پیرمحل (میاں اسد حفیظ سے) رسول اکرم صلی اللہ علیہ وآلہ وسلم کی اطاعت ہی اصل میں محبت رسول صلی اللہ علیہ وآلہ وسلم ہے۔ محبت رسول صلی اللہ علیہ وآلہ وسلم کایہی تقاضا ہے کہ ہم اسوہ حسنہ پر عمل کرتے ہوئے اپنے آپ کوایسا امتی بنائیں کہ توہین کرنے والے اورنہ ماننے والے یہ سوچنے پر مجبور ہو جا ئیںکہ نبی رحمت صلی اللہ علیہ وآلہ وسلم کوماننے والے ایسے ہیں تو خود محمد مصطفی صلی اللہ علیہ وآلہ وسلم کیسے ہوںگے ان خیالات کااظہار مولانا مخدوم جعفر حسین قریشی نے جامعہ مسجدچراغیہ رضویہ غفوریہ میں خطاب کرتے ہوئے کیاانہوں نے کہاکہ ہم اپنے مال،والدین،اولاداوردنیا کی ہرچیز سے حتیٰ کے اپنی جان سے بھی زیادہ پیار کرتے ہیں تو بس اپنے رئوف ورحیم آقا صلی اللہ علیہ وآلہ وسلم سے کرتے ہیں۔
انہوں نے کہا کہ آپ کی عادات میںیہ بات شامل تھی کہ آپ صلی اللہ علیہ وآلہ وسلم اللہ تعالیٰ پر توکل کرنے والے ،دشمن کوبھی معاف کرنے والے، برائی کا جواب نیکی سے دینے والے اوربد زبا نی کرنے والوںکواپنے اخلاق ونرمی سے اپنا گرویدہ بنانے والے تھے ۔اس لئے ہمیںبھی چائیے کہ آپ صلی اللہ علیہ وآلہ وسلم کی سیرت وعادات کواپنا کردنیا و آخرت میںسرخرو ہوں۔ اس موقع پرپیر سید فیض الحسن شاہ، مولانا محمد صدیق رضوی، عطاالرسول ،فیض رسول عطاری، عاطف حسین چشتی، محمد اکرم ساقی، مجاہد علی، محمد اکرم سیکرٹری یوسی بھی موجود تھے۔
Annual Mehfil Milad
۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) بڑھتی ہوئی چوری ،ڈکیتی اورراہزنی کی وارداتوں پرقابوپانے کیلئے ٹھوس اقدامات کرنے کی اشدضرورت ہے،گزشتہ دوماہ کے دوران ہونے والی درجنوں وارداتوں میں سے ایک کابھی سراغ نہ لگناتشویش کی بات ہے۔ان خیالات کااظہار مرکزی انجمن تاجران کے صدر میاں محمد طارق نے اپنے ایک بیان میںکہاکہ پیرمحل و گردو نواح میں جرائم کی بڑھتی ہوئی شرح کی شدیدمذمت کرتے ہیں،انہوں نے کہا کہ شہری گزشتہ دوماہ سے مکمل طورپرچوروں ڈاکوؤں کے نرغے میں ہیں اورآئے روزوارداتیں ہورہی ہیں جس سے عوام سخت پریشان ہیں اعلیٰ احکام کواس بات کاسخت نوٹس لیناچاہیے ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) عوامی تحریک کے سٹی جنرل سیکرٹری نے پارٹی چھوڑ کر تحریک انصاف میں شمولیت کا اعلان تفصیل کے مطابق پاکستان عوامی تحریک کے سٹی جنرل سیکرٹری ڈاکٹر فرحان لودھی نے تحریک انصاف کے سٹی صدر ملک ثاقب سہیل کی رہائش گاہ پر ہونے والی منٹیگ کے دوران تحریک انصاف میں غیر مشروط شامل ہو نے کااعلان کردیااس موقع پر سٹی صدر ملک ثاقب سہیل نے اپنے ایک بیان میں کہاکہ تحریک انصاف کے دروازے ہر اس شخص کے لئے کھلے ہیں۔ جو تبدیلی کا خواہش مند ہے اور تحریک انصاف کے ایجنڈے سے متفق ہے ، انہوں نے کہاکہ فرحان ایک تجریہ کار سیاستدان ہیں ، ان کی شمولیت سے تحریک انصاف پیرمحل میں مضبوط ومنظم ہو گی،تحریک انصاف میں شمولیت اختیار کرنے والے ڈاکٹر فرحان لودھی نے کہاکہ میں نے عمران خان کے وژن سے متاثرہوکرتحریک انصاف میں شمولیت کااصولی فیصلہ کیاہے، عمران پوری قوم کی آوازبن چکے ہیں ،آنے والا دور تحریک انصاف کا ہے اس موقع پرمیاں اخترجاوید ایڈوکیٹ ، راناوسیم خان ، احسان ننھا، مسعوداصغر و دیگر کارکنا ن موجود تھے۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) دیرینہ رنجش کی بناء پر مخالفین نے اچانک آ ہنی راڈوں سے حملہ آور ہو کرشہری کو شدید زخمی کر دیا تفصیل کے مطابق موضع بب کے رہائشی شوکت علی کو اسی گائوں کے مخالفین نے اچانک آ ہنی راڈوں سے حملہ آور ہو کر شدید زخمی کردیا ،مضروب کو طبی امداد فراہمی کیلئے سول ہسپتال داخل کروا دیا گیاتھا جب کہ تھانہ پیرمحل پولیس نے واقع میں ملوث افراد کے خلاف قانونی کاروائی شروع کردی ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) ڈاکوئوں نے شوگرملز ملازم اورساتھی کونقدی اور دیگر اشیاء سے محروم کر دیا۔تفصیل کے مطابق شوگرملز کا ڈپو انچارج طالب حسین جو کہ گائو ں 741گ ب کا رہائشی ہے اپنے ساتھی کے ہمراہ موٹر سائیکل پر سوار چیچہ وطنی سے گنے کی رقم 1,43,000روپے لے کر آ رہاتھا کہ گائوں 734گ ب کے قریب اسلحہ سے لیس تین ڈاکوئوں نے گولی مار دینے کی دھمکی دے کر رقم اور مذکورہ بالا افرادسے موبائل فون چھین لئے اور اسلحہ لہراتے ہوئے فرار ہونے میں کامیاب ہو گئے۔تھانہ پیرمحل پولیس نے واردات میں ملوث ملزمان کے خلاف مقدمہ کا اندراج کر کے کاروائی کاعمل شروع کر دی ۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) اقبال پارک غفلت لاپرواہی کے باعث کھنڈرات کا منظر پیش کرنے لگا تفصیل کے مطابق اقبال پارک پیرمحل جو کبھی ضلع بھر میں مثالی پارک تھا جس میں عوام کے تعاون سے خوبصور ت جھولوں کی تنصیب کی گئی انتظامیہ کی عدم توجہی اور غفلت کے باعث وقت گزرنے کے ساتھ ساتھ اسکی تزئین و آرائش کی طرف کوئی خاص توجہ نہ دی گئی جسکے باعث جنگل کا منظر پیش کرنے لگا اقبال پار ک جہاں فیملیاں معمول سے آتی تھیں اب پارک کی حالت زار دیکھ کر حیرت زدہ ہیں پارک میں آئے روز شادی تقریبات منعقد ہونے سے گندگی کے ڈھیر آوارہ کتوں کے مسکن بن چکے ہیں خوبصورت پھلواڑیوں کا منظر پیش کرنے والا اقبال پارک جگہ جگہ گندگی کے ڈھیر ٹوٹے ہوئے جھولے کھلے مین ہول ننگی بجلی کی تاریں ، گھاس نما جھاڑیاں ، سٹریٹس لائٹس ، ٹائلٹ کی عدم دستیابی سمیت پارک کی انتظامیہ کی نااہلی کا منہ بولتا ثبوت ہے سماجی فلاحی حلقوں نے ڈی سی اوٹوبہ ٹیک سنگھ سے کاروائی کا مطالبہ کیا ہے ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) حکومت عوامی مسائل کے خاتمہ کے لئے ہنگامی بنیادوں پر اقداما ت کررہی ہے۔ حکومت عوام کو بنیادی ضروریات زندگی کی سہولیات انکی دہلیز پرفراہم کرنے کے لئے کوشاں ہے۔ میاں محمد نوازشریف اورمیاں محمد شہباز شریف عوام کی بے لوث خدمت کے جذبہ سے سرشاراورمحب وطن سیاسی لیڈر ہیں۔ پٹرولیم مصنوعات کی قیمتوں میں کمی سے عوام میں مسرت وشادمانی کی لہریں دوڑ گئیں۔ ان خیا لات کا اظہار رکن قومی اسمبلی چوہدری اسدالرحمن نے پیرمحل میں صحافیوں سے گفتگو کرتے ہوئے کہاکہ توانائی بحران کے خاتمہ کے لئے حکومت شب وروزمصروف عمل ہے اورعرصہ مختصرمیںہی عوام کاخا صہ ریلیف فراہم کرنا حکومت کی کامیابی اور گڈ گورننس کا منہ بولتا ثبوت ہے۔ ملک کودرپیش بحرانوںسے صرف وزیراعظم نوازشریف ہی نکا ل سکتے ہیںاورعوام کے مقبول لیڈرہیں۔انہوںنے کہا کہ مسلم لیگ (ن)کی حکومت نوجوانوںکی فلا ح وبہبود کے لئے اربوں روپے خرچ کررہی ہے اور میاں نوازشریف نے عوام دوست پا لیسیوں کے باعث عوام کے دل جیت لئے ہیں۔انہوں نے مزید کہا کہ ملک کے استحکام ،ترقی، خوشحالی اور بقاء کے لئے تمام سیا سی جماعتیں ذاتی مفادات سے بالاتر ہو کر کام کریں۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) ٹرانسپورٹروں نے مسافروں کا جینا حرام کر دیا گاڑیوںمیں اوورلوڈنگ ،زائد کرائے مسافروں سے بدتمیزی روزمرہ کا معمول بن گیافوری نوٹس کی اپیل تفصیلات کے مطابق پیرمحل میں روڈ لائیز اے سی بس کے ٹرانسپورٹروں نے بادشاہت قائم کر رکھی ہے ٹریفک پولیس کی طرف سے پوچھ گچھ نہ ہونے کے مسافروں کو بھیڑ بکریاں سمجھ کر ٹھونس دیا جاتا ہے اور زبردستی زائد کرائے بھی وصول کئے جاتے ہیں زائد کرایہ ،اوورلوڈنگ پر اعتراض کرنے والے مسافر وںکو ذلیل و خوار کر کے گاڑی سے اتار دیا جاتا ہے مسافروں نے ڈی سی او ٹوبہ ٹیک سنگھ،آر ٹی اے سیکرٹری ٹوبہ ٹیک سنگھ سے ٹرانسپورٹروں کی لاقانونیت کے خلاف فوری نوٹس لینے کا مطالبہ کیا ہے ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) ڈکیتی کے مقدمہ میں نامزدتین ملزمان گرفتارتفصیل کے مطابق تھانہ پیرمحل نے مقدمہ میں نامزد تین لال حسین سکنہ سکنہ کوہل ، ادریس سکنہ جڑانوالہ ، رمضان سکنہ فیصل آباد کو مخبر نے اطلاع پرلاری اڈہ سے گرفتار کرتے ہوئے مذکورہ بالا ملزمان سے دوران تلاشی ناجائز اسلحہ برآمد کرکے کاروائی شروع کردی۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) درجنوں پتنگیں اورڈور برآمد ہو نے پر مقدمہ درج تفصیل کے مطابق محلہ مکہ بلاک میں مخبر کی اطلاع پرتھانہ پیرمحل پولیس نے کاروائی کرتے ہوئے علی اکبررحمانی سے درجنوں پتنگیں اورڈور برآمد کرکے ملزم کے خلاف مقدمہ درج کرکے کاروائی شروع کردی۔
لیاقت نیشنل ہسپتال و میڈیکل کالج کے زیر اہتمام کیرئیر فیئر کا انعقاد
ممتاز قادری کی سزا شریعت کے منافی ہے فی الفور رہا کیا جائے : سنی تحریک علماء بورڈ
