پیرمحل (نامہ نگار) قتل یا ،پراسرار موت،، چک نمبر753گ ب کے رہائشی عرفان میو نے سیالکوٹ کی رہائشی خدیجہ بی بی کوبھگا کر پسند کی شادی کی جو گھرمیں پراسرار طورپر مردہ پائی گئی خدیجہ بی بی کے ورثاء کے مطابق عرفان میو نے اس کو زہر دے کر قتل کرڈالا جبکہ عرفان میو کے وارثان کے مطابق خدیجہ بی بی پراسرار طورپر مردہ پائی گئی تھانہ اروتی پولیس نے نعش قبضہ میں لے کر پوسٹمارٹم کے بعد قانونی کاروائی شروع کردی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل( نامہ نگار)جگہ جگہ کتوں کے غول شہر ی آوارہ کتوں کے رحم وکرم پر کتوں کے کاٹنے سے متعدد شہری بزرگ خواتین زخمی فی الفور آوارہ کتوں کو تلف کرنے کی مہم چلائی جائے حاجی اللہ دتہ سماجی شخصیت تفصیل کے مطابق پیرمحل شہر میں آوارہ کتوں کی مہم نہ چلانے کے باعث جگہ جگہ آوارہ کتوں کے غول بزر گ شہریوں بچے خواتین اور نمازیوں کو زخمی کرنے کا باعث بن رہے ہیں نان تحصیل ہیڈکوآرٹر پیرمحل کے اندر آوارہ کتوں کامسکن نان تحصیل ہیڈکوآرٹر انتظامیہ کی کارکردگی پر سوالیہ نشان بناہوا ہے تحصیل کونسل پیرمحل اور نان تحصیل ہیڈکوآرٹر انتظامیہ افسران کے سامنے آوارہ کتوں کے غول پھرتے نظر آتے ہیں مگر ان کو تلف کرنے کے لیے کوئی اقدامات نہ کیے گئے حاجی اللہ دتہ سماجی شخصیت نے ڈی سی اوٹوبہ ٹیک سنگھ ، اسسٹنٹ کمشنرپیرمحل سے آوارہ کتوںکو تلف کرنے کامطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار )ملک میں نئے ڈیمزکی تعمیر نہ ہونے کے باعث ہرسال 34 ملین ایکٹر فٹ پانی سمندربردہوکرضائع ہورہاہے پاکستان کاشمار دنیا کے ایسے 15 ممالک میں ہونے لگاہے جہاں پر پانی کی دستیابی دبائو کاشکار ہے پاکستان کاشمار ایسے ممالک میں ہوتاہے جہاں بین الاقوامی پیمانے کے مطابق ایک ہزار دنوں کی ضرورت کے مطابق پانی ذخیرہ کرنے کی گنجائش ہے مگرحکومت کی جانب سے نئے ڈیمز کی تعمیرکے حوالے سے عدم دلچسپی کے باعث محض پاکستان تیس دنوں کی ضروریات کاپانی ذخیرہ کرنے کی صلاحیت رکھتاہے حکمرانوںکو آب پاشی کی ضروریات کے پیش نظر فی الفور نئے ڈیم تعمیر کرناہونگے ان خیاالات کا اظہار چوہدری محمد طارق بھٹے والے معروف زمیندار کسان راہنما نے پانی کی صورتحال پر اظہار خیال کرتے ہوئے کیاانہوں نے کہا پاکستان کے پاس اس وقت 13 ملین ایکٹر فٹ پانی ذخیرہ کرنے کی گنجائش ہے اورہرسال 34 ملین ایکٹر پانی سمندرمیں گرکاضائع ہورہاہے جسے ماہرین ناقص منصوبہ بندی کانتیجہ قراردیتے ہیں ذرائع کے مطابق گذشتہ حکومت نے لیزرسے زمین ہموار کرنے کے آلات دینے اورڈرپ اریگیشن کے پروگرام شروع کئے تھے لیکن معلوم نہیں انکا کیابنا اگرحکومت نے پانی کی کمی کی طرف توجہ نہ دی تو یہ صرف ملک کی داخلی سلامتی ہی نہیں بلکہ خطہ کے امن کیلئے خطرہ بن سکتاہے آبادی کے تیزی سے اضافہ اورزرعی معیشت رکھنے والے ملک میں پانی کی قلت خورا ک کی کمی کے بحران جنم کودے سکتی ہے ملک بھرمیں جوچندایک ڈیمز بنائے بھی جارہے ہیں وہ تھوڑی بہت بجلی پیداکرسکتے ہیں لیکن پانی ذخیرہ کرنے کی کوئی خاص گنجائش نہیں رکھتے ماہرین کے مطابق تقریبا ہرسال سیلاب کے باعث پاکستان میں بربادی کی ایک نئی داستان رقم ہوتی ہے لیکن حیران کن بات یہ ہے کہ اس کے باوجود پاکستان پانی کی کمی کاشکارہورہاہے ۔ دریائے سندھ اوردیگر معاون دریائوں کاپانی ہرسال سمندرمیں گرکر ضائع ہوجاتاہے لیکن دریائے ستلج جو ریت کادریاکی شکل اختیارکرچکاہے کی سیرابی کیلئے اس پانی کواستعمال میں نہیں لایاجارہاہے اگر اس سیلابی پانی کو کسی نہرکی شکل میں دریائے ستلج میں ڈال دیاجائے تواس سے ایک طرف سیلاب کے خطرے سے نمٹاجاسکے گااوردوسری طرف اس علاقہ میں پانی کی کمی سے جومسائل پیداہورہے ہیں ان سے بھی نمٹاجاسکے گا۔ دریاستلج پرجھیل کی تعمیر کامنصوبہ صرف کاغذوں پر محددو ہے سیلابی پانی کو رابطہ نہروںکے ذریعے دریائے ستلج سمیت ایسے دریائوں میں پانی ڈالاجائے جس سے لو گ بھی اس پانی کے فوائد سے بہرہ مند ہوسکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل(نامہ نگار ) جمہوریت وسائل اور اختیار کی منصفانہ تقسیم ہی حقیقی وفاقیت کی اصل شفاف تصویرہے وفاقیت صوبائی خودمختاری اختیارات کی تقسیم بنیادی حقوق کی پاسداری میڈیا کی آزادی انسانی معاشرے کے تمام معاملات کابنیادی تعلق جمہوریت کے ساتھ بنتا ہے جمہوریت ہی وہ سیاسی نظام ہے جو حقوق کی ضمانت فراہم کرتاہے ا ن خیالات کا اظہار ڈاکٹرجاوید اقبال فاروق رانا مرکزی صدر قومی کمیشن برائے قانون بین المذاہب ہم آہنگی وانسانی حقوق پاکستان نے اپنے بیان میں کیا انہوںنے کہا پاکستان کی 68سالہ تاریخ میںزیادہ وقت مارشل لا ء دورکا ہے جمہوریت پر ہر طالع آزما آمرنے شب خون مارا جمہوریت پسند اور عوام دوست رہنما اور کارکن غدار اورملک دشمن ٹھہرائے گئے اقتدار پرست حکمرانوں کی ناعاقبت اندیش پالیسیوں کے باعث موجودہ دور میں اور آئند ہ آنے والی نسلوں کو انتہا پسندی کلاشنکوف اورعدم برداشت جیسے خطرناک رجحانات ملے جس کو ریاستی سطح پر پروان چڑھایا گیا جس سے آج کامعاشرہ آج بھی دوچار ہے مغربی ممالک کے مفادات کی خاطر اپنے ملک پر جنگ مسلط کرکے کشت وخون کا بازا رگرم کردیا پاکستانی معاشرے میں پلاننگ کے تحت سیاست سے دوری کا عمل شروع کیاگیا انہوں نے کہا کہ صوبائی خودمختاری وفاقیت سے جڑی ہوئی ہے وفاقیت کو پھلنے پھولنے اوررواںدواں رکھنے کے لیے حقیقی جمہوریت لازمی ہے وفاقیت وہ طفل ہے جس کی پرورش جمہوریت کی آغوش میں ہوناازحدضروری ہے جمہوریت ہی اس کو پروان چڑھاتی ہے حقیقی جمہوریت کے نفاذکے لیے عوام کے حقیقی نمائندوں کو آگے لانا وقت کا اہم تقاضا ہے جنہیں ملکی اور غیرملکی سطح پر پذیرائی حاصل ہونے کے ساتھ زیر ک سیاستدان کا اعزاز حاصل ہواور تمام طاغوتی طاقتوںکودندان شکن جواب دینے کی جرات آگاہی ہو ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل( نامہ نگار)محدود وسائل ، ملازمین کی عدم دستیابی اور تحصیل پیرمحل میں ٹی ایم اے پیرمحل کا نہ ہونا قبضہ مافیا کے خلاف بھر پور ایکشن میں بڑی رکاوٹ ہے تحصیل بھرکے ہر گائوں دیہات میں 30سے 40مکانات ناجائز طورپر تعمیر کرکے اور عام مکینوںنے اپنے مکانات کے برابر جگہ پر آگے تھڑے بناکر اپنی گلیوں کو تنگ کررکھا ہے جوکہ قانون کی خلاف ورزی ہی نہیں بلکہ معاشرہ کے فطری عمل کی خلاف ورزی بھی ہے ہر گائوں کے مکین خیر سگالی جذبہ کے تحت ناجائز تعمیرات کو ختم کرکے گائوں کے حسن کو قائم کرنے کے لیے عملی طورپر ضلعی انتظامیہ ناجائز تعمیرات کو ختم کرے سماجی حلقے تفصیل کے مطابق پیرمحل کو تحصیل کا درجہ حاصل ہوئے تین سال گذر چکے ہیں مگرشہری اور دیہی علاقوں میں انتظامی امور کی معاونت کے لیے موزوں ترین ادارہ ٹی ایم اے پیرمحل نہ بنایا پیرمحل شہر اور اس کے گردونواح میں کروڑوں روپے کی قیمتی سرکاری اراضی موجود ہے جس پر بااثر قبضہ مافیا قبضہ کرنے کے درپے ہیں قبضہ مافیا کی مجرمانہ کاروائیوں کو روکنے کے لیے ٹی ایم اے پیرمحل کا قیام ضروری ہے علاوہ ازیں تحصیل بھرکے ہر گائوں دیہات میں 30سے 40مکانات ناجائز طورپر تعمیر کرکے اور عام مکینوںنے اپنے مکانات کے برابر جگہ پر آگے تھڑے بناکر اپنی گلیوں کو تنگ کررکھا ہے جوکہ قانون کی خلاف ورزی ہی نہیں بلکہ معاشرہ کے فطری عمل کی سرعام خلاف ورزی ہورہی ہے سماجی فلاحی حلقوںنے ڈی سی اوٹوبہ ٹیک سنگھ اے سی پیرمحل سے تحصیل بھر کے دیہات میں ناجائز تعمیرات اور گذرگاہوں میں رکاوٹ کو دور کرنے کا مطالبہ کیا ہے
سندھ حکومت کی صفائی مہم ناکامی کے بعد اب کراچی شہر کچرے کے ڈھیروں میں تبدیل ہونے کے لئے تیار
پاکستان تحریک انصاف کا ویژن کرپشن سے پاک معاشرے کا قیام ہے، ملک تیمور
