پیرمحل (میاں اسد حفیظ سے) بڑھتی ہوئی آبادی کے پیش نظر رہائشی کالونیوں کا قیام وقت کی اہم ضرورت ہے مکینوں کو بنیادی سہولیات فراہم کرنا حکومت اور ٹاونز مالکان کی ذمہ داریوں میں شامل ہے ان خیالات کااظہار معروف شخصیت میجر(ر) ندیم شہزاد، چوہدری اسجد بھولا، نے شورکوٹ روڈ پر واقع الجنت گاڈرن میں منعقد ہ تقریب سے خطاب کرتے ہوئے کہاکہ دیہاتی حلقوں میں سہولیات کافقدان ہو نے کی وجہ سے شہریوں کی بڑی تعداد شہروں کا رخ کررہی ہے تاکہ ان کو تعلیم اور صحت سمیت اہم سہولیات میسر آسکیں ،روز بروز ملک کی بڑھنے والی آبادی کے پیش نظر نئی ہائوسنگ سکیموں کا قیام وقت کی اہم ضرورت ہے تاکہ نقل مکانی کرنے والے شہریوں کوتمام اہم بنیادی سہولیات ان کی دہلیز پر میسر آسکیں ۔انہوں نے کہاکہ ہا ئوسنگ سکیموں کا قیام عمل میں لانے والے افراد پر بھاری ذمہ داری عائد ہو تی ہے کہ وہ جن سہولیات کا وعدہ کرتے ہیں وہ شہریوںکو ہر صورت فراہم کریں تاکہ ان کا انویسٹ کیاگیاسرمایہ ضائع ہونے سے بچ سکے ۔حکومت کو بھی چاہیے کہ نئی ہائوسنگ سکیموں کی ترقی میں حائل تمام رکاوٹوں کو دور کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) دی ایجوکیٹرز پیرمحل کیمپس میں سالانہ تقسیم انعامات کی تقریب منعقد ہو ئی میونسپل کمیٹی کے چیئرمین چوہدری خالدسردار، وائس چیئرمین چوہدری سلطان احمد ،پرنسپل کالج ملک ارشد ، عارف جانباز قافی ، عمران ندیم سندھونے انعامات تقسیم کیے۔ بچوں نے خوبصورت انداز میں ملی نغمے پیش کیے حاضرین نے خوب داد دی تفصیل کے مطابق دی ایجوکیٹرز سکول پیرمحل میں سالانہ تقریب تقسیم انعامات منعقدہوئی تقریب میں سکول کے بچوں نے خوبصورت ملی نغمے اور تقاریر پیش کیں جنہیں تقریب میں شریک والدین اور دوسرے لوگوں نے بے حد سراہا۔ اس موقع پر چیئرمین میونسپل کمیٹی چوہدری خالد سردار نے کہاکہ دی ایجوکیٹرز علاقہ میں لوگوں کی تعلیم کے ذریعے بہت خدمت کررہا ہے اور یہ سکول بڑے بڑے لوگ پیدا کررہا ہے۔ انہوں نے کہاکہ ہمارے ملک میں تعلیم کی جتنی ضرورت محسوس کی جارہی ہے ہمیں اس سے بھی زیادہ ضرورت ہے عارف جانباز قاضی نے کہا کہ حدیث مبارک ہے کہ پڑھنے اور پڑھانے والے سب سے بہتر ہیں اور صاحبان علم کی معاشرے میں سب سے زیادہ عزت ہونی چاہیے۔انہوں نے کہا کہ تعلیم اور ریسرچ نجات کا راستہ ہے دنیا میں بھی آخرت میں بھی۔ سکول کے منیجنگ ڈائریکٹر ملک ارشد نے خطاب کرتے ہوئے کہا کہ دی ایجوکیٹرز بچوں کو اعلی تعلیم کم خرچ پر مہیاکررہا ہے۔ سکول سٹاف کی بدولت فیصل آباد بورڈ اور دیگر امتحانات میں سکول کے اچھے انتہائی شاندار کارکردگی دکھا رہے ہیں۔ سکول کا رزلٹ 100فی صدآرہا ہے۔ انہوں نے کہا کہ والدین کی خواہش کے مطابق اچھی سے اچھی تعلیم بچوں کو مہیا کررہے ہیں۔ا نہوں نے کہا کہ سکول رزلٹ کی شاندار کارکرگی تمام سٹاف کی محنت کا نتیجہ ہے۔ آخر میںچوہدری خالدسردار، وائس چیئرمین چوہدری سلطان احمد ،پرنسپل کالج ملک ارشد ، عارف جانباز قاضی ، عمران ندیم سندھونے بچوں میں انعامات تقسیم کیے۔ اس موقع پر صحافیوں ، بچوں کے والدین اور کثیر تعداد میں لوگوں نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) حکومت پنجاب کی خصوصی ہدایات کی روشنی میں محکمہ زراعت توسیع کی جانب سے فصلوں کی جڑی بوٹیوں کے مکمل خاتمہ اور عام کسانوں اور چھوٹے کاشتکاروں کی فلاح اور رہنمائی کے لئے آگاہی مہم کے لئے خصوصی سیمینار کا انعقاد کیاگیا جس ڈ ڈپٹی ڈسٹرکٹ آفیسر زراعت چوہدری خالد محمود اور رزاعت آفیسر شکیل احمد اور تحصیل پیرمحل کے تمام نمبرداران صاحبان نے شرکت کی تربیتی و معلوماتی سمینار سے خطاب کرتے ہوئے چوہدری خالد محمود نے کہاکہ دیہی علاقوں میں سڑکوں کے کنارے ، تالابوں کے قریب اور غیر کاشتہ رقبہ پر جڑی بوٹیاں بڑے پیمانے پر موجود ہوتی ہیں جن کے بیج ہوا اور دیگر ذرائع سے کھیتوں میں پہنچ جاتے ہیں اور یہ جڑی بوٹیاںکھیتوں میں اگنا شروع ہوجاتی ہیں اور فصل کی خوراک کھاکر اسے کمزور کرنے کا سبب بنتی ہیں۔ اس لئے ان کو کھیتوں میں پہنچنے سے پہلے ہی تلف کرنا ضروری ہے۔اس لئے اس مہم کا آغاز کیا گیا ہے۔یہ جڑی بوٹیاں انسانی صحت کو بھی متاثر کرتی ہیں اور اگر جانور انہیں کھالیں تو انہیں بھی نقصان پہنچتا ہے۔گاجربوٹی جیسی جڑی بوٹی انسان کی جلد کو متاثر کرتی ہے۔ شکیل احمد نے کہاکہ مختلف اقسام کی جڑی بوٹیوں ہماری فصلوں و بتاہ کو بربادکر رہی ہیں جس کی وجہ سے فی ایکٹر پیداوار میں 30 سے40 فیصد تک پیداوار میں کمی سے کھاد اور پانی کا بھی نقصان ہوتاہے جڑی بوٹیوں زیادہ تعدادبیج پیداکر تی ہیں جو مختلف ذرائع سے کھیتوں میں پہنچ جاتے ہیں جڑی بوٹیوں کی تلفی نہ صرف کھیتوں کے لئے ضرور ی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) شراب فروش رنگے ہاتھوں گرفتار مقدمہ درج تفصیل کے مطابق دوران گشت تھانہ پیرمحل پولیس نے مظہر ولد شبیر حسین ساکن چک741گ ب کو موٹرسائیکل نمبرTSL-4506پر سوار چیک کیا توا سکے قبضہ سے دس لٹر شراب برآمد ہوئی جس کو گرفتار کرکے منشیات ایکٹ کے تحت مقدمہ درج کرلیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) واپڈاٹاسک فورس کا چھاپہ بجلی چوری کرتے ہوئے صارف گرفتار مقدمہ درج تفصیل کے مطابق چک نمبر681/22گ ب میں مقصود احمد ولد دائود خان جوکہ مین کیبل پنکچر کرکے بجلی چوری کرتے ہوئے واپڈاٹاسک فورس پیرمحل نے پکڑکر تھانہ پیرمحل میں مقدمہ درج کروادیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) سات کس نامعلوم چوروںنے اہل خانہ کی غیر موجودگی میں گھر کا صفایا کردیا تفصیل کے مطابق ٹاپ سٹی کے رہائشی محمد رمضان ولد محمد سلیمان موضع ڈھیڈی اپنے اہل خانہ کے ہمراہ گیا ہوا تھا کہ اہل خانہ کی غیر موجودگی میں نامعلوم چوروںنے گھر کے تالے توڑ کر طلائی زیورات دس تولے ایل سی ڈی مالیت 90ہزار روپے کپڑے مالیت دیڑھ لاکھ روپے نقدی ایک لاکھ روپے چوری کرکے فرارہوگئے تھانہ پیرمحل پولیس نے نامعلوم چوروں کے خلاف مقدمہ درج کرلیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) چار کس نامعلوم مسلح ڈاکوئوںنے سعودیہ پلٹ شہری کو اسلحہ کی نو ک پرلوٹ لیا دوسرے واقعہ میں دکاند ار سے موبائل فون چھین لیا تفصیل کے مطابق چک نمبر321گ ب گوانس بستی کارہائشی محمد شہزاد ولد محمد ریاض شام کے وقت ریلوے لائن کے ساتھ ساتھ جارہاتھاکہ چارکس نامعلوم مسلح ڈاکوئوںنے اسلحہ کی نوک پر یرغمال بناکر نقدی دوموبائل فون چھین لیے اور فرارہوگئے احمد رضا ولد دلشاد علی اپنی دکان احمد گارمنٹس نم والا بازار بندکرکے اپنے گھر کچی کوٹھی جارہاتھاکہ مندربلاک محلہ میں تین کس نامعلوم مسلح موٹرسائیکل سواروں نے یرغمال بناکر موبائل فون ہواوے Y52Goldایمی نمبر864098034866789 مالیت 12ہزار 500روپے چھین لیا فائرمارنے کی دھمکی دے کر الزام علیہان چھینے گئے موبائل فون سمیت فرارہوگئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) مردم شماری اہم قومی فریضہ ہے شمارکنندگان معلومات کے امین ہیں درست معلومات کا حصول اور ذمہ داری سے اندارج ہماری ملکی ترقی کی منصوبہ بندی کی بنیاد ہیں ان خیالات کااظہار حافظ محمد نجیب اسسٹنٹ کمشنر پیرمحل ضلعی سینسر آفیسر نے مردم شماری کے حوالہ سے بیان میں کیا انہوں نے کہاکہ قومی ذمہ داری کی انجام دہی بلا خوف و خطر کریں کسی قسم کی مشکل کی صورت میں مرکزی کنٹرول روم سے رابطہ کریں انہوں نے کہا کہ میڈیا اس اہم قومی فریضہ میں عوام کو آگاہی دینے کیلئے عوام کو ترغیب دیں کہ وہ مردم شماری عملہ کو اپنے کوائف لکھوانے میں حقیقت پسندی سے کام لیںتاکہ ہماری ملکی ترقی کی منصوبہ بندی صحیح معنوں میں پروان چڑھ سکے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) مسلمانوں کے عقائد سے کھیلنے والے کسی بھی معافی کے لائق نہیں جسٹس شوکت عزیز صدیقی کے ایمان افروز ریمارکس نے سچے اور پکے عاشق رسولۖ ہونے کا ثبوت دے کر عاشقان رسول کے دل جیت لئے ہیں ان خیالات کا اظہار نعیم اختر جانباز ضلعی صدر انجمن غلامان مصطفی ۖ نے اپنے بیان میں کیاانہوںنے کہا یہودی لابی ایک منظم سازش کے ذریعے گستاخانہ حملوں کے ذریعے مسلمانوں کی غیرت ایمانی کو للکار رہی ہے۔ حکومت کو ملک میں ہونے والے گستاخانہ حملوں کا سختی سے نوٹس لیتے ہوئے ملزمان کو گرفتار کرکے سخت سزائیں دینی چاہئے ۔ اگر حکومت نے حالیہ گستاخانہ معاملے پر سستی یا غفلت کامظاہرہ کیا تو اس کے نتائج خطرناک بھی ہو سکتے ہیں ۔فیس بک سے گستاخانہ اور شرانگیز مواد کا خاتمہ انتہائی ضروری ہے ۔ چیک اینڈ بیلنس کے ذریعے گستاخانہ اور شرانگیزی کے دروازے ہمیشہ کے لئے بند کرنا ہونگے اسلام طاغوت اور سامراج کو ایک نظر نہیں بہا رہا ہے وہ آئے روز مسلمانوں کے ایمان پر حملے کرنے میں مصروف ہیں ۔ انہوں نے کہا کہ گستاخانہ کیس میں جسٹس شوکت عزیز صدیقی کے ایمان افروز ریمارکس نے سچے اور پکے عاشق رسولۖ ہونے کا ثبوت دے کر عاشقان رسول کے دل جیت لئے ہیں ۔ اب حکومت کی ذمہ داری ہے کہ وہ عدالتی حکم کی تعمیل کو یقینی بناتے ہوئے گستاخانہ پیجز کو بلاک کرے اور کستاخانہ بلاگرز کو عبرت کا نشان بنائے ۔ جسٹس شوکت عزیز صدیقی کے ریمارکیس سے طاغوتی ‘ سامراجی اور بدعقیدہ لوگوں کی سازشوں سے نجات ملے گی مقدس ہستیوں کی شان میں گستاخی کوئی بھی مسلمان برداشت نہیں کرسکتا۔اگر گستاخانہ مواد نشرکرنے والوں کے خلاف کاروائی نہ ہوئی تو ملک میں امن وامان کاسنگین مسئلہ کھڑاہوجائے گا۔ ایک سوچی سمجھی سازش کے تحت 20کروڑ عوام کے دینی جذبات کومجروح کیاجارہا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) عرس پاک حضرت پیر سید خوشی محمد شاہ نقوی چشتی نظامی( رحمتہ اللہ علیہ) اور حضرت پیر سید محمد موسی شاہ نقوی چشتی نظامی (رحمتہ اللہ علیہ) مورخہ 13 مارچ بمقام 642مسجد بلا ک پیرمحل منعقد ہورہا ہے ۔ جس کے منتظم اعلیٰ سید محمد عرفان شاہ ہ نقوی ہونگے پروگرام ختم شریف اور لنگرعام بعداز نماز عصرہوگا محفل سماع بعداز نماز عشاجس میں لاہور سے شہبا ز حسین، فیاض حسین قوال شرکت کریں گے۔ تما م احباب کو شرکت کی دعوت ہے
پاکپتن کی خبریں 11/3/2017
کراچی میں بے گناہ پختونوں کی گرفتاری گہری سازش ہے۔ بشیر خان
