لاہور (جیوڈیسک) پنجاب کے سابق وزیر اعلی چودھری پرویزالہٰی کا کہنا ہے کہ پنجاب حکومت نے توانائی منصوبوں میں اربوں روپے ضائع کردیے ۔کراچی کی طرح کا آپریشن لاہور میں بھی ہونا چاہیے۔ لوگ کراچی کو بھول جائیں گے۔
مسلم لیگ ہاؤس لاہور میں پریس کانفرنس کرتے ہوئے مسلم لیگ ق کے مرکزی رہنما چوہدری پرویز الہٰی کا کہنا تھا کہ نندی پور منصوبے پر شریف برادران نے بڑے دعوے کیے مگر ناقص منصوبہ بندی سامنے آگئی ، عوام کے اربوں روپے ضائع کر دئیے گئے۔
پرویز الہٰی کا کہنا تھا کہ شریف برادران رینٹل پاور منصوبوں کے خلاف بہت شور مچاتے رہے مگر اب یہی منصوبے نئے ناموں سے چلائے جارہے ہیں ،ان کا کہنا تھا کہ کراچی طرز کا آپریشن لاہور میں بھی ہونا چاہیے۔
پرویز الہٰی کا کہنا تھا کہ نندی پور پاور پراجیکٹ پر میڈیا نےپورا سچ بولا ، پنجاب حکومت سچ سننے کا حوصلہ پیدا کرے۔ انہوں نے دیگر ترقیاتی منصوبوں کو بھی شدید تنقید کا نشانہ بنایا۔
جمعیت نے ملک بھر میں رہنمائے داخلہ اسٹال لگا دئیے : زبیر حفیظ
سیکورٹی صورت حال میں بہتری، ایکشن پلان میں تیزی لانے کا فیصلہ
