پیرمحل (رانا اشرف سے) عوامی منصوبہ جات کی جلد سے جلد تکمیل ہمارا مشن ہی نہیں عبادت سمجھ کر کررہے ہیں پیرمحل سٹی پوسٹ آفس کی بحالی سمیت ریکسیو 1122 کی بلڈنگ کی جلد سے جلد تعمیر کو ممکن بنایاجائے ان خیالات کا اظہار حافظ محمد نجیب اسسٹنٹ کمشنر پیرمحل نے ہمراہ چوہدری خالد سردار چیئرمین میونسپل کمیٹی پیرمحل ، محمد صدیق پوسٹ ماسٹر پیرمحل کو سٹی پوسٹ آفس کی جلد سے جلد بحالی کا نوٹس لیتے ہوئے کیا انہوںنے کہا ریکسیو 1122کے انچارج محمد سلیم کو ریکسیو 1122 کی بلڈنگ کی جلد سے تعمیر کوپایہ تکمیل کرنے کا حکم دیا انہوں نے جانی ضیاع کے پیش نظر ٹریفک پولیس انچارج اظہر شیرازی کو ہدایات جاری کی کہ بھاری ٹریفک کے پیرمحل شہر میں داخلہ پر مکمل عملدرآمد کروایاجائے علاوہ ازیں لاری اڈا پیرمحل کے اندر مسافر گاڑیوں کے علاوہ ہر قسم کے ڈمپراور کرین اور لوڈر پر مکمل پابندی کو یقینی بناتے ہوئے لاری اڈا پیرمحل کے اندر صرف مسافرگاڑیوں کو جانے کی اجازت دی جائے انہوںنے پیرمحل تحصیل کمپلیکس روڈ اور بلڈنگز کو تعمیر کرکے عوام کے لیے جلد سے جلد کھولنے کا عندیہ دیتے ہوئے زیر تکمیل منصوبہ کی کڑی نگرانی کرنے اور ناقص میٹریل کے استعمال پر سخت سے سخت ایکشن لیاجائے گا انہوںنے پبلک لائبریری کو جلد سے جلد عوام کے لیے کھولنے کا عندیہ اس موقع پر چوہدری خالدسردار چیئرمین میونسپل کمیٹی پیرمحل نے بے نظیر بھٹو پارک کو عوام کے لیے کھولنے کا عندیہ دیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (رانا اشرف سے) دنیا بھر میں ایک ارب سے زائد لوگ ہائی بلڈپریشر میں مبتلا ہیں جبکہ پاکستان میں 87لاکھ مرد اور 85لاکھ خواتین نیز50سال سے زائد عمر کے 50فیصد افراد ہائی بلڈ پریشرکے مریض ہیں یعنی ہر دسواں پاکستانی ہائی بلڈ پریشر کا شکار ہے اور ان میں سے 70فیصد اس مرض سے ناواقف ہیں۔ آرام طلب زندگی ‘مرغن غذائوں کا استعمال’ورزش کا نہ ہونا ‘ذہنی دباؤ’موٹاپا’نمک کا حد سے زیادہ استعمال’تمباکو اور شراب نوشی ‘ہائی بلڈ پریشر کی بڑی وجوہات ہیں۔ ہائی بلڈ پریشر کو خاموش قاتل بھی کہا جاتا ہے کیونکہ بعض دفعہ اس کی کوئی علامت ظاہر نہیں ہوتی اور بلند فشار خون کا مناسب علاج نہ ہونے سے فالج’دماغی شریان پھٹنے اور دل کا دور پڑنے کے امکانات بڑھ جاتے ہیں۔اس امر کا اظہار معروف سرجن معالج ڈاکٹر اورنگ زیب مان ہارٹ اسپیشلسٹ نے آگاہی بیان میں کیا ۔ انہوں نے کہا کہ ہائی بلڈ پریشر سے بچا ؤکیلئے طرز حیات میں تبدیلی لائیں۔تفکرات’غصہ اور ذہنی دباؤ سے بچیں’باقاعدگی سے ورزش کریں نمک کا استعمال کم کریں۔ فاسٹ فوڈز’گوشت ‘چکنائی ‘انڈہ اور دیگرمرغن وگرم اشیا سے پرہیز رکھیں۔ سبزیوں خصوصا شلجم ‘کالی توری’لوکی(گھیا کدو)کرم کلہ اور دالوں کا استعمال زیادہ کریں۔ سگریٹ’تمباکواورشراب نوشی ترک کر دیں۔چائے ‘کافی ‘کولا مشروبات سے پرہیز کریں۔موسمی پھل اور ان کے جوسزاستعمال کریں ‘وزن زیادہ ہو تو کم کریں۔ ذیابیطس کے مریض اپنی شوگر کنٹرول رکھیں۔غذا سادہ وزود ہضم اور ایک لقمے کی بھوک رکھ کر کھائی جائے ‘سرخ مرچ کی جگہ کالی مرچ اور نمک بہت کم یا مصنوعی نمک استعمال کریں۔ان احتیاطی تدابیر پر عمل کرنے سے ہم اس موذی مرض سے بچ سکتے ہیں مرض کے بڑھنے کی صورت میں فوری طورپر اپنے معالج سے مشورہ کریں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (رانا اشرف سے) شرح خواندگی کا نعرہ سوفیصد لگانے والی پنجاب حکومت فی الفور اسا تذہ کے مسائل حل کرے محمد آصف ظفر ضلعی صدر پنجاب ٹیچر زیونین ، ارشاد رندھاوا جنرل سیکرٹری نے ان خیالات کا اظہار اپنے بیان میں کیا انہوںنے کہا وفاقی حکومت نے سرکاری ملازمین کے کنوینس الائونس، ٹی اے ڈی اے اور ریٹائرمنٹ پر چھ ماہ کی بجائے ایک سال کی رخصت بمعہ تنخواہ و دیگر سہولیات و مراعات کا اعلان کیا تھا لیکن افسوسناک امر یہ ہے کہ پنجاب حکومت نے وفاقی حکومت کی جانب سے دی گئی سہولیات و مراعات اور الائونسسز میں تاحال اضافہ نہیں کیا ہے جس سے سرکاری تعلیمی اداروں کے اساتذہ میں اضطراب اور بے چینی پھیل رہی ہے اساتذہ اپنے درپیش مسائل کے حل کے لیے احتجاج مظاہروں جیسے انتہائی اقدام اٹھانے پر مجبورہے مگر پنجاب حکومت نے اساتذہ کے مطالبات پر غورہی نہیں کیا گیاانہوںنے مطالبہ کیا کہ حکومت پنجاب آئی ٹی اساتذہ کی سرکاری سکولوں میں کمی کو فی الفورر دور کرے اور انہیں 1500روپے ماہانہ کمپیوٹر الائونس دیا جائے نیز تمام سرکاری تعلیمی اداروں میں کمپیوٹرز لیب اور لیب اسسٹنٹ مقرر کیے جائیں ۔انہوں نے کہا کہ اساتذہ پر امن طریقے سے افہام و تفہیم کے ساتھ اپنے درپیش مسائل کو حل کرانے پر یقین رکھتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (رانا اشرف سے) محکمہ ہائی وے اور محکمہ شاہرات کی غفلت لاپرواہی رجانہ پیرمحل روڈز بائی پاس کمالیہ روڈ بھسی روڈ سندھلیانوالی کے اردگرد مٹی بیٹھنے سے روزانہ ہیوی ٹریفک الٹنے کے واقعات معمول بن گئے ٹریفک گذرنے سے اردگردکے مکینوں کی زندگی اجیرن تفصیل کے مطابق محکمہ ہائی وے اور محکمہ شاہرات ضلع ٹوبہ ٹیک سنگھ کے ضلعی افسران سارادن دفاتر میں براجمان رہتے ہیں جبکہ چیکنگ نہ ہونے کے باعث بیلدار اور ماتحت افسران سڑکوں کی دیکھ بھال کرنے کی بجائے سارادن سڑکوں کے اردگرد درختوں کو کاٹ کر گھر لے جانے میں مصروف رہنے کے باعث رجانہ پیرمحل روڈپر موٹروے کی لوڈ گاڑیوں کے رش کے باعث آئے روز اس طرح کے واقعات معمول بن چکے ہیں محکمہ ہائی وے اور محکمہ شاہرات کے افسران حقائق جاننے کے باوجود کاروائی سے گریزاں ہے جس کے باعث نہ صرف حادثات معمول بن چکے ہیںبلکہ ان حادثات کے باعث جانی نقصان کا اندیشہ ہے رجانہ پیرمحل روڈز بائی پاس کمالیہ روڈ بھسی روڈ سندھلیانوالی درکھانہ روڈ کے ساتھ ساتھ لنک روڈز کے ساتھ مٹی بیٹھنے سے کروڑوں روپے مالیت کی سڑکیں چند دنوں میں تباہ برباد ہونے کا خدشہ ہے حاجی اللہ دتہ صدرانجمن شہریاں پیرمحل نے ڈی سی اوٹوبہ ٹیک سنگھ سے مطالبہ کیا کہ فی الفور پیرمحل رجانہ پیرمحل روڈز بائی پاس کمالیہ روڈ بھسی روڈ سندھلیانوالی درکھانہ روڈ کے ساتھ ساتھ لنک روڈز سمیت اہم شاہراہوں کے اردگرد جان لیوا مٹی کے گڑھوں کو پر کیاجائے گا غفلت اور لاپرواہی کے مرتکب ذمہ دارا ن کے خلاف کاروائی کی جائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (رانا اشرف سے) پریس کلب پیرمحل کا تعزیتی اجلاس ،سینئر صحافی و انچارج نمائندگان، روزنامہ خبریں لاہور، شاہد صدیق کی والدہ محترمہ کے انتقال پر گہرے دکھ اور افسوس کا اظہار اراکین پریس کلب کیطرف سے مرحومہ کیلئے مغفرت کی دعا ،تفصیل کے مطابق پیریس کلب پیرمحل کاتعزیتی اجلاس زیر صدارت رانا شاہدالرحمن منعقدہوا جس میں پریس کلب پیرمحل کے اراکین کی کثیر تعداد نے شرکت کی اجلاس میں سینئر صحافی و انچارج نمائندگان روزنامہ خبریں لاہور شاہد صدیق صاحب کی والدہ محترمہ کے انتقال پر گہرے دکھ اور افسوس کا اظہار کرتے ہو ئے مرحومہ کیلئے مغفرت کی دعا کرتے ہو ئے درجات کی بلندی کی دعا کی اور پسماندگان کو صبر کی تلقین کی۔
پاکپتن کی خبریں 26/1/2017
قصور کے جلسہ نے ثابت کر دیا کہ عوام حکمرانوں کا احتساب چاہتے ہیں، مسز مسعود احمد
