پیرمحل (نامہ نگار) بھٹو شہید عالم اسلام اور تیسری دنیا کے وہ عظیم لیڈر تھے جنہوں نے اپنے دور اندیشانہ افکار کی بدولت مظلوم اور محکوم عوام نے اپنے حقوق کی بحالی کے لئے جدوجہد کی، آج پاکستان کی جدید جمہوریت اور استحکام شہید بھٹو کی سیاسی ،جمہوری اساس کا نتیجہ ہے ۔ان خیالات کا اظہار سیٹھ شبیر عبداللہ ہوشیار پوری ، رانامحمد جمیل پاکستان پیپلزپارٹی رہنمائوںنے ‘ شہیدذوالفقارعلی بھٹو کی 89 سالگرہ کے موقع پراپنے بیان میں کیا انہوںنے کہا پاکستان کا ایٹمی نظام نہ صرف عالم اسلام بلکہ دنیاء بھر کے سامراجی نظام کے خلاف استعماری قوتوں کے خاتمہ کی علامت بن چکا ہے۔اسی لئے سامراجی استعماری باطل قوتوں نے ذوالفقار علی بھٹو کو ایک سوچی سمجھی بین الاقوامی سازش کے تحت عوام سے جدا کردیا۔ ہم آج بھی بلاول بھٹو کی قیادت میں حکمرانوں کی غلط پالیسیوں کے خلاف بھر پور جدوجہد کا اعادہ کرتے ہیں سیٹھ شبیر عبداللہ ہوشیار پوری نے کہا شہیدذوالفقارعلی بھٹو نے قوم کی قیادت کاحق اداکردیاایسی شخصیت صدیوں میں پیداہوتی ہے رانامحمد جمیل نے کہا ذوالفقارعلی بھٹوشہیدعالم اسلام کافخر تھے انہوں نے اسلامی دنیا کی سربلندی کیلئے رات دن ایک کردیا آج پاکستان انہیں کی پالیسیوں پرعمل کرکے مکمل کامیابیوں سے ہمکنارہورہاہے وہ پاک چین دوستی کے معمار تھے ایٹمی پروگرام سٹیل مل اوردوررس اصلاحات کے زریعے انہوں نے پاکستان کو ایک کامیاب اورطاقت ور ملک بنانے میں مکمل کامیابی حاصل کی آج پاکستان کے دشمن دورسے چیختے چلاتے رہتے ہیں لیکن پاکستان کاکچھ نہیں بگاڑ سکتے انہوں نے سیاست کو ڈرائنگ روم سے نکال کر عام آدمی کسان مزدور استاداوردکاندارکے ہاتھوں میں دیدیا جس سے پاکستان میں سیاسی شعوربیدارہوا اور اب کوئی بھی عوام کوگمراہ نہیں کرسکتا وہ اپنے مرکز سے آج بھی لوگوں کے دلوں پرحکومت کررہے ہیں اور تاقیامت پاکستان میں ان کی قائم کردہ پارٹی حکومت کرتی رہے گی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) انتظامیہ کی غفلت یا لاپرواہی بھسی روڈ کے بھٹہ جات پر توڑی سے اینٹوں کی پکوائی مکین سانس کی بیماریوں میں مبتلا توڑی سے تیار کردہ اینٹیں سرکاری منصوبہ جات میں استعمال ہونے لگی تفصیل کے مطابق بھسی روڈ پر واقع بھٹہ جات پر پابندی کے باوجود اینٹوں کی پکوائی کے لیے توڑی استعمال ہونے لگی جس سے اردگرد کے مکین سانس جگر کی بیماریوں میں مبتلا ہونے لگے ان بھٹہ جات سے تیار شدہ اینٹیں جوکہ ناقص ہونے کے باعث 35سوروپے فی ہزار سرکاری منصوبہ جات جس میں سولنگ اور سرکاری عمارتوں میں تعمیر میں استعمال ہورہی ہے جس سے نہ صرف لاکھوں کروڑوں روپے کا نقصان افسران کی ملی بھگت سے ہورہا ہے بلکہ جانوروں کے چارہ وغیرہ کی قلت پید اہورہی ہے سماجی فلاحی حلقوںنے ڈی سی اوٹوبہ ٹیک سنگھ سے بھٹہ جات میں پکوائی کے لیے توڑی کے استعمال کو روکنے سمیت سرکاری منصوبہ جات میں اینٹوں کے استعمال پر پابندی کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) تحصیل پیرمحل کے اکثر مواضعات کی اراضی کے انتقال رجسٹری پر پابندی حکومت پنجاب کو انتقال رجسٹری کی مد میں کروڑوں روپے ماہانہ کا نقصان تفصیل کے مطابق تحصیل پیرمحل شہر سمیت گردونواح کے چکوک کی اراضی کا انتقا ل رجسٹری کمپیوٹرائزکیا گیا مگر کافی مواضعات کا ریکارڈ کمپیو ٹرائز ہونے کی بجائے کمرشل کردیا تھا بعض مواضعات ٹی ایم اے ٹوبہ ٹیک سنگھ اور ٹی ایم اے کمالیہ کی جانب سے بلاتصدیق متنازعہ ہونے کے باعث انتقال رجسٹری پر پابندی عائد ہے زرعی سکنی اراضی کا انتقال رجسٹری بندہونے کے باعث پراپرٹی ڈیلر انویسٹر اور ٹائون مالکان کو کروڑوں روپے ماہانہ کا نقصان ہورہا ہے سائلین کے بار بار چکر لگانے کے باوجود انتظامیہ تحصیلدار اور دیگر محکمہ مال کا عملہ اور سائلین سخت پریشان ہے کیونکہ اراضی کے انتقال رجسٹری پر پابندی سے وراثت سمیت دیگر تمام امور بند ہونے سے مکین سخت مشکلات کا شکار ہے سائلین نے تحصیل پیرمحل کے انتقالات رجسٹری نہ کھولنے پر شدید احتجاج کا اعلان کیا ہے جبکہ محکمہ مال کے اہل کاروں کا کہنا ہے جب تک ٹی ایم اے کلیئرنس نہ دے گی اس وقت تک انتقال رجسٹری نہیں ہوسکتے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار ) سول ہسپتال پیرمحل میں الٹرا سائوند مشین سرے سے نایاب شہری بازار سے مہنگے داموں الٹر اسائونڈ کروانے پر مجبور تفصیل کے مطابق پنجاب حکومت کی طرف سے سرکاری ہسپتالوں میں کروڑوں روپے کے فنڈ عوام کو علاج معالجہ کی سہولت کے مختص کیے گئے جس کے تحت ضلع بھر کے تمام سرکاری ہسپتالوں میں جدیدسہولیات مہیاکی گئی مگر سول ہسپتال پیرمحل میں اپ گریڈنگ کے باوجود تمام سہولیات کا فقدان ہے جس میں ہرقسم کے آپریشن بند کردیے گئے الٹر اسائونڈ مشین سرے سے نایاب ہونے کے باعث مریض بازار سے مہنگے داموں الٹراسائونڈکروانے پرمجبور ہے ڈینٹل یونٹ سمیت سے مریضوں کی سہولت کے لئے کوئی بھی ضروری ادویات موجود نہ ہے جس سے وزیراعلیٰ پنجاب کا عوام کو طبی سہولیات فراہم کرنے کاوعدہ خواب بن گیاسماجی فلاحی حلقوںنے ڈی سی اوٹوبہ ٹیک سنگھ کمشنر فیصل آباد سے مطالبہ کیا کہ فی الفور پیرمحل میں آپریشن سمیت الٹراسائونڈ کی سہولیات فراہم کی جائیں
ڈاکٹر شاہد سمیع سالانہ ونٹر میٹنگ کے حوالے سے دیئے گئے عشائیے کی تقریب سے خطاب کر رہے ہیں
بلوچستان میں ہر قیمت پر امن قائم کیا جائے گا : آرمی چیف
