پیرمحل (نامہ نگار) سیکورٹی ہائی الرٹ کے تحت حافظ محمد نجیب اسسٹنٹ کمشنر پیرمحل کا ایجوکیشن اداروں اور کیتھولک چرچ کا ہنگامی دورہ سیکورٹی کے امور چیک کرکے فو ل پروف انتظامات کرنے کی ہدایات تفصیل کے مطابق حافظ محمد نجیب اسسٹنٹ کمشنر پیرمحل نے ڈی سی اوٹوبہ ٹیک سنگھ کی ہدایات پر کیتھولک چرچ ، گورنمنٹ گرلز ہائر سیکنڈری سکول ، گورنمنٹ بوائز سکولز کا ہنگامی دورہ کرکے سیکورٹی کو چیک کیا اور تمام اداروں کے سربراہان کو سیکورٹی کے فول پروف انتظامات کرنے کی ہدایات جاری کی انہوںنے اداروں کے سیکورٹی گارڈ کا اسلحہ چیک کیا اور انہیں ہدایات جاری کی کہ ہر قسم کے غیرمتعلقہ افراد کاسکول ٹائم میں داخلہ بند کیاجائے انہوںنے غفلت کے مرتکب اداروں کے سربراہان کے خلاف کاروائی کا عندیہ دیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) سیکرٹری مارکیٹ کمیٹی پیرمحل کا سرائے گڈاخانہ پر ناجائز قبضہ مافیا کے خلاف آپریشن کروڑوں روپے مالیت کی سرکاری اراضی واگذار تفصیل کے مطابق سجاد احمد سیکرٹری مارکیٹ کمیٹی پیرمحل نے چیئرمین چوہدری شفقت رسول کے حکم پر کروڑوں روپے مالیت کی مارکیٹ کمیٹی پیرمحل کی کمرشل دکانیں جوکہ سرائے اور گڈا خانہ پر قبضہ مافیانے عرصہ دراز سے قبضہ کرکے پختہ تعمیرات کررکھی تھی اور کئی سالوں سے عدالتوں سے حکم امتناعی لے رکھا تھا یونہی عدالت نے حکم امتناعی خار ج کیا سجاد احمد سیکرٹری نے ہمراہ عملہ مارکیٹ کمیٹی پیرمحل بذریعہ کرین دکانیں مسمار کرکے اراضی کوواگذا کروالیا رانامحمد جمیل ، محمد یٰسین رحمانی سمیت سماجی فلاحی حلقوںنے سجاد احمد سیکرٹری کی قبضہ مافیا کے خلاف کاروائی کو سراہا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار )بارایسوسی ایشن پیرمحل کی پاکستان بار کونسل کی ہدایات پر لاہور دھماکہ کے سوگ میں مکمل ہڑتال کوئی بھی وکیل عدالتوں میں پیش نہ ہوا بارایسوسی ایشن پیرمحل کے عہدیداروں وممبران کی المناک واقعہ کی شدید مذمت شہید ہونے والے کے ورثاء سے اظہار افسوس تفصیل کے مطابق بارایسوسی ایشن پیرمحل کی طرف سے جاری کیے گئے اعلامیہ میں پاکستان بار کونسل کی ہدایات پر لاہور دھماکہ کے سوگ میں مکمل ہڑتال کی گئی بارایسوسی ایشن پیرمحل کے عہدیداروں وممبران نے المناک واقعہ کی شدید مذمت کرتے ہوئے شہید ہونے والوں کے ورثاء سے اظہار افسوس کرتے ہوئے شہدا ء کی روح کے ایصال ثواب کے لیے فاتحہ خوانی کی اور لواحقین کے لیے صبر جمیل کی دعا بھی کی گئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) عبدالشفیق میو ضلعی چیئرمین بیت المال نے لاہور میں ہونے والے بم دھماکے کی شدید مذمت کرتے ہوئے کہا ہے کہ بے گناہ انسانوں کا خون بہانے والے انسان نہیں شیطان ہے ، مال روڈ چیئرنگ کراس اسمبلی ہال کے قریب ہونے والے دھماکے پرانتہائی گہرے دکھ اوررنج وغم کا اظہار کرتے ہوئے کہاہے کہ دھماکے میںکئی قیمتی جانوں کاضیاع انتہائی افسوس ناک اور قابل مذمت ہے۔ اعلیٰ سطحی تحقیقات کرتے ہوئے اس دھماکے میں ملوث افراد اور ان کے آلہ کاروں کوجلدازجلدگرفتار کرکے انصاف کے کٹہرے میں لایاجائے۔اسلام قتل ناحق کا سب سے بڑا مخالف ہے ، اسلام نے ایک بے گناہ کے قتل کو ساری انسانیت کے قتل کے مترادف قرار دیا ہے ، حکومت دہشت گردی کے مکمل خاتمے کے لیئے نیشنل ایکشن پلان پر عملدرآمد یقینی بنائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) داخلہ کی آڑ میں یونیورسٹیوں کالجز اور سکولوں کی تعلیم غریب کی پہنچ سے کوسوں دور ،، داخلہ فیس کے نام پر ہزاروں روپے کی فیس ، امتحان پاس کرنے کے باوجود میٹرک ، ایف اے ، بی اے ، ایم اے کی اسنادجاری کروانے کے لیے ہزاروں روپے کی فیس عائد ، دس سال سے طلبہ طالبات کی سند یں جاری نہ ہوسکی حکومت فی الفور طلبہ کے لیے تعلیمی اسناد مفت جاری کرے تفصیل کے مطابق حکومت نے میٹرک تک تعلیم مفت قراردے رکھی ہیں مگرتعلیمی بورڈ داخلہ کی آڑ میں ہزاروں روپے فیس اور رزلٹ کارڈ ، سند ، ڈگری کے، نام ہزاروںروپے کی فیسیں وصول کررہے ہیں جو عام طالب علم کی پہنچ سے بہت زیادہ ہونے کے باعث سالہا سال سے طالب علم سند اور ڈگری لینے سے محروم ہے علاوہ ازیں طالب علم بھاری فیس کے باعث این او سی اور ڈگری نہ ملنے کے باعث اپنی مزید تعلیم جاری رکھنے کی بجائے تعلیم ادھوری چھوڑنے پر مجبور ہے حاجی اللہ دتہ سماجی شخصیت نے حکومت سے مطالبہ کیا ہے حکومت فی الفور طلبہ کے لیے تعلیمی اسناد مفت جاری کرے اور پسماندہ علاقوں کے وہ بچے جو غربت کی وجہ سے سکول نہیں جا سکتے ان کو وظیفہ دیا جائے تاکہ غریب کا بچہ بھی تعلیم حاصل کر سکے حکومت سرکاری سکولوں کے اساتذہ کے معیار کو بہتر بنانے کے لیے خاطر خواہ اقدامات کرے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) بھٹو شہید کے سیاسی شعور نے پاکستان میں قومی جمہوریت اور عوامی شعور کو جنم دیا۔قائد عوام کا فلسفہ آج بھی پاپولر سیاست کا محور ہے ،ان خیالات کااظہار پاکستان پیپلزپارٹی کے رہنما سیٹھ شبیر عبداللہ ہوشیار پوری، رانامحمدجمیل راہنما پاکستان پیپلزپارٹی نے مشترکہ بیان میں کیا سیٹھ شبیر عبداللہ ہوشیار پوری نے کہا کہ آج پاکستان کی ہر سیاسی جماعت اور شخصیت بھٹو شہید کے نظریات اور سٹائل کی نقل کررہی ہے،بلاول بھٹو کی شکل میں قوم کو دوسرا بھٹو ملا ہے۔نوجوان بلاول نوجوانوں کے ساتھ مل کر بھٹو ازم کے ساتھ ملکی ترقی میں بھٹو جیسا کردار ادا کرے گا پاکستان کی ایٹمی قوت کا بانی بھٹو شہید ہے۔ رانامحمدجمیل راہنما پاکستان پیپلزپارٹی نے جاگیر داروں سے سیاست چھین کر غریب کی چوکھٹ پر لادی۔غریبوں،محکوموں ،مزدوروں،کسانوں اور طالب علموں کو ان کے حقوق دئیے۔پیپلز پارٹی آج بھی آصف ذرداری کی قیادت میں بھٹو ازم کی روشنی میں پاکستان کے عوام کے حقوق کی جنگ لڑ رہی ہے۔آصف ذرداری نے آئین میں 18 ویں ترمیم کے زریعے اختیارات کی تقسیم اور اداروں کے استحکام کے لئے کام کرکے بھٹو شہید کے مشن کا آگے بڑھایا نہوں نے مزید کہا کہ قائد عوام ذوالفقارعلی بھٹو شہید کا فلسفہ سیاست دہشت گردی کا خاتمہ ہے ۔بھٹو شہیدقومی ہی نہیں امت مسلمہ کے امن کے داعی تھے۔سامراجی قوتوں نے بھٹو شہید کا عدالتی قتل کرواکر عالم اسلام کے خلاف سازش کی۔اسی سازش کے تحت عالم اسلام ایشیا اور عرب میں دہشت گردی کا شکار ہے ۔بھٹو شہید پاکستان اور دنیا بھر کے مظلوم اور محکوم طبقات کی امنگوں اور امیدوں کے علمبردار تھے۔انکا فلسفہ سیاست اسلامی جمہوری اصولوں کی علامت تھا پاکستان کو ایٹمی قوت بنا کر بھٹو شہید نے پاکستان اورعالم اسلام کے دفاع کو مضبوط کیا۔پاکستان کا پارلیمانی ،آئینی،انتظامی،سیاسی ڈھانچہ بھٹو شہید کی فہم وفراست کا آئینہ دار ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) پیرمحل میں غیر قانونی ٹرانسپورٹ ا سٹینڈز ختم کئے جائیں تاکہ نہ صرف مسافروں کے حقوق کو تحفظ ملے بلکہ ٹرانسپورٹر ز بھی قانون کے دائرے میں رہ کر کاروبار کر سکیں مختلف سرکاری محکموں کی غفلت اور سیاسی عناصر کی سر پر ستی کی وجہ سے لاری اڈا پیرمحل کے باہر قائم کئے گئے ناجائز اڈوں کے نتیجے میں ٹریفک کے مسائل بھی پیدا ہو رہے ہیں جنرل بس اسٹینڈ کے باہر،اے سی کو چز اسٹینڈ اور غیر منظور شدہ اڈے عوام کے لیے دردسربنے ہوئے ہیں قانون کی پاسداری کر نے والے ٹرانسپورٹر ز اور اڈہ مالکان مسافروں کو تمام تر سہولیات اور حکومت کو مکمل ٹیکس دینے کے باوجود مشکلات کا شکار ہیں تفصیل کے مطابق پیرمحل شہر میں وسیع عریض جنرل بس اسٹینڈ موجود ہے ٹی ایم اے کمالیہ جنرل بس اسٹینڈ سے سالانہ ایک کروڑ روپے تک ریونیو وصول کرنے کے باوجود وہاں مسافروں اور ٹرانسپورٹرز کو سہولیات نہ دی تھی وسیع عریض جنرل بس اسٹینڈ موجود ہونے کے باوجود ریجنل ٹرانسپورٹ اتھارٹی ، ایم ایم پی آئی ، ٹریفک پولیس اور ٹی ایم اے کمالیہ کی غفلت لاپروہی کے باعث جنرل بس اسٹینڈ کے باہر اے سی روڈلائنر کے غیرقانونی اڈاجات لاری اڈا کے باہر مین گیٹ پر قائم کئے گئے ناجائز اڈوں کے نتیجے میں ٹریفک کے مسائل بھی پیدا ہو رہے ہیںسماجی فلاحی حلقوں نے ڈی سی اوٹوبہ ٹیک سنگھ سے مطالبہ کیا کہ فی الفور ریجنل ٹرانسپورٹ اتھارٹی ، ایم ایم پی آئی ، ٹریفک پولیس اور ٹی ایم اے کمالیہ کو ان غیرقانونی اڈاجات کے خلاف کاروائی کا پابندبنایا جائے
پاکپتن کی خبریں 14/2/2017
مرشد کی کیمیا اثرنگاہ سے قلب و روح میں حقیقی روحانی انقلاب برپا ہو گیا ہے۔ حافظ ڈاکٹر محمد راشد
