پیرمحل (نامہ نگار) پیرمحل بار اور کمالیہ بار کے صدر اور جنر ل سیکرٹری کی چیف جسٹس ہائی کورٹ سے ملاقات پیرمحل جوڈیشل کمپلیکس کے سنگ بنیاد کی دیڑھ ماہ میں تقریب اور پیرمحل بار کے لیے کمپیوٹر لیب ایک ایڈیشنل سیشن جج کورٹ کے جلدقیام کی منظوری کا وعدہ تفصیل کے مطابق پیرمحل بار کے صدر بار عبد الجبار جٹ ، ا ور صدر بار کمالیہ رائے نیازا حمد اور جنر ل سیکرٹری مہر امان اللہ ہمجانہ کمالیہ بار ، جنرل سیکرٹری رائے نئیرمارتھ جوائنٹ سیکرٹری رانا احمد رضا ایڈو کیٹ پر مشتمل وفد نے سید منصور علی شاہ چیف جسٹس ہائی کورٹ لاہور سے ملاقات کی ملاقات میں سید منصور علی شاہ چیف جسٹس پیرمحل بار کے لیے کمپیوٹر لیب جس میں 30کمپیوٹر اور دوجنریٹر مہیا کرنے کا حکم دیا جبکہ پیرمحل میں ایک ایڈیشنل سیشن جج کورٹ کے جلدقیام کی منظوری کا وعدہ کرتے ہوئے پیرمحل جوڈیشل کمپلیکس کا سنگ بنیاد دیڑھ ماہ کے اندر رکھ کر کمپیلیکس کی تعمیر کروانے کا عندیہ دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) سڑک کے حادثات میں 16افراد زخمی ہونے سمیت لڑائی کے مختلف واقعات میں 9افرا د شدید زخمی تفصیل کے مطابق سڑک کے مختلف حادثات میں 16افراد جن میں رجب علی ولد اللہ یار 3چک، محمد صدیق ولد فضل دین چک319گ ب، محمد رفیق ولد رتلوں چک666/7گ ب، عبداللہ ولد خالد غوثیہ آباد پیرمحل ، حمزہ ولد ندیم چک333گ ب ، عمر دراز ولد ریاض 3چک محمد رفیق ولد محمد ادریس ،حبیب ولد صفدر عدنان ولد عبدالحق ،عبدالمجید ولد عنایت اللہ ساکنان پیرمحل مبارک علی ولد مصطفی ، بلال ولد مبارک ، ہمدان اصغر ولد اصغر علی ، سبحا ن اصغر ولد اصغر علی ، عبدالرحمن ولد مبار ک علی ساکنان چک288گ ب زخمی ہوگئے لڑائی کے مختلف واقعات میں 9افراد جن میں ذوالفقار ولد سلطان ساکن شیر سنگھ کو فصل میں مویشی چھوڑنے پر فلک شیر نے تشددکرکے زخمی کرڈالا ، نگینہ دختر رضوان ساکن چک682/23گ ب لڑائی کے واقعہ میں زخمی ہوگئی چک نمبر323گ ب کے رہائشی منظور حسین ولد خوشی محمد اور اس کا بیٹا غلام عباس موٹرسائیکل سوار لیاقت علی سائیکل سوار سے ٹکراکر شدید زخمی ہوگئے ، چک نمبر664/5گ ب میں پہرہ نہ دینے پر شفاقت علی ولد عبدالغفور کو کاشف وغیرہ نے تشددکرکے زخمی کرڈالا حارث آباد کے رہائشی اسامہ ولد اقبال کو موبائل فون کے لین دین پر پاشا موبائل والے نے تشددکرکے زخمی کرڈالا ،غوثیہ آباد پیرمحل کے رہائشی طارق ولد عنایت علی کو جانور فصل میں داخل ہونے پر اسلم وغیرہ نے تشددکرکے زخمی کرڈالا چک نمبر 743گ ب کے رہائشی محمد عمر ولد عبدالجبار کو کھیل میں گالی دینے پر خالد نے تشدد کرکے زخمی کرڈالا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) پٹرولیم مصنوعات مقررہ نرخ پر فروخت کویقینی بنانے کے لیے چیک اینڈبیلنس کے ذریعے مانیٹرنگ کررہے تاکہ پٹرولیم مصنوعات کی قیمتوںمیں خاطر خواہ کمی کا فائدہ صارفین کوحاصل ہوسکے ان خیالات کا اظہار حافظ نجیب احمد اسسٹنٹ کمشنر نے پٹرول پمپ مالکان کو ضابطہ جاری کرتے ہوئے کیا انہوںنے کہا زائد قیمت کی وصولی اور پیمائش میں کمی کسی صورت قبول نہیں پیٹرول کی قیمت حکومت کے مجوزہ نرخ پر فروخت کو یقینی بناتے ہوئے پٹرول کی فراہمی میں رکاوٹ کے مرتکب پٹرول پمپ مالکان کے خلاف بلاامتیاز کاروائی کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) امریکہ کی بھارتی حمایت اور پاکستان سے ڈو مور کا مطالبہ پاکستان سے امریکی بیزاری کا ثبوت اور پاکستان کی خارجہ پالیسی میں تبدیلی کا متقاضی ہے ۔ ان خیالات کا اظہار خالد محمو دناظم تحریک منہاج القرآ ن پیرمحل نے اپنے بیان میں کیا انہوںنے کہا د ہشتگردی کیخلاف جنگ میں چھ ہزار فورسز کے سپوت شہید ہوئے اور55 ہزار سے زائدعام پاکستانیوں کی شہادت عالمی دنیا کے عظیم قربانی ہے مگر ان قربانیوں کو تسلیم کرنے کی بجائے امریکی وزیراعظم جان کیری کی جانب سے دورۂ بھارت کے دوران پاکستان سے دہشتگردی کیخلاف دوسرے ممالک کی کوششوں میں شمولیت کا مطالبہ اور پٹھانکوٹ حملے کے حوالے سے بھارتی مؤقف کی تائید کو پاکستان کے مثبت رویئے کے باجود پاک امریکہ تعلقات کو کشیدگی کی انتہا ء پر لیجانے کی ناکام کوشش ہے یہ درست ہے کہ پاکستان کا بہت سے معاملات میں امریکہ پر انحصار ہے مگر افغانستان میں پھنسی امریکی فوجوں کی باعزت واپسی کیلئے امریکہ کو بھی پاکستان کی ضرورت ہے اسلئے پاکستان کو امریکی خوشنودی کیلئے سر بسجود ہونے کی بجائے امریکی رویوں کے مطابق اپنی پالیسیوں میں تبدیلی کی ضرورت ہے ۔ انہوںنے کہا امریکہ و بھارت مابین ایکدوسرے کے زمینی ‘ فضائی اور بحری اڈوں کے استعمال اور فوجی لاجسٹک معاہدوں پر دستخط سے ثابت ہورہا ہے کہ بھارت امریکی اسٹرٹیجک معاہدوں کے ذریعے اپنے سرد جنگ کے اتحادی روس اور چین کیخلاف سازشوں میں شریک ہورہا ہے ابتدائی طور پر یہ امریکی آشیر بادو امریکہ کے ساتھ معاہدات بھارت کو اپنی فتح محسوس ہورہے ہیں مگر اس فتح کے پس منظر میں بھارتی عوام کا سماجی انتشار اور معاشی بدحالی صاف دکھائی دے رہی ہے کیونکہ اسرائیل کی مدد سے اس خطے میں ایک نیا بلاک تشکیل دیئے جانے کی امریکی و بھارتی کوشش غیر شعوری طور پر پاکستان’ چین’ ایران اور روس پر مشتمل ایک نئے بلاک کے منظر نامے کو ابھار رہی ہے و یقینا بھارت کے مستقبل کیلئے انتہائی خطرناک ثابت ہوگا کیونکہ امریکہ نہ کبھی کسی سے وفادار رہا ہے اور نہ ہی مستقبل قریب و بعید میں اپنی فطرت کیخلاف جاسکتا ہے۔
گلیوں اور محلوں کی سطح بلدیاتی انتظامات کو بہتر بناکر بنیادی سہولیات عوام کی دہلیز تک پہنچائیں گے۔ نیئر رضا
ورلڈ رائٹرز آرگنائزیشن کا اہم اجلاس گزشتہ روز زیرصدارت مرکزی چیئرمین ایم اے تبسم مقامی ہوٹل میں منعقد ہوا
