پیرمحل (میاں اسد حفیظ سے) حساس اداروں کی اہلکاروں کی کاروائی دو افراد کو گرفتار کرکے تفتیش کے لئے نامعلوم مقام پر منتقل کردیا گیا تفصیل کے مطابق خفیہ ایجنسی اہلکاروں نے شہر کے وسطی اللہ والا چوک میں اچانک کاروائی کرتے ہوئے فروٹ فروش شاہد منظور سکنہ کچی کوٹھی اور عاطف علی اظہر سکنہ اپرکالونی کو حراست میں لے کر تفتیش کے لئے نامعلوم مقام پر منتقل کردیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) غیر معیاری سوجی اور نمک فروحت کرنے والے دوکانداروں کے خلاف مقدمات درج نواحی گائوں 683/24گ ب اور 319گ ب میں فوڈ انسپکٹر نے کاروائی کرتے ہوئے مبینہ طور پر غیر معیار ی سوجی اور نمک فروخت کرنے پر احسان الحق ، شہزاد افضل کے خلاف مقدمات کا اندارج کروادیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) بااثر ٹھیکیدار ،،،ساڑھے 22 کروڑ روپے سے مین رجانہ روڈ کارپٹ روڈ کی نامکمل تعمیر،، زیر تعمیر پلیاں ، ریلوے پھاٹک پر نامکمل سڑک ، درمیان فٹ پاتھ پر روڑی والی مٹی ڈال کرحکومتی خزانے کو کروڑوں روپے کا ٹیکہ ،،جون 2016 کو کارپٹ روڈ کی تعمیرمکمل ہونا تھی رقم جون سے پہلے ٹھیکیدار نے مقامی ایکسئین کی مدد سے وصو ل کرکے کام ادھورا چھوڑکر رفوچکر ،، فی الفور سڑک کی تعمیر مکمل کروائی جائے سماجی حلقے تفصیل کے مطابق ساڑھے22 کروڑ روپے سے مین رجانہ روڈ کارپٹ روڈ جس کی تعمیر ماہ جون 2016 کو مکمل کرنا تھی بااثر ٹھیکیدار نے ایکسئین کی ملی بھگت سے تمام رقم وصول کرنے کے باوجود سڑک کو مکمل نہ کروایا سڑک کی تعمیر کرتے وقت سب گریڈ نہ کروایا گیا بغیر کمپیکشن کے سڑک کی بیس میں کچا پتھر اور ناقص میٹریل استعمال کرتے ہوئے سڑک کا لیول انتہائی غیر مناسب اور خراب ہونے کے باعث سڑک جگہ جگہ سے ٹوٹنے کے خدشات پید اہوگئے دورویہ کارپٹ روڈ پرزیر تعمیر پلیا ں جس میں ناقص میٹریل استعمال ہونے کے باعث کئی ماہ گذرنے کے باوجود نصف سائیڈیں تک مکمل نہ کی گئی سڑک کے دونوں اطراف کھال کی تعمیر اور سروس روڈ کی تعمیر کرنا تھی پانی کے نکاس کے کھال اور سروس روڈ کے جگہ جگہ گڑھے کھودنے کے باوجود کام کو ادھور اچھوڑ دیا گیا ساڑھے 22کروڑ روپے کی سڑک کی تعمیر سے پہلے سڑک کے درمیان میں آنے والے ریلوے پھاٹک کی حدود میں ہونے کے باعث ریلوے پھاٹک کے دونوں اطراف تین تین سو میٹر کی سڑک مکمل طورپر تعمیرنہ کی جاسکی سروس روڈ کی نامکمل تعمیر ، پانی کے کھال کی نامکمل تعمیر ہونے کے باعث کروڑوں روپے کی خطیر رقم سے دورویہ کارپٹ روڈ کامقصد ختم ہوگیا وہاں ساڑھے 22 کروڑ کرپشن کی نذر ہوگئے سماجی ۔ فلاحی ، سیاسی حلقوںنے وزیر اعلیٰ پنجاب کے نام بھیجی گئی تحریری درخواستوں میں ساڑھے22 کروڑ روپے سے مین رجانہ روڈ کارپٹ روڈ کی نامکمل تعمیر میں کرپشن کی تحقیقات نیب سے کروانے کامطالبہ کرتے ہوئے سڑک کی فی الفور تعمیر کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) کروڑوں روپے سے علی اسٹیڈیم پیرمحل میں آسٹرو ٹرف بچھانے کا خواب ادھورا رہ گیا پنجاب حکومت کی طرف سے پیرمحل شہر کے وسط میں موجود علی اسٹیڈیم کی تعمیر کے لیے کروڑوں روپے کی گرانٹ جاری ہونے کے باوجود کام شروع نہ ہوسکا پاکستان ہاکی فیڈریشن تحصیل پیرمحل میں آسٹروٹرف بچھانے کا وعدہ پور اکرے رانا شفیق ، محمد علیم ہاکی اولمپیئن تفصیل کے مطابق پاکستان کے قومی کھیل ہاکی میں تحصیل پیرمحل سے شفقت رسول ، علیم بلال ، دلبر حسین ، محمد رضوان سینئر ، بلال قادر ،محمد عامر جونیئر ،محمد عدنان جونیئر قیادت کرتے ہوئے دنیا بھر میں پاکستان کا نام روشن کررہے ہیں جبکہ مقامی سطح پر کسی بھی قسم کا کوئی ہاکی گرائونڈنہ ہے رانا محمد شفیق اور علیم رضا کی قیادت میںہاکی کا ورلڈ کپ جیت کر پاکستان کا دنیا بھر میں نام روشن کرنے پر وفاقی حکومت کی طرف سے پیرمحل شہر میں آسٹروٹرف بنانے کا اعلان کیا گیا عرصہ دس سال گذرنے کے باوجود اس پر عملدرآمد نہ ہوسکا موجود ہ پنجاب حکومت کی طرف سے ایم این اے چوہدری اسدالرحمان کی کاوش سے پیرمحل کے وسط میں موجود علی اسٹیڈیم میں آسٹروٹرف بچھانے کے لیے کام شروع کیا گیا اور کروڑوں روپے کی گرانٹ بھی منظور کی گئی پاکستان ہاکی فیڈریشن نے تحصیل پیرمحل میںاپنے خرچہ پر آسٹروٹرف بچھانا تھی مگر علی اسٹیڈیم میں ہل چلاکر زمین کو ناہموار کرکے چھوڑدیا گیا جس سے علی اسٹیڈیم ہر طرح کے کھیل کے لیے بندہوگیا اردگرد کے مکینوںنے علی اسٹیڈیم کو کوڑاکرکٹ کی آماجگاہ بنالیا جبکہ پاکستان ہاکی فیڈریشن کا تحصیل پیرمحل میں آسٹروٹرف بچھانے کا وعدہ ردی کی ٹوکری کی نذر ہوگیا سپورٹس تنظیموںنے وزیر اعظم پاکستان ، وزیر اعلیٰ پنجاب ، کمشنر فیصل آباد ، ڈی سی اوٹوبہ ٹیک سنگھ سے فی الفور تحصیل پیرمحل میں ہاکی کے فروغ کے لیے آسٹروٹرف بچھانے کا وعدہ پور ا کرنے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) پاک فوج نے بروقت کاروائی کرکے ڈارون گرا کر اور جاسوس آبدوز کو بھاگنے پر مجبور کرکے برتری کا خود ساختہ بھارتی احساس بکھیر دیا ہے فوج دفاع وطن کیلئے مستعد ہے اور سرحدی جارحیت کیخلاف بھارت کو بھرپور جواب دے رہی ہے پاکستان کو اندر سے نقصان پہنچانے کی بھارتی سازشوں کا بھی بھرپور جواب دینے کی ضرورت ہے ا ن خیالات کا اظہار مسلم لیگ(ن) کے رہنما چوہدری امان اللہ نے اپنے بیان میں کیا انہوںنے کہا پاکستان کیخلاف بڑھتی ہوئی بھارتی ریشہ دوانیوں ‘ سازشوں اور سرحدی جارحیت کاافواج پاکستان کی جانب سے بھرپور جواب دیا جارہا ہے مگر کنٹرول لائن کی خلاف ورزیوں کے ذریعے پاکستانی فوجیوں اور معصوم شہریوں کو شہید کرنے والا بھارت پاکستان کی جوابی کاروائی سے اپنے فوجیوں کی ہلاکت پر خاموش ہے کیونکہ جارحیت کیخلاف پاکستانی افواج کی جوابی کاروائیوں سے بھارتی فوجیوں کی ہلاکت کا اعتراف بھارتی عوام میں مودی حکومت کیلئے منفی جذبات اور اشتعال باعث بن جائے گا اور بھارتی برتری کا خود ساختہ احساس بھی بکھر جائے گا نے کہا کہ پاک فوج ایل او سی پر دفاع وطن کا بھرپور کردار ادا کر رہی ہے اور بھارت کو مؤثر و فوری جواب کے ذریعے چھٹی کا دودھ یاد دلارہی ہے تاہم دشمن سرحد کے اندر بھی پاکستان کو نقصان پہنچانے کی کوشش کر رہا ہے اسلئے اس کو یہاں بھی مزید بھرپور طریقے سے جواب دینے کی ضرورت ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) اڑھائی کروڑ روپے سے رضا فاروق میموریل لائبریری کی تکمیل مکمل ہونے کے باوجود عوامی نوعیت کے منصوبہ کو عوام کے لیے کھولانہ جا سکا تفصیل کے مطابق ایم این اے چوہدری اسدالرحمن اور چوہدری مصطفی رمدے ایڈوکیٹ کی ذاتی کاوش سے پنجاب حکومت کی گرانٹ سے پیرمحل شہر میں اڑھائی کروڑ روپے کی خطیر رقم سے رضافاروق میموریل لائبریری کا قیام عمل میں لایا گیا جو تکمیل ہونے کے باوجود اس لائبریری کو عوام کے لیے ناگزیر وجوہات کی بناء پر کھولا نہ جاسکا سماجی فلاحی حلقوںنے وزیر اعلیٰ پنجاب میاں شہباز شریف ، ایم این اے چوہدری اسدالرحمن سے اپیل کی رضا فاروق میموریل لائبریری کو عوامی مفاد کے پیش نظر جلد ازجلد کھولا جائے تاکہ علاقہ میں تعلیمی ترقی سمیت اڑھائی کروڑ روپے سے تعمیر لائبریری کے قیام کے مقاصد حاصل ہوسکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) نوعمراناڑی رکشہ ڈرائیور شہریوں کے لیے وبال جان بن گئے تفصیل کے مطابق پیرمحل شہر اور اردگرد کے چکو ک کو جانے والے موٹر سائیکل رکشے جنہیں نوعمر اور اناڑی ڈرائیورچلارہے ہیں جنہیں ڈرائیونگ کی ذرا بھر بھی سوجھ بوجھ نہ ہے جو کہ نہ صرف اپنی جانیں ہتھیلی پرلیے پھرتے ہیں بلکہ شہریوں کے لیے ملک الموت ثابت ہورہے ہیں نتائج سے بے خبر والدین روزی روٹی کے نا م پر موٹرسائیکل رکشہ اپنے نوعمر لخت جگر کے حوالے کرکے انہیں سرعام موت کے سپر د کررہے ہیں سماجی حلقوں نے ڈی پی او ٹوبہ ٹیک سنگھ سے مطالبہ کیاکہ تمام موٹرسائیکل رکشوں کی جانچ پڑتال کی جائے اور نوعمراورکم سن ڈرائیوروں کے خلاف کاروائی کی جائے جوکہ چلتی پھرتی موت ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) قمرزمان کائر ہ کی بطور پنجاب صدر نامزدگی پاکستان پیپلزپارٹی کی قیادت کا احسن اقدام ہے پاکستان پیپلزپارٹی نے ہمیشہ جمہوریت کی مضبوطی اور عوام کی ترقی اور خوشحالی کیلئے دن رات جدوجہد کی ہے اور پیپلز پارٹی اپوزیشن میں بھی رہ کر عوام کی ترجمانی کرے گی ان خیالات کا اظہار شیخ محمد اکرم صدر پاکستان پیپلزپارٹی تحصیل پیرمحل نے اپنے بیان میں کیا انہوںنے کہا پاکستان پیپلز پارٹی کے خلاف پہلے بھی کئی سازشیں ہوئیں مگر پاکستان پیپلز پارٹی کا راستہ روکنے والے اپنے ایجنڈے میں کامیاب نہیں ہو سکے اور اب بھی مخالفین کو ناکامی ہو گی اور آنے والا وقت ایک بار پھر پاکستان پیپلز پارٹی کا ہو گا۔رانا محمد جمیل نے کہا پاکستان پیپلز پارٹی آج بھی پاکستان کی سب سے بڑی نظریاتی سیاسی قوت ہے۔پارٹی کارکنوں کے حوصلے آج بھی ہمالیہ کی طرح پر عزم اور ناقابل شکست ہیںانہوںنے کہا تاریخ گواہ ہے پاکستان پیپلز پارٹی نے ہمیشہ اپوزیشن میں رہ کر ترقی کی پاکستان پیپلزپارٹی نے ملک اور جمہوریت کیلئے جانیں قربان کی ہیں۔محترمہ بینظیربھٹو شہید نے آخری دم تک جمہوریت اور ملکی بقا کی جنگ لڑی پی پی پی کارکن محترمہ کے مشن کوجاری رکھتے ہوئے ہرقربانی دینے کیلئے تیار ہیں پاکستا ن پیپلز پارٹی کو کبھی بھی اقتدار کا لالچ نہیں رہا۔پاکستان پیپلزپارٹی ملک کی واحد جماعت ہے جوسیاسی انتقام کی حامی نہیں پاکستان پیپلزپارٹی نے ہمیشہ مفاہمت کی سیاست کامحور رکھاہے پاکستان پیپلزپارٹی نے پانچ سال جمہوری رویوں کوپروان چڑھایاہے یہی وجہ ہے کہ پاکستان پیپلزپارٹی اپناآئینی عرصہ پورا کرکے رخصت ہوئی۔ پاکستان پیپلزپارٹی کے دورحکومت میں کسی سیاستدان یاسیاسی کارکن کوسیاسی انتقام کانشانہ بنایاگیا اور نہ اس کی آزادی سلب کی گئی۔
بھمبر کی خبریں 21/11/2016
فیصل آباد میں تحفظ ماحول ایکٹ 2012 کا نفاذ مذاق بن کر رہ گیا ہے
