پشاور (جیوڈیسک) پشاور کے رنگ روڈ پر دھماکا ہواہے جس کے نتیجے میں متعدد لیویز اہلکار زخمی ہوئے۔ صوبائی رکن اسمبلی نگہت اورکزئی نے دھماکے کی تصدیق کرتے ہوئے ذرائع کو بتایا کہ دھماکا ان کے سامنے ہوا جب پولیو ٹیم اور لیویز اہلکار اپنا کام ختم کرکے جارہے تھے کہ لیویز کی گاڑی کے قریب یہ دھماکا ہوا، گاڑی میں 7 افراد تھے۔
انہوں نے بتایا کہ دھماکے میں پولیو ٹیم کے اہلکار تو محفوظ رہے البتہ چند لیویز اہلکار زخمی ہوئے ہیں جن کو فوری طور پر اسپتال منتقل کر دیا گیا۔ ان کا کہنا تھا کہ یہ دھماکا پولیو ٹیموں پر جو حملے ہورہے ہیں اسی کا حصہ لگتا ہے کیونکہ پولیو ٹیم کی حفاظت پر مامور لیویز اہلکاروں کو نشانہ بنایا گیا۔
لاہور میں کار ٹرک کی ٹکر، 2 افراد جاں بحق، 3 زخمی
کلفٹن سے دو بھتا خور گرفتار، اسلحہ برآمد، فیکٹری مالک سے بھتہ مانگا
