کابل (جیوڈیسک) افغان صدارتی ترجمان کا کہنا ہے کہ گزشتہ روز بڈھ بیر میں پاک فضائیہ کی بیس پر ہونے والے حملے میں افغانستان ملوث نہیں ہے۔
افغان صدارتی ترجمان کی جانب سے جاری بیان میں کہا گیا ہے کہ گزشتہ روز پشاور کے علاقے بڈھ بیر میں پاک فضائیہ کی بیس پر ہونے والے حملے میں افغانستان کا ہاتھ نہیں جب کہ افغانستان اپنی سرزمین کسی اور ملک پرحملے میں استعمال نہ ہونے کے موقف پر قائم ہے۔ ترجمان کا کہنا تھا کہ افغانستان اور پاکستان دہشت گردی کے خاتمے میں دیانتداری کے لیے مشترکا لائحہ عمل اپنائیں۔
صدارتی ترجمان کی جانب سے مزید کہا گیا ہے کہ افغانستان اس بات پر یقین رکھتا ہے کہ دہشت گردی سب انسانوں کی دشمن ہے ،افغانستان دہشت گردوں کے حملوں کا دکھ سمجھتا ہے اور بڈھ بیر حملے کے شہدا کے لواحقین کے غم میں برابر کا شریک ہے۔
این اے 122 اور 154 کی بھرپور الیکشن مہم چلاؤں گا، کپتان کا اعلان
ن لیگ کی انتقامی کارروائیوں کو پارلیمنٹ اور سینیٹ میں اٹھایا جائے گا، پیپلزپارٹی پارلیمینٹیرین
