لاڑکانہ (جیوڈیسک) آصف علی زرداری کہتے ہیں دہشتگردوں کیخلاف خصوصی عدالتوں کی حمایت ان کو سیاسی مقاصد کیلئے استعمال نہ کرنے کی شرط پر کی، بینظیر بھٹو کی شہادت پر شاہراہ فیصل پر چار سو بچوں کو شہید کیا گیا، اس وقت نوٹس لیکر آپریشن کیا جاتا تو سانحہ پشاور نہ دیکھنا پڑتا، بلاول بھٹو سے اختلافات کی افواہیں مخالفین نے پھیلائیں۔
گڑھی خدا بخش میں شہید بے نظیر بھٹو کی برسی تقریب سے خطاب کرتے ہوئے آصف علی زرداری نے کہا کہ دہشتگردوں کے ٹرائل کیلئے خصوصی عدالتوں کی حمایت صرف اس شرط پر کی ہے کہ ان عدالتوں کو سیاسی مقاصد کیلئے استعمال نہیں کیا جائے گا۔
کہیں ایسا نہ ہو کہ ان عدالتوں کی وجہ سے میاں صاحب اور وہ دونوں اندر ہوں۔ پیپلز پارٹی کے شریک چیئرمین نے کہا کہ پشاور میں دہشتگردوں نے بچوں پر ظلم کیا، بینظیر کی شہادت پر چار سو بچوں کو شہید کرنے کا نوٹس لے لیا جاتا تو آج یہ دن نہ دیکھنا پڑتا۔
آصف علی زرداری نے کہا کہ ان کے اور بلاول بھٹو کے حوالے سے افواہیں مخالفین نے پھیلائیں، مخدوم امین فہیم بھی پارٹی سے غداری نہیں کریں گے۔ آصف علی زرداری نے کہا کہ پیپلز پارٹی ہمیشہ سے ہی قربانیاں دیتی آئی ہے ، آئندہ نسلوں کے محفوظ مستقبل لیے بھی لڑیں گے۔
رحیم یار خان میں پولیس کا سرچ آپریشن، نو مشتبہ افراد گرفتار
انسداد دہشتگردی کی قومی پالیسی کی تشکیل، ایم کیو ایم نے اپنی سفارشات کا اعلان کر دیا
