پشاور (جیوڈیسک) خیبرپختونخوا سمیت گلگت بلتستان میں زلزلے کے جھٹکے محسوس کیے گئے جس کے نتیجے میں کسی جانی نقصان کی اطلاع نہیں ملی۔
پشاور سمیت خیبرپختونخوا کے مختلف علاقوں سوات، مالاکنڈ، مانسہرہ، چترال، ایبٹ آباد، ہری پور اور لوئر دیر جب کہ گلگت بلتستان میں بھی زلزلے کے جھٹکے محسوس کیے گئے، زلزلے کے بعد لوگوں میں شدید خوف و ہراس پھیل گیا اور وہ کلمے کا ورد کرتے ہوئے گھروں سے باہر نکل آئے۔
زلزلہ پیما سینٹر کے مطابق ریکٹر اسکیل پر زلزلے کی شدت 5 ریکارڈ کی گئی اور اس کا مرکز افغانستان اور تاجکستان کا سرحدی علاقہ تھا جب کہ زلزلے کی گہرائی 15 کلو میٹر تھی تاہم زلزلے کے نتیجے میں کسی جانی یا مالی نقصان کی اطلاع نہیں ملی۔
کراچی میں پولیس کی کارروائیاں، 5 دہشت گرد ہلاک
کسی سیاسی جماعت کیخلاف آپریشن کے حق میں نہیں: سراج الحق
