پیر محل (نامہ نگار) مسئلہ کشمیر کا حل خطے کے امن کیلئے ناگزیر ہے اور چونکہ دنیا کا امن ایشیاء کے امن سے مشروط ہے اسلئے دنیا کے پر امن و محفوظ مستقبل کیلئے مسئلہ کشمیر کا حل ہونا ضروری ہے ۔ا ن خیالات کا اظہار ڈاکٹرجاوید اقبال فاروق رانا مرکزی صدر قومی کمیشن برائے قانون بین المذاہب ہم آہنگی وانسانی حقوق پاکستان نے کشمیر میںبھارت کی جارحیت پر اپنے بیان میں کیا انہوںنے کہا ایشیاء میں امن کا دارومدار پاکستان و بھارت تعلقات کی پائیداری میں ہے جبکہ ان تعلقات کا پائیداری کا تعلق مسئلہ کشمیر کے حل سے ہے اسلئے پاکستان کشمیر’ سرکریک’ سیاچن سمیت ہر معاملہ پر بھارت سے مذاکرات کو تیار ہے مگر بھارت گریز کررہا ہے کیونکہ بھارت مسئلہ کشمیر حل کانہیں چاہتا اور اسے جبراً اپنا حصہ بنانائے رکھنا چاہتا ہے جس کا مطلب ہے کہ بھارت کے توسیع پسندانہ عزائم جنوبی ایشیا سمیت دنیا بھر کے پر امن و محفوظ مستقبل کیلئے خطرہ ہے اور امریکہ بھارت کی سرپرستی و حمایت کے ذریعے دنیا کیلئے خطرے کی پرورش کررہا ہے اور دنیا خاموش تماشائی بنی امریکہ کو دنیا کے پر امن مستقبل کیلئے آتش فشاںدہکاتے ہوئے خاموشی سے دیکھ رہی ہے مقبوضہ کشمیر میں بھارتی فوجوں کی جانب سے کشمیری عوام پر بربریت کا سلسلہ تیز تر ہورہا ہے جو اس بات کا متقاضی ہے کہ ہمارے حکمران اور قوم دوٹوک مؤقف کے ساتھ کشمیری عوام کیساتھ کھڑی ہوکر ان کے حوصلے بھی مضبوط کرے اور عالمی قیادتوں وحقوق انسانی کے عالمی اداروں کو بھی یہ ٹھوس پیغام دے کہ بھارت کے ہاتھوں مسئلہ کشمیر کے یواین قراردادوں کے مطابق حل کے بغیر علاقائی اور عالمی امن و سلامتی کی کسی صورت ضمانت نہیں دی جا سکتی اس لئے عالمی اور علاقائی سلامتی مقصود ہے تو پھر بھارتی توسیع پسندانہ عزائم اور نہتے کشمیری عوام پر اسکے ظلم و جبر کا سخت نوٹس لے کر اسے نکیل ڈالنا ہوگی بصورت دیگر بھارتی جنونیت دنیا کی تباہی کی نوبت لاسکتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) نامعلوم چوروںنے جمعہ کی نماز اداکرنے آئے ٹیچر کی موٹرسائیکل چوری کرلی تفصیل کے مطابق سی پلاٹ بستی اوڈکا رہائشی ماسٹر عبدالحمید ولد نورمحمد موٹرسائیکل نمبرTSL-8719قسم سی ڈی 70CC ماڈل2013 ء انجن نمبر6015612چیسز نمبرJG-595678مالیت50ہزارروپے پرسوار مسجد جامع چراغیہ ریلوے پھاٹک ریسٹ ہائوس پیرمحل کے باہر موٹر سائیکل کھڑی کرکے جمعہ پڑھنے کے لیے مسجد کے اندر چلاگیا جمعہ پڑھنے کے بعد واپس آیا تونامعلوم چور موٹرسائیکل چوری کرکے لے گئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) مسلم لیگ ن آزاد کشمیر کے انتخابات میں واضح اکثریت نے چارسال تک فرعونی دعوے کرنے والے سیاستدانوں کی مقبولیت کے دعوے کھول کررکھ دیے اقتدار حاصل کرنے کے لیے ملک و قوم کو بے یقینی کی صورتحال سے دوچارکر کے ملک کو نقصان پہچانے والے سیاستدانوں کے سر شرم سے جھک جانے چاہیے ان خیالا ت کا اظہار محمد صدیق پیارا سابق تحصیل نائب ناظم رہنما مشاورتی کونسل پاکستان مسلم لیگ ن نے آزاد کشمیرکے انتخابات میں پاکستان مسلم لیگ ن کی تاریخی کامیابی پر اپنے بیان میں کیا انہوںنے کہاآزادکشمیر کی نئی قانون ساز اسمبلی کے انتخابات میں مسلم لیگ ن نے بڑے بڑے برج الٹاکرکامیابی کے نئے ریکار ڈ قائم کرکے مسلم لیگ ن کے خلاف جھوٹا پراپیگنڈہ کرکے اقتدار کی راہیں تلاش کرنے والوں کو واضح کردیا ہے کہ مسلم لیگ نے پاکستان بنایا تھا مسلم لیگ ن ہی پاکستان کی سالمیت بقا ء کی جنگ لڑتے ہوئے پاکستان کوبحرانوں سے نکالنے کی صلاحیت رکھتی ہے ملک سے مہنگائی ، بے روزگاری، دہشت گردی اور جھوٹ کی سیاست کے خاتمے کیلئے عوام پاکستان مسلم لیگ ن کے نمائندوں کے ساتھ ہیں ملک کو لوٹ کر کھا جانے والوں کا ہاتھ صرف نوازشریف روک سکتے ہیں، کشمیر کے عوام نے ثابت کردیا کہ باعزت روزگار، بجلی وگیس کی فراوانی کے لیے پاکستان بنانے اور ایٹمی دھماکے کرکے ملک بچانے والی جماعت ہی ملک کو کامیابی کامرانی کی طرف گامزن کیے ہوئے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) ناقص اور غیر معیاری برائلر گوشت فروخت کرنے پر قصاب کے خلاف مقدمہ درج تفصیل کے مطابق فوڈ انسپکٹر محمد اسحاق شاہ نے ناقص اور غیر معیاری حفظان صحت کے اصولوں کے برعکس برائلر گوشت فروخت کرنے صفائی کی عدم توجہی ناقص انتظامات پر وسیم ولد محمد اکرم کراچی چکن سیل سنٹر پیرمحل کے خلاف زیردفعہ 269,272,273ت پ کے تحت مقدمہ درج کروادیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) سیکورٹی نہ پٹرول ، دفتر نہ سرکاری عملہ اسسٹنٹ کمشنر پیرمحل مسائل کے بھنورمیں رہتے ہوئے اپنی مدد آپ کے تحت فرائض انجام دینے میں مصروف عوامی مسائل کے حل کے لیے فی الفور ٹی ایم اے پیرمحل قائم کی جائے سماجی فلاحی حلقوں کامطالبہ تفصیل کے مطابق پیرمحل کو تحصیل کا درجہ ملے ہوئے تین سال ہوچکے ہیں اسسٹنٹ کمشنر پیرمحل کو عارضی طورپر نان تحصیل ہیڈکوآرٹر پیرمحل میں چیف آفیسر کے دفتر میں اپنے امور انجام دینے کے لیے تعینات کیا گیا اسسٹنٹ کمشنر پیرمحل حافظ محمد نجیب نے چار ج سنبھال کرکام شروع کردیا جن کے ماتحت پیرمحل تحصیل کے ملازمین تعینات کرنے کی بجائے کمالیہ رجسٹری سے عارضی طورپر کلرک ، ریڈر اور ایک نائب قاصد کو اسسٹنٹ کمشنر کے ساتھ لگاکر تحصیل بھر کا کام ان کے ذمے لگادیا نائب تحصیلدار پیرمحل تک تعینات نہ کیا گیا اسسٹنٹ کمشنر پیرمحل کو سرکاری طورپر گاڑی کا پٹرول دینے کی بجائے اپنی مدد آپ کے تحت اپنے وسائل میں رہتے ہوئے اپنے ذاتی خرچہ پر تحصیل بھر کی بھاری ذمہ داری ڈالی گئی جس کو احسن انداز میں پایہ تکمیل پہنچایا رمضان المبارک میں اشیائے خوردونوش کی قیمتوں کو کنٹرول کرنے سمیت چیکنگ اور رمضان بازار کے انعقاد کی تمام ذمہ داریاں اسسٹنٹ کمشنر پیرمحل کے ذمہ ڈالی گئیں جس کو وسائل کی عدم دستیابی کے باوجود احسن انداز میں اسسٹنٹ کمشنر پیرمحل نے انجام دے رہے ہیں اے سی پیرمحل کے ہوتے ہوئے نان تحصیل ہیڈکوآرٹر پیرمحل کاعملہ اے سی کمالیہ کے ماتحت کررکھا ہے سماجی فلاحی حلقوںنے کمشنر فیصل آباد ، ڈی سی اوٹوبہ ٹیک سنگھ سے مطالبہ کیا کہ فی الفور پیرمحل ٹی ایم اے کو منظم کرکے اسسٹنٹ کمشنر پیرمحل کو تمام ڈی ڈی اختیارات سمیت ماتحت عملہ اور وسائل دیے جائیں تاکہ پیرمحل تحصیل کے ثمرات عوام تک پہنچ سکیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) پنجاب حکومت کے احکامات کے باوجود تحصیل پیرمحل سمیتضلع کی تمام تحصیلوں میں دودھ میں ملاوٹ جانچنے کے لئے انٹی اڈلٹریشن کٹس فراہم نہ ہوسکی ملاوٹ مافیا انسانی جانوں سے کھیلنے لگاضلعی انتظامیہ پنجاب حکومت کے احکامات کے مطابق انٹی اڈلٹریشن کٹس کی فراہمی کرکے تحصیل سطح پر دودھ اور اشیائے خوردنوش میں ملاوٹ کرنے والے عناصر کا قلع قمع کرے حاجی اللہ دتہ سماجی شخصیت تفصیل کے مطابق پنجاب حکومت کی طرف تمام ضلعی حکومتوں کو دودھ میں ملاوٹ جانچنے کے لیے انٹی اڈلٹریشن کٹس کی تحصیل سطح پر فراہمی کے لیے فنڈ فراہم کیے گئے مگر پیرمحل تحصیل سمیت ضلع ٹوبہ ٹیک سنگھ کی چارتحصیلوں کو ضلعی انتظامیہ کی طرف سے کوئی انٹی اڈلٹریشن کٹس کی فراہمی نہ کی جاسکی جس سے کھانے پینے کی اشیاء میں ملاوٹ جو انسانی زندگی کے لئے بہت خطرناک ہے سرعام کی جارہی ہے علاوہ ازیں ضلع بھر کے قصاب کا ہیپاٹائٹس بی، سی اور دیگر ضروری لیب ٹیسٹ بھی نہ کروایاگیا ضلع بھر میں دودھ فروخت کرنے والی دکانوں ، ڈیری فارمز، دودھ کلیکشن سنٹرز اور دیہی علاقوں سے دودھ لا کر فروخت کرنے والے سرعام ملاوٹ شدہ دودھ فروخت کررہے ہیںجس سے شہری موذی امراض میںمبتلاہورہے ہیں حاجی اللہ دتہ سماجی شخصیت نے ڈی سی اوٹوبہ ٹیک سنگھ سے مطالبہ کیا ہے کہ فی الفور تحصیل سطح پر انٹی اڈلٹریشن کٹس کی فراہمی کرکے شہریوں کو حفظان صحت کے اصولوں کے مطابق اشیاء کی فراہمی کو یقینی بنایاجائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) رانامحمد شفیق سابق ہاکی اولمپیئن سابق امیدوار پنجاب اسمبلی پی پی89 نے اپنے بیان میں کہاسیاست معاشی طرز فکر کو عوام کی بھلائی کے لیے استعمال کرنے کانام ہے سیاست کے ناخدائوں کی آمریت کے باعث جمہوری جماعتوں کے اندر جمہوریت کا فقدان پیدا ہوا حکومت عوام کو سستا انصاف روٹی کپڑا مکان اور عوام کو بنیادی ضروریات کی فراہمی کو یقینی نہ بنا سکنے کے باعث اسی عوامی نفرت کا شکارہوئی جس کاشکار سابق حکمران نظر آ رہے ہیں ، ابھی تک عوام موجودہ حکمرانوں کی آمد کے بعد کوئی واضح تبدیلی محسوس نہیں کر رہے اس طرح قانون کی عدم دستیابی سوالیہ نشان بنی ہوئی ہے، پاکستانی عوام کے لیے موجودہ حکمرانوں اور پارلیمنٹ نے 18 کروڑ عوام کی خواہشات بنیادی ضروریات کیلئے کوئی انقلابی اقدامات نہ اٹھائے جس سے عوام میں اضطراب کی کیفیت روز بروز بڑھ گئی عوام کی قربانیوں اور کوششوں سے ہردور میں جمہوری طاقتوں کو اقتدار توملا مگر اپنی مدت سے قبل ہی ان کو اقتدار فوج کے حوالے کرنا پڑا اسی وجہ سے وطن عزیزمیں جمہوری دور کم اور مارشل لا دور کاعرصہ زیادہ رہا جمہوری جماعت کے دعویدار تمام جماعتوں کو پہلے اپنے اندر جمہوری کلچر پیدا کرکے تنظیم سازی کرنا ہوگی اس تنظیم سازی کے نتیجہ میں ابھرنے والی قیادت کے ذریعے بھرپور اندازمیں نمائندگی کا حق ادا کرکے ہی جمہوری جماعت کا دعو یٰ سچ ہوسکتا ہے انہوںنے کہا کہ ملک میں ہر اقتدار حاصل کرنے والی جماعت نے جمہوری حکومت کا دعوٰی کیا مگر جب اقتدار حاصل کیا تو پھر اپنی جماعت میں موجودآمرانہ طرز عمل کو عوام پر مسلط کرنے کی کوشش کی جس پر انہیں مزاحمت کا سامنا کرتے ہوئے اقتدار سے بھی ہاتھ دھونے پڑے اس طرح قیام پاکستان سے ہی ملک میںجمہوری قوتوں کو پنپنے کاموقع نہ مل سکاجس سے فائدہ اٹھاکر طالع آزما قوتوںنے اقتدار پر شب خون مار کر ان جمہوری جماعتوں کو اپنی پالیسیوں پر غور کرنے پر مجبور کرد یااسی طرح آج بھی فرد واحد کی حکمرانی کا تاثر قائم ہونے کے باعث عوام گومگو کی کیفیت سے دوچار ہے حکمرانوں کو جلد جمہوری طرز عمل کو رائج کرکے اداروں کی بالادستی کو قائم کرنا ہوگا تاکہ ترقی یافتہ ممالک کی طرح پاکستان میں سیاسی عمل عوام کی حکومت عوام پر عوام کے لیے کے نعرہ کی عمدہ مثال ثابت ہوسکے۔
کراچی میں ہونے والے عرس نورانی کے دن سے انجمن طلبہ اسلام عشرہ امام نورانی کا آغاز کریگی، عبدالسلام اعوان
ملک بھر کی طرح ضلع بھر کے مختلف شہریوں میں مجلس وحدت مسلسمین کی جانب سے احتجاجی مظاہرہ
