پیرمحل (میاں اسد حفیظ سے) اسسٹنٹ کمشنر نے گورنمنٹ سپیشل ایجوکیشن سکول کا دورہ کیا تفصیل کے مطابق اسسٹنٹ کمشنر حافظ نجیب نے پرپسنل بشیر ربانی کے ہمراہ گورنمنٹ سپیشل ایجوکیشن سکول کا دورہ کیا انہوں نے طلبا کو فراہم کردہ تدریسی سہولیات، درسی ماڈلز اور دیگر امور کا جائزہ لیتے ہوئے متعلقہ عملہ کو ضروری احکامات جاری کیے۔ ادارے کے پرنسپلچوہدری بشیر ربانی نے اے سی کو تدریسی، انتظامی اور مالیاتی امور سے آگاہ کرتے ہوئے بتایا کہ طلبا کو تمام ممکنہ سہولیات فراہم کرنے میں کوئی کسر نہیں چھوڑی جا رہی۔حافظ نجیب نے سکول انتظامیہ کی کارکردگی پر اطمینان کا اظہار کرتے ہوئے کہا کہ خصوصی بچے ہماری توجہ اور پیار کے زیادہ مستحق ہیں، بہتر نگہداشت اور تعلیم و تربیت کے ذریعے انہیں معاشرے کا کارآمد فرد بنایا جا سکتا ہے۔ انہوں نے کہا کہ تعلیم یافتہ خصوصی افراد کو باعزت روزگار کی فراہمی کیلئے تمام وسائل بروئے کار لائے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) صحت یابی کے لئے دعا مسلم لیگ(ن) پیرمحل سٹی کے جنرل سیکرٹری اسرار احمد پھلوری بیمار ہیں ان کے دل کا بائی پاس آپریشن کامیاب ہو ا ہے ان کی صحت یانی کے لئے مسلم لیگ(ن) کا اجلاس چوہدری امان اللہ کے قیادت میں معنقد ہوا جس میں چوہدری خالد سرار،چوہدری طارق کوٹلی والے، عبدالغفار، رمضان انجم، مرزا اعظم مغل ، حاجی سردار محمد ، آٓصف حفیظ، حاجی اکرم، عبدالستار ساقی، مشتا ق احمد سعیدی، محمدجمیل سمیت کارکنوں کی کثیر تعداد نے شرکت اجلاس شرکاءنے دعا کی اللہ پاک انہیں صحت یاب کرے اور شفاءعطا فرمائے۔ اللہ تعالی آپ ان کو جلد صحت کاملہ عطا فرمائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) پسشاور کراچی موٹر وے ( پرانا نام کے ایل ایم ) پر پیرمحل کے نزدیک چک نمبر 319 گ ب کے پاس شیر شاہ سوری دور کی کچی جرنیلی سڑک موٹر وے ٹھکیدار نے پل تمیر نہ کر تے ہوے تاریخی سڑک کو بند کردیا مذکورہ سڑک پیرمحل بائی پاس کا درجہ بھی راکھتی ہے جس پر علاقہ کی عوام نے اسسٹنٹ کمشنر پیر محل کو بذریعہ درخواست اپنے مسائل سے آگاہ کیا تو پتہ چلا کہ جرنیلی سٹرک کو این ایچ اے کی طرف سے بند کردیا گیا لیکن عوامی مسائل ہو نے پر اسسٹنٹ کشنمرحافظ نجیب اور این ایچ اے کے ڈپٹی ڈائریکٹر سید تصور حسین شاہ نے موقع کا معائنہ کیا شہریوں کو یقین دہانی کروائی کہ جرنیلی سٹرک کا راستہ بند نہیں کیا جائے گا اس جگہ پر انڈر پاس بنایا جائے گاتاکہ کو ئی شہری تنگ نہ ہو۔ عوامی مطالبہ فوری حل کروانے پر شہریوں نے اسسٹنٹ کمشنر حافظ نجیب کا شکریہ ادا کیا اس مو قع پر تحصیلدار پیرمحل چوہدری منظر حفیظ، محکمہ مال اور این ایچ اے عملہ سمیت سنیکڑوں لوگ موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) ڈی ایس پی سرکل کمالیہ مہر سعید نے صحافیوں سے گفتگو کرتے ہوئے کہاکہ محرم کے مہینہ میں شہر بھر میں سکیورٹی کے فول پروف انتظامات کئے گئے ہیں پولیس ملازمین کی چھٹیاں منسوخ کردی گئی ہیں مجالس اور جلوسوں والے راستوں کی حفاظت اور عزاءداروں کی حفاظت کےلئے سکیورٹی کے انتظامات مزید سخت کرتے ہوئے مجالس اور جلوسوں کے منتظمین سے بھی کہا گیا ہے کہ وہ غیر متعلقہ افراد پر کڑی نظر رکھیں اور جلوسوں کے دوران انتظامیہ سے تعاون کریں تاکہ کسی بھی ناخوشگوار واقعہ سے بچا جاسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) انٹر سٹی ون وے روڈ کی تعمیر میں ناقص میٹریل کا استعمال، پلیوں پر سیمنٹ نہ ہونے کے برابر، محکمہ کے ملازمین ملوث، اعلی حکام سے فوری نوٹس لینے کا مطالبہ، تفصیل کے مطابق حکومت پنجاب کی طرف پیرمحل کے انٹر سٹی وے ون روڈ پر ناقص میٹریل سے تعمیر جاری ہے پیلوںکی تعمیر میں سمینٹ نہ ہو نے کے برابر ہے جس کی وجہ سے نالے کی تعمیر میں انتہائی ناقص میٹریل کا استعمال جاری دوئم اینٹ کا بے دریغ استعمال کیا جا رہا ہے، محکمہ کے ذمہ دار افسران اپنا حصہ لیکر خاموش، شہریوں کی بڑی تعداد نے اعلی حکام سے فوری نوٹس لیتے ہوئے ناقص میٹریل کا استعمال کرنے والے ٹھیکیدار اور محکمہ کے ملوث اہلکاروں کے خلاف سخت کاروائی کا مطالبہ کیا ہے۔
پیرمحل (میاں اسد حفیظ سے) مشہور صوفی بزرگ پیر قطب علی شاہ کا سالانہ عرس میلہ دربار قطبیہ سندیلیانوالی میںچار اکتوبر تاچھ اکتوبر منعقد ہورہا ہے رسم غسل چادرپوشی سید ابر ار حسین شاہ سجادہ نشین اور رکن صوبائی اسمبلی پیر قطب علی شاہ المعرو ف علی بابا کریں گے عرس میلہ میں ملک بھر کے لاکھوں زائرین مریدین شرکت کریں گے عرس مبارک میں گھڑسوار ی نیزہ بازی کے خصوصی مقابلہ جات ہونگے سیکورٹی کے سخت انتظامات کو حتمی شکل دے دی گئی سابق وزیراعظم پاکستان سید یوسف رضا گیلانی اور ان کے بیٹوں اور اہلیہ عرس کی تقریبات میں شرکت کریں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) مودی کی وجہ سے بھارت خود ٹکڑے ٹکڑے ہوجائیگا قیادت دلیر ہوتی تو بھارتی وزیر اعظم اسطرح للکار نہ پاتے ضرورت اس امر کی ہے کہ پوری قوم کشمیر کی آزادی کےلئے متحد ہوجائے اور بھارت سے آزادی چھین کر کشمیر کے لوگوں کو دے حکمرانوں کی ناقص پالیسیوں کی وجہ سے امریکہ بھارت کی طرف جھکاﺅ رکھے ہوئے ہے اقوام متحدہ سمیت کسی بھی ادارے کو کشمیر میں مظالم نظر نہیں آرہے ان خیالات کا اظہار ضلعی نائب صدر ڈاکٹر کشف ریاض اللہ نے کہاکہ پاک بھارت مذاکرات کےلئے حکمران جس طرح بھیک مانگ رہے ہیں وہ کسی طرح بھی درست نہیں ہے اب وقت آگیا ہے کہ حکمرانوں کو مودی کی دوستی یا پھر پاکستان کا انتخاب کرنا ہوگا الحاج ممتاز اختر کاہلوں نے کہا کہ اقوام متحدہ کا سنہری موقع وزیر اعظم نے کلبھوشن کا مسئلہ نہ اٹھا کر ضائع کیا ہے جس کا جواب پوری قوم نواز شریف سے مانگتی ہے الحاج ممتاز اختر کاہلوں نے کہا کہ اب وقت ہے کہ عوام اپنے مستقبل کا فیصلہ کرے اور دیکھے کہ ملک و قوم کےساتھ کون مخلص ہے اور کس نے پاکستانی قوم کو مقروض بناکر رکھ دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) بھارت کا کشمیر پر قبضہ ناجائز ہے اور وہاں ہونے والے مظالم انسانی حقوق کی خلاف ورزی ہیں ،ہماری پاک فوج بھارت کے جنگی جنون کا بھوت ان کے سر سے پانچ منٹ میں اتارسکتی ہے ،ہم کسی بھی بھارتی جارحیت کا مقابلہ کرنے کے لیے فوج کے ساتھ ہیں۔ان خیالات کا اظہار مسلم لیگ(ن) کے عہدیدران چوہدری خالد سردار ،امان اللہ ، عبدالغفار، محمد جمیل ، مشتا ق احمد سعیدی نے اپنے مشترکہ بیان میں کہا کہ پاک فوج نے بھارتی دھمکیوں کا نوٹس درست انداز میں لیا،بھارت کی ہٹ دھرمیوں کا جواب افواج پاکستان نے قوم کی سوچ سے بڑھ کر دیاہے بھارت کو یہ بات سمجھنا ہوگی کہ جنگ کسی مسئلے کا حل نہیں ہے انہوں نے کہاکہ پاکستان کے پاس ہندوستان سے زیادہ جنگی صلاحیت اور طاقت ہے اس کا بھارت کو بھی ادراک ہے اس کے باوجود بھارت کے اوچھے ہتھکنڈے سوائے اپنی عوام کو طفل تسلیاں دینے کے اور کچھ نہیں ہے ،انہوں نے مزید کہا کہ ہندوستان نہ صرف سرحدوں پر گولہ باری کررہاہے بلکہ وہ اندرونی طور پر بلوچستان سمیت ملک کے بیشتر حصوں میں دہشت گردانہ کارروائیوں میں ملوث ہے۔
ہر شخص ایک پودا لگائے تو شہر میں کوئی جگہ سبزے سے خالی نہ رہے۔ ریحان ہاشمی
فیصل آباد کی خبریں 5/10/2016
