پیرس میں واقع پلس ٹروکوڈیرو پر ایک کشمیر ریلی کا انعقاد کیا گیا اس موقع پر لی گئی تصویری جھلکیاں

Posted on August 19, 2017 By Majid Khan کشمیر

پیرس (نمائندہ خصوصی سے) پیرس میں ہندوستان کے یوم آزادی کے موقع پر کشمیری قوم نے یوم سیاہ منا کر دنیا بھر میں انسانی حقوق کے اداروں یورپی یونین اور اقوام متحدہ کو مقبوضہ وادی میں جاری بھارتی درندگی کو رکوانے کے لئے آواز بلند کی. پیرس میں واقع پلس ٹروکوڈیرو پر ایک کشمیر ریلی کا انعقاد کیا گیا. جس کی قیادت سابق وزیر اعظم آزاد کشمیر بیرسٹر سلطان محمود چوہدری نے کی.پروگرام میں رکن برسلز پارلیمنٹ ڈاکٹر منظور ظہور الہی،ای یو پاک فرینڈ شپ فیڈریشن یورپ کے صدر چوہدری پرویز اقبال لوسر،کشمیر پیس فورم بلجیم کے ڈائریکٹر ملک پرویز نے بطور مہمان خصوصی شرکت کی. کشمیر ریلی کے آرگنائزر پی ٹی آئی آزاد کشمیر فرانس کے صدر اور ممتاز کشمیری رہنما زاہد ہاشمی اور فرانس کے معروف صحافی صاحبزادہ عتیق الرحمٰن نے کشمیری قوم کے ساتھ اظہار یکجہتی کے لئے فرانس بلجیم برطانیہ اور دیگر یورپی ممالک سے کشمیری کارکنان کو متحد کیا.احتجاجی مظاہرے کا آغاز تلاوت کلام پاک کے ساتھ قاری فاروق احمد فاروقی نے کیا.