سیلواڈور (جیوڈیسک) فٹبال ورلڈ کپ کے آخری کوارٹر فائنل میں ہالینڈ نے کوسٹاریکا کو سنسنی خیز مقابلے کے بعد پنلٹی ککس پر 4-3 سے شکست دیدی۔
سیلواڈور کے ارینا فونٹینوا سٹیڈیم میں ہالینڈ اور کوسٹاریکا کی ٹیم کے مابین کھیلے گئے آخری کوارٹر فائنل میچ میں کوسٹاریکا نے فیوورٹ ہالینڈ کا ڈٹ کر مقابلہ کیا۔ کوسٹاریکا کے گول کیپر نے شاندار کارکردگی دکھاتے ہوئے ڈچ ٹیم کے کئی یقینی گول روکے جبکہ کئی مواقع پر ہالینڈ نے گول کرنے کے آسان مواقع ضائع کئے۔
ہالینڈ کے کیپر ٹم کرول نے دو پنلٹیاں روک کر ہالینڈ کو سیمی فائنل میں پہنچا دیا۔ مقررہ وقت تک میچ بغیر کسی گول کے برابر رہنے کے بعد اضافی وقت دیا گیا لیکن دونوں ٹیمیں اضافی وقت میں بھی گیند کو جال میں نہ پھینک پائیں۔
پینلٹی ککس پر ہالینڈ کی ٹیم اپنے اعصاب پر قابو رکھنے میں کامیاب رہی اور چار تین سے کامیابی حاصل کرکے سیمی فائنل کے لئے کوالیفائی کرلیا۔ نو جولائی کو سیمی فائنل میں ہالینڈ کا مقابلہ ارجنٹائن سے ہو گا۔ ارجنٹینا اور نیدرلینڈ کی ٹیمیں اب تک آٹھ مرتبہ مدمقابل آئیں ہیں۔
شاہد آفریدی کی پسندیدہ ٹیم جرمنی، ہالینڈ وقار یونس کی فیورٹ
ومبلڈن ٹینس کا فائنل آج ہو گا، فیڈرر کی نگاہیں ریکارڈ 8 ویں ٹرافی پر مرکوز
