپائن، انڈونیشیا اور میکسیکو میں سالانہ 55.1 ارب ڈالر کی مجموعی رئیل اسٹیٹ کی خرید و فروخت ہوتی ہے جہاں سے 2.3 ارب ڈالر کے لگ بھگ مجموعی کمیشن حاصل ہوتا ہے۔ ان ممالک کی مجموعی آبادی پچاس کروڑ ہے ۔
ای ایم پی جی کے سی ای او عمران علی خان نے کہا کہ ہم لمودی گلوبل کی ٹیم کو ای ایم پی جی میں خوش آمدید کہتے ہیں۔ان کا کہنا تھا کہ ہم اُن کے علم اور تجربے سے مستفید ہونگے اور ہمیں ان لوگوں کی قدر ہے جو اس کاروبار کے ساتھ شروع دن سے ہیں۔ہم ٹیم کے ساتھ کام کرتے ہوئے کاروبار کو وسعت دیں گے اور ای ایم پی جی کی جانب سے اسٹریٹیجک، ٹیکنالوجیکل اور مالی معاونت حاصل ہوگی۔ اُنہوں نے کہا کہ اس خریداری سے اس خطے کے متعلقہ کاروبار پر مزید توجہ حاصل ہوگی۔جنوب مشرقی ایشیاء کی مارکیٹ میں بے پناہ صلاحیت موجود ہے اور ہم پروفیشنلز اور صارفین کو بہترین اور لاجواب تجربہ فراہم کریں گے۔
لمودی کے سی ای او کیان معینی نے کہا کہ ای ایم پی جی کے اس خطے میں آنے سے آن لائن بزنس میں اضافہ ہوگا۔ای ایم پی جی نے اس خطے میں کامیابی سے کاروبار کیا ہے ،اس گروپ کی اسٹریٹجک گہرائی اور جدید ترین ٹیکنالوجی دو ایسے عناصر ہیں جس سے ہم اپنے اگلے سفر کا آغاز کریں گے۔ لمودی کے ساتھ ہونے والی ڈیل کی مالیت نہیں بتائی گئی ہے۔
کرپٹ کرکٹرز کو پکڑنے کیلیے منفرد تجویز آ گئی
صوبہ سندھ کی عوام پیپلزپارٹی سے بیزار ہو گئی ہے، سید بھاشانی شاہ
