پیرمحل (نامہ نگار) ایم این اے اور ایم پی اے کی بے خبری ،،یا آشیر باد ،،، یوٹیلٹی سٹور کے برخاست ملازم کا اپنے آپ کو ایم این اے کا پی اے ،،ظاہر کے اپنے ساتھیوں کے ساتھ مل کر تحصیل افسران کو بلیک میل کرنا شروع کردیا ،،،گندم خرید اری مرکز پیرمحل میں فوڈ انسپکٹر کی طرف سے 4500بوری واپس بھجوانے کاملبہ تحصیل افسران پر ڈال کر بلیک میل کرنے کی کوشش ،، ناجائز کام نہ کرنے پر اینٹی کرپشن کو درخواست دینے کی دھمکی ،،، تفصیل کے مطابق عامر شہزاد ولد محمد مشتاق جوکہ سابق یوٹیلٹی سٹور کا برخاست ملازم بیان کیا گیا نے اپنے آپ کو ایم این اے چوہدری اسدالرحمن کا ،،،پی اے،، ظاہر کرتے ہوئے ہمراہ اپنے ساتھیوں ساجد کھتران جوکہ ایم پی اے علی بابا کا پی اے جس کو سابق ایم این اے محمد ریاض فتیانہ کا پی اے بھی ظاہر کرتارہا اور سید اقتدار حسین شاہ اور سردول احمد گجر ،محمد نسیم عباس سرگانہ کے ہمراہ تحصیل آفس میں آکر محکمہ مال ،محکمہ زراعت کے افسران کو ایم این اے اور ایم پی اے کا رعب دبدبہ دیتے ہوئے بلیک میل کرکے باردانہ دینے کا مطالبہ کیا تو تحصیل افسر نے انہیں فوڈ انسپکٹر جس نے مبینہ طورپر تین لاکھ بوری درپردہ مبینہ طورپر بھاری رشوت وصول کرکے اپنے چہیتوں میں تقسیم کر دی اور اپنی کارکر دگی دکھانے کے لیے 4500بوری باردانہ واپس بھجوادی تھی سے رجوع کرنے کا کہاتو یوٹیلٹی سٹور کے برخاست ملازم نے اپنے آپ کو ایم این اے کا ،،پی اے ،، اور اس کے ساتھی نے،، ایم پی اے علی بابا،،، کا پی اے ظاہر کرتے ہوئے اپنے ساتھیوں کے ساتھ مل کر افسران کو بلیک میل کرتے ہوئے اینٹی کرپشن کے ذریعے کاروائی کی دھمکیاں دیتے رہے حالانکہ گندم خریداری میں تحصیل انتظامیہ کے کسی بھی افسر کے حکم پر عملدرآمدنہ کیا گیا بلکہ محکمہ فوڈ کے انسپکٹرشہباز نے اپنے دیگر عملہ کے ساتھ مل کر تین لاکھ بوری خریداری میں کرپشن کاریکارڈقائم کردیا سماجی حلقوں نے ایم این ا ے اور ایم پی اے کے پی اے بن کر تحصیل افسران کو بلیک میل کرنے والے گروہ کے خلاف کاروائی کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) صدر بازار پیر محل میں قیام پاکستان سے قبل کی خستہ حال بلڈنگ شہریوں کے لیے درد سر بن گئی کسی بھی وقت بلڈنگیں گرنے سے کوئی سانحہ رونما ہونے کا خدشہ ٹی ایم اے پیرمحل انتظامیہ حالات سے بے خبر تفصیل کے مطابق صدر بازار پیرمحل میں قیام پاکستان سے پہلے کی قدیم بلڈنگیں موجود ہے جس کی مرمت اور دیکھ بھال نہ ہونے کی وجہ سے بلڈنگوں کی حالت خستہ حال ہوچکی ہے جس سے کسی بھی وقت کوئی بڑا سانحہ رونما ہونے کا خدشہ ہے اس سے قبل خستہ حال بلڈنگوں پر ہلکے ٹین کے اشتہاری بورڈ لٹکانے اور نصب کرنے کے دوران بلڈنگوں کی دیواریں اور چھتیں گر چکی ہے جس سے اتفاقیہ طورپر جانی نقصان نہیں ہوا مگر اس کے باوجود نان تحصیل ہیڈکوآرٹر پیرمحل نے خستہ حال بلڈنگ کی مالکان سے مرمت نہ کروائی جس سے دوچوبارے کسی بھی وقت گر کر جانی نقصان کا باعث بن سکتے ہیں جس سے اردگر د کے مکین کسی ممکنہ جانی حادثہ کے پیش نظر ہر وقت خوف زدہ ہے متاثرین نے ڈی سی اوٹوبہ ٹیک سنگھ ، اے سی پیرمحل سے مطالبہ کیا ہے کہ صدر بازا رپیرمحل میں خستہ حال بلڈنگز کو کسی بھی ممکنہ حادثہ کے پیش نظر فی الفور گرایاجائے یا اس کی مرمت کروائی جائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) امت مسلمہ حضور ۖ کے بتائے ہوئے اصولوں پر کاربند ہوکر ذلت ورسوائی سے بچ سکتی ہے مسلمان ممالک کی بے حسی کی بڑی وجہ عالمی استعمار کی طرف سے حضور ۖ سے تعلق محبت کا جذبہ نکال کر دولت وحرص کی طمع ڈال کر ایمان کی روح نکالنا تھا جس میں وہ کامیاب ہوگئے جس وجہ سے آج ان پر دنیا تنگ ہوکر رہ گئی ان خیالات کا اظہار الحاج مولانامحمدعبداللہ چشتی عالمی خطیب ضلعی ناظم اعلی ٰ جماعت اہلسنت پاکستان نے پرہجوم پریس کانفرنس میں کیا انہوںنے کہا کہ حضرت محمد ۖ اکمل شخصیت ہے جنہوںنے محدود مدت میں دنیا کی کایاپلٹ کر رکھ دی آپ ۖ نے سب سے پہلے اپنے گھر اپنے قبیلہ سے جدوجہد کا آغاز کیا پیغمبرا من ۖ جاہلیت کی تمام قدیم رسموں کو اپنے قدموں تلے روند ڈالا مگر مسلمان آقا ۖ کے بتائے گئے زریں اصولوں سے روگردانی کرنے کے باعث آج دنیا میں مسلمانوں کے پاس ایک انچ جگہ بھی نہیں جہاں پر حضور ۖ کے لائے ہوئے دین کا نفاذ ہو آج زمانہ جاہلیت کے تمام برے افعال جس میں زناء جواء سود فری اکانومی آزاد معیثت کے نام پر رائج ہوکرتباہی بربادی کا سامان کیے ہوئے ہیں برائی کو جدت کا نام دے دیا گیا آزاد تجارت کا مطالبہ حضرت شعیب علیہ السلا م کے زمانے میں ہوا جس کی وجہ سے وہ قوم تباہ برباد ہوئی آج کے دور میںبھی اس قبیح غلطی کو دہرایاجارہاہے زمانہ جاہلیت کی ہربرائی آج کے مہذب معاشرے میں بطور فیشن شامل کرلی گئی مسلمان چودہ سوسال دنیا کو انصاف دیتے رہے آج دنیا سے انصاف کی بھیک مانگنے پر مجبور ہیںمسلمانوں کا قتل عام کیا جارہا ہے کونسی ذلت ہے جومسلمان قوم پر مسلط نہ کی گئی ہو اسلام کی سربلندی اسلام کی بالادستی اسلام کا غلبہ اسی صور ت ممکن ہے جب قرآن کے نظام کو دنیامیں غالب کرنے کے لیے جدوجہد کی جائے دین محمد ۖ ملت اسلامیہ کو نقصان اور ذلت رسوائی سے بچانے کے لیے حضور ۖ اور صحابہ کرام کے افعال کی پیروی کرتے ہوئے مشن کو آگے بڑھانا ہوگا انہوںنے کہا کہ مسلمانوں کے زوال کے بعد اسلام قوم کو اکانومسٹ سائنسدان ،ٹیکنو کریٹس ماہرین نہ مل سکے جو تما م افعال کو اسلام کے مطابق چلاسکیں حالانکہ مغلیہ خاند ان کے دور میں تمام سسٹم اسلامی طریق پر کامیابی سے چلایا جاتا رہا جس میں قاضی علماء ٹیکنوریٹ سائنسدانوںنے کارہائے نمایاں خدمات انجام دیں بڑے بڑ ے سائنس دان پیداہوئے انہوںنے کہا کہ موجودہ دور میں علماء کرام نے اسلام کو کمزور کیا وقت کا تقاضا ہے کہ امت مسلمہ حضور ۖ کے بتائے ہوئے اصولوں پر کاربند ہوکر ذلت ورسوائی سے بچ سکتی ہے جماعت اہلسنت پاکستان امت مسلمہ کو حضور ۖ کے بتائے ہوئے اصولوں کے مطابق آقا ۖ کادیوانہ بنانے کے لیے برسرپیکار ہے جس وجہ نوجوان آج اس پلیٹ فارم پر ا پنی زندگیوں کو بدلنے کے جوق درجوق شامل ہورہے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) موجودہ مالی سال میں تحصیل کونسل پیرمحل کے بجٹ کو تحصیل کونسل کمالیہ سے علیحدہ کیاجائے موجودہ مالی سال 2016-17میں ٹی ایم اے کمالیہ کے بجٹ میں ٹی ایم اے پیرمحل کی گرانٹ جاری کرنے سے تحصیل پیرمحل کا وجود بے معنی ہوگا سماجی فلاحی حلقے تفصیل کے مطابق حکومت پنجاب کی طرف سے پیرمحل شہر کو باقاعدہ طورپر تحصیل کادرجہ 3 سال سے دے رکھا ہے تحصیل کونسل پیرمحل کے انتظامی اموراے سی پیرمحل اور اے سی کمالیہ کو دے رکھا ہے مالی سال 2016-17تک کے لیے کافی امور جن میں تحصیل میونسپل آفیسر ، ڈی ایس پی اور دیگر سربراہ انتظامی ادارے شامل ہے افسران کی عدم دستیابی کے باعث ٹی ایم اے کمالیہ کے افسران کے ذریعے چلائے جارہے ہیں موجودہ مالی سال 2016-17کے بجٹ میں چند دن باقی ہے مگر پیرمحل تحصیل کونسل کے بجٹ کا دور تک نام ونشان نہیں جبکہ پیرمحل شہر کی ٹیکس ہائے کی آمدن 10کروڑ روپے سے زائد ہے جو پیرمحل تحصیل کونسل کا بجٹ نہ بننے کے باعث تحصیل کونسل کمالیہ کے فنڈ میں جانے کے باعث پیرمحل ایک سال کے لیے 10کروڑروپے کے فنڈ سے محروم رہے گا سماجی فلاحی حلقوںنے کمشنر فیصل آباد ، چیف سیکرٹری پنجاب سے مطالبہ کیا ہے کہ فی الفور موجودہ مالی سال میں تحصیل کونسل پیرمحل کے بجٹ کو تحصیل کونسل کمالیہ سے علیحدہ کیاجائے تاکہ پیرمحل سے وصول شدہ کروڑوں روپے کا فنڈ پیرمحل تحصیل میں خرچ ہوسکے
زمین ڈاٹ کام دنیا کی پانچواں موثر ترین پراپرٹی پورٹلز میں شامل ہو گئی
اگر متحدہ نے نئے صوبہ کی تحریک چلائی تو سندھ بھر میں اینٹی صوبہ تحریک چلائیں گے: شاہ محمد اویس نورانی
