پیرس (راجہ ثاقب) پیرس میں دہشت گرد حملے کے دوران متعدد افراد کی جان بچانے والے مسلمان نوجوان کو فرانس کی شہریت دے دی گئی۔ افریقی ملک مالی سے تعلق رکھنے والے 26 سالہ لسانا باتھیلی کو شہریت دینے کے لیے پیرس میں تقریب کا انعقاد کیا گیا۔ تقریب میں فرانس کے وزیر اعظم منوئل والس اور وزیر داخلہ برنارڈ بھی موجود تھے۔
فرانس حکومت کی جانب سے باتھیلی کو جرات کا مظاہرہ کرنے پر شہریت کے علاوہ ایک خصوصی میڈل اور صدر کی جانب سے خط بھی دیا گیا۔ تقریب سے خطاب میں فرانسیسی وزیر داخلہ نے لسانا باتھیلی کی جرات اور بہادری کی تعریف کی اور کہا کہ آج لسانا کا خواب پورا ہو رہا ہے اور اسے فرانس کی شہریت دی جا رہی ہے۔
اس موقع پر باتھیلی نے فرانسیسی حکومت، اپنے اہل خانہ اور دوستوں کا شکریہ ادا کیا۔ باتھیلی نے پیرس کی کوشر مارکیٹ میں گاہکوں کی جان بچائی تھی۔ جب کولیبلی مارکیٹ میں داخل ہوئے اور لوگوں کو یرغمال بنانا شروع ہو گئے۔
24 سالہ مسلمان لاسانا باتھیلی نے گاہکوں کو زیرِ زمین سٹور میں چھپا دیا تھا۔ ان کی شہریت کی درخواست کو فاسٹ ٹریک کیا گیا اور منگل کو ایک تقریب میں شہریت دی گئی۔
پیرس حملے میں جانیں بچانے والے مسلمان نوجوان کیلئے فرانس کی شہریت
فرانس میں گستاخانہ خاکے بنانے کے ردعمل میں سائوتھ لیڈز کمیونٹی الائنس کا مشترکہ اعلامیہ
