پشاور (جیوڈیسک) پشاور کے علاقے ریگی میں اینٹوں کے معاملے پر شروع ہونی والی تکرار پر 2 گروپوں میں فائرنگ کے نتیجے میں 2 افراد ہلاک اور 8 زخمی ہوگئے، پولیس نے کارروائی کرتے ہوئے 2 افراد کو گرفتار کرلیا۔
پولیس کے مطابق پشاور کے نواحی علاقے ریگی میں جائیداد کے تنازع پر فائرنگ کا واقعہ پیش آیا ،پولیس کے مطابق 2 گروپوں میں اینٹوں کی ملکیت پر تنازع چل رہا تھا۔
اس میں آج شدت آئی اور تکرار کے دوران ایک گروپ کی جانب سے گوہر نامی شخص نے اندھا دھند فائرنگ کردی، جس پر مخالف گروپ نے بھی فائرنگ کی، جس کے نتیجے میں 2 افراد ہلاک اور 8 زخمی ہوگئے۔
واقعے کے بعد زخمیوں کو خیبر ٹیچنگ اسپتال منتقل کیا گیا، پولیس نے کارروائی کرتے ہوئے 2 افراد کو زخمی حالت میں گرفتار کرلیا ہے۔
جنرل قمر جاوید باجوہ نئے آرمی چیف مقرر
پاکستان کو عالمی سطح پر تنہا چھوڑنے کی کوششیں ناکام ہو رہی ہیں، وزیر اعظم نواز شریف
