پیرس (جیوڈیسک) فرانس کے دارالحکومت کے ایک فلیٹ میں آگ لگنے سے 2 بچوں سمیت 8 افراد جھلس کر ہلاک اور 4 زخمی ہو گئے۔
غیر ملکی خبر رساں ادار ے کے مطابق فرانس کے دارالحکومت پیرس کے شمالی علاقے ایٹینتھ ڈسٹرکٹ کے ایک فلیٹ میں آگ لگنے کے باعث 2 بچوں سمیت 8 افراد ہلاک اور 4 زخمی ہو گئے۔ 100 سے زائد فائر فائٹرز نے آگ پر قابو پایا اور واقعہ میں زخمی ہونے والوں کو طبی امداد کے لئے فوری طور پر قریبی اسپتال منتقل کیا۔
فرانسیسی حکام کے مطابق فلیٹ میں آگ لگنے کی وجوہات معلوم نہیں ہو سکی ہیں تاہم واقعہ کی تحقیقات کا آغاز کردیا گیا ہے۔ دوسری جانب پیرس کے میئر کا کہنا ہے کہ فلیٹ میں آگ لگنے سے 15 قریبی عمارتوں کو بھی نقصان پہنچا ہے۔
ایٹمی تنصیبات کا معائنہ تہران کی اجازت سے انجام پانا چاہئے: وینڈی شرمن
پاکستان سے غیرملکی دہشت گردوں کا مکمل خاتمہ کر دیا ہے، ممنون حسین
