پیرمحل (نامہ نگار) ناجائز تعلقات کاشبہ حقیقی بھائی نے بہن کو آشنا کے ساتھ اندھا دھند گولیاں مارکر قتل کرڈالا ملزم آلہ قتل سمیت گرفتار تفصیل کے مطابق چک 25پل سندھلیانوالی روڈ پرناجائز تعلقات کے شبہ میں ملزم شکیل ولد چراغ نے ا تشیں اسلحہ سے اپنی حقیقی بہن عذرا دختر چراغ دین مارتھ اور اس کے آشنا اقبال عرف بالی ولد منصب علی ساکن واہگی اڈا کو گولیاں ماردی جس سے اقبال عرف بالی موقع پر ہلاک ہوگیا جبکہ عذرا بی بی شدید زخمی ہوگئی جوکہ سول ہسپتال پیرمحل سے ڈسٹرکٹ ہسپتال ٹوبہ ٹیک سنگھ میں دم توڑ گئی تھانہ پیرمحل پولیس نے دونوں کی نعشوں کو قبضہ میں لے کر پوسٹمارٹم کے بعد وارثان کے حوالے کردیا جبکہ ملزم آلہ قتل سمیت گرفتار کرلیا مقتولہ عذرابی بی تین بچوں کی ماں تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) چارسالہ بچی نہر کنارے کھیلتے ہوئے نہر میں ڈوب کر جاں بحق تفصیل کے مطابق موضع شہابل شاہ کے رہائشی صداحسین شاہ ولد صدام حسین شاہ ساکن سکینہ بستی محمد پور کی چار سالہ بیٹی نور فاطمہ نہر کنارے کھیل رہی تھی کہ کھیلتے ہوئے نہر میں جاگری تین گھنٹے تک بچی کو نہرمیں تلاش کرکے بچی کی نعش دیہاتیوںنے اپنی مدد آپ کے تحت نکال لی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار) سپیشل پرسن افراد کو معاشرے کا باوقار شہری بنانے کے لیے معاشرے کے ہرفرد کوقومی ذمہ داری نبھانا ہوگی ان خیالات کا اظہار بشیر ربانی سینئر سپیشلسٹ گورنمنٹ سپیشل ایجوکیشن سنٹر پیرمحل نے اپنے بیان میں کیا انہوںنے کہا حکومت پنجاب نے سپیشل پرسن معذور افراد کے لیے تحصیل سطح پر حکومتی سرپرستی میں ادارے قائم کرکے انہیں معاشرے کا بہترین شہری بنانے کے لیے کوشاں ہے جس کے لیے معذور افراد کے والدین کو بچوں کو ترجیحی بنیادوں پر سپیشل پرسن اداروں میں داخل کروانا وقت کا تقاضا ہے جس کے لیے تحصیل پیرمحل میں داخلہ کا آغاز کردیا ہے انہوںنے والدین سے اپیل کی کہ سپیشل بچوں کو بوجھ نہ سمجھیں بلکہ اپنی قومی ذمہ داری سمجھتے ہوئے انہیں حکومت کی طرف سے قائم کیے گئے سپیشل ایجوکیشن سنٹروں میں تعلیم تربیت کے لیے داخل کروائیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار) بجلی کے بلوں میں ٹی وی لائسنس کی مد میںماہانہ کی بنیاد پر چارجنگ جاری حکومت فی الفور ماہانہ کی بنیاد پر ٹی وی ٹیکس کو ختم کرے میاں اخترعلی فقیر سماجی شخصیت نے اپنے بیان میں کہا کہ سابقہ حکومت نے بجلی کی مد میں موصول ہونے والے بلوں میں ٹی وی لائسنس کی مد میں پچیس روپے کی فیس ماہانہ ہربجلی کے میٹر پر عائد کررکھی تھی جس میں ایسے اداروں جس میں ٹی وی سرے سے موجود ہی نہیں ہوتا مساجد وغیرہ سے بھی یہ ٹیکس وصول کیاجارہا ہے عوامی مینڈیٹ کے نتیجے میں آنے والی حکومت نے اس بلاجواز ٹیکس کو ختم کرنے کی بجائے بدستور جاری رکھا ہوا ہے 35روپے ماہانہ ٹی وی لائسنس فیس بدستور وصول کی جارہی ہے اس چارجنگ کی ذمہ دار ی بجلی کے بل وصول کرنے والے اور پی ٹی وی دونوں میں سے کوئی بھی قبول کرنے کو تیار نہیں ہے ۔ میاں اخترعلی فقیر سماجی شخصیت نے مطالبہ کیا ہے کہ حکومت فی الفور ٹی وی لائسنس فیس یکسر ختم کرے تاکہ غریب عوام کو حاصل سستی تفریح میسر آنے کے ساتھ بجلی کا بل کم ہوسکے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) حماد ہسپتال سندھلیانوالی میں امراض قلب کے مریضوں کے لیے فری میڈیکل کیمپ کا انعقاد کیا گیا جس میں ماہر امراض ڈاکٹر محمد حسین نے 50مریضوں کا فری چیک اپ کیا اورمریضوں میں فری ادویات تقسیم کی فری میڈیکل کیمپ کے آرگنائزر ڈاکٹر سید حماد شاہ نے کلیدی کردار اداکیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) گورنمنٹ گرلز ایلمنٹری سکول چک718گ ب میں تعینات ٹیچرسمیر اساقی ( پی ٹی سی ٹیچر نے سکول کو گروپ بندی کا مرکز بنادیا بچیوں کو پڑھانے کی بجائے سارا دن موبائل فون پر خوش گپیوں میں مصروف بچوں سے اپنے پائوں دبانے سمیت سکول میں کھانا ،ناشتہ وغیرہ بنوانا جیسے کام لیے جانے لگے مکینوںنے ڈی سی اوٹوبہ ٹیک سنگھ کو کاروائی کی تحریری درخواست دے دی تفصیل کے مطابق پنجاب حکومت کی طرف سے پڑھو پنجاب بڑھو پنجاب کا سلوگن دے کر تعلیمی اداروں میں داخلہ مہم جاری ہے مگر گورنمنٹ ایلمنٹری سکول چک718گ ب میں تعینات ٹیچرسمیر اساقی ( پی ٹی سی ) جوکہ کلاس چہارم کو پڑھاتی ہے جس نے سکول مذکور میں گروہ بندی کرکے سکول مذکور کا ماحول تباہ برباد کررکھا ہے بچیوں کو پڑھانے کی بجائے سارا دن موبائل فون پر خوش گپیوں میں مصروف بچوں سے اپنے پائوں دبانے سمیت سکول میں کھانا ،ناشتہ وغیرہ بنوانا جیسے کام لیے جاتے ہیں ٹیچرسمیر اساقی ( پی ٹی سی ) غیر شرعی لباس پہن کر آتی ہے جس سے بچیوں پر سخت برے اثرات پڑرہے ہیں گائوں کے مکین اور ساتھی سٹاف خلاف معاشرہ خلاف شریعت لباس کی وجہ سے اپنے بچوں کو سکول مذکور سے ہٹانے پر مجبور ہے مذکورہ ٹیچر کی غفلت کے باعث 16بچیاں فیل کردی گئی جن کو اے ای او زنانہ کی بروقت کاروائی پر اگلی کلاسز میں پرموٹ کیا گیا اگر کوئی بچی کی نشاندہی پر والدین یا ساتھی ٹیچر سمجھانے کی کوشش کرتاہے تو ٹیچر سنگین دھمکیاں اور غلیظ گالیاں دیتے ہوئے بدستور اپنی کاروائی جاری رکھے ہوئے ہیں جس سے گائوں مذکور میں حالات سخت کشید ہ ہونے پر نقص امن کا خدشہ ہے سکول میں پڑھائی نہ ہونے کے باعث گائوں کے مکین مجبوراسکول سے اپنے بچیوں کو ہٹانے پر مجبور ہے محمد رشید دھول جنرل سیکرٹر ی بین المذاہب امن کمیٹی سمیت محمد سلیم محمد اسلم یاسر عباس محمد حنیف نے ڈی سی اوٹوبہ ٹیک سنگھ کو دی گئی تحریری درخاست میں ٹیچرسمیر اساقی ( پی ٹی سی ) کو فی الفور سکول مذکور سے تبدیل کرتے ہوئے کسی سکول میں تعینات کرنے کی بجائے کسی آفس میں ڈیوٹی پر تعینات کرنے کا مطالبہ کیا ہے تاکہ بچیوں کا تعلیمی مستقبل تباہ ہونے سے بچ سکے
تحصیلدار آفس پیر محل کرپشن کا گڑھ بن گیا
لیہ + کروڑ لعل عیسن کی خبریں 25/4/2016
