وزیرآباد (تحصیل رپورٹر) پٹرول سپلائی میں بار بار تعطل سے شہریوں کو دشواری کا سامنا۔ حالیہ پٹرول بحران کے بعد سے شہر کے پٹرول پمپوں پر صورتحال میں نمایاں بہتری نہیں آسکی۔ شہر ی آباد کے قریب واقع دونوں پمپوں پر سپلائی میں بار بار تعطل آجاتا ہے PSO پمپ پر پٹرول کی فروخت دن کے اوقات میں بند رہتی ہے۔ جس سے قریبی شیل پمپ پر رش لگا رہتا ہے۔
جبکہ دونوں پمپوں پر پٹرول کی فروخت بند ہونے سے شہریوں کے قریبی علاقوں میں قائم غیر قانونی پٹرول ایجنسیوں سے مہنگے داموں پٹرول خریدنا پڑتا ہے جبکہ بیشتر شہری سڑکوں کے کنارے پٹرول سے خالی موٹر سائیکلوں اوراپنی گاڑیوں کیساتھ ذلیل وخوار ہوتے نظر آتے ہیں۔ شہریوں نے ڈی سی او گوجرانوالہ اور دیگر حکام بالا سے پٹرول سپلائی کی صورتحال بہتر بنانے کا مطالبہ کیا ہے۔
گو نواز گو کا نعرہ سچ ثابت کر کے دکھائیں گے: میاں افضل جتالہ
شہری علاقوں میں کھیلوں کے میدانوں کے خاتمہ کی وجہ سے نوجوان نسل کی سرگرمیاں محدود ہو کررہ گئیں
