پیرمحل ( میاں اسد حفیظ سے) دیہاتیوں نے بکرا چوروں کورنگے ہاتھوں پکڑ کر تشدد کے بعد پولیس کے حوالے کر دیاتفصیل کے مطابق مضافاتی بستی خان جوان سے دو موٹر سائیکل سوار چور بکرا چوری کر کے لے جا رہے تھے کہ راستہ میں بکرا کے مالک محمد شہبازنے شک گزرنے پر پیچھا کیا تو چوروں نے موٹر سائیکل ملتان روڈ پر دوڑا دی مالک کے شور مچانے پر دیگر لوگوں نے بھی چوروں کا پیچھا شروع کر دیا جن کو پیچھا کرتے ہوئے دیہاتیوں نے نواحی گائوں 674/15گ ب میں گھیرا ڈال کر پکڑلیا اور چوری ہونے والے بکرے کو چوروں کے زیر استعمال موٹر سائیکل سمیت تحویل میں لے لیا دیہاتیوں نے چوروں کی چھترول کے بعد انہوں ایک کمرے میں بند کر دیا جہاں پر انہوں نے واردات کا اعتراف کر لیا تھانہ صدر پولیس نے موقع پر پہنچ کر دونوں چوروں کو گرفتار کرتے ہوئے کاروائی کا عمل شروع کر دیا پکڑے جانے والوں چوروں نے اپنے نام اللہ رکھا اور مشتاق بتائے ہیں جو کہ اڈا اروتی کے رہائشی ہیںپولیس نے تفتیش کا آغاز کر دیا جس سے مزید انکشافات متوقع ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( میاں اسد حفیظ سے) سندھیلیانوالی رو ڈ پر واقع سٹاپ 674/15گ ب کے قریب ملتان سے آنے والی دو تیز رفتار روڈ لائنرز بس نمبرز LZJ6224اورBSA076جو کہ مقابلہ میں تھیں سامنے سے آنے والے فورڈ ڈالہ نمبرRIF9587سے جا ٹکرائیں جس کے نتیجہ میں فورڈ گاڑی میں سوار دو افراد شدید زخمی ہو گئے جن کو مقامی پولیس نے فوری طور پر ہسپتال شفٹ کرتے ہوئے بس ڈرائیوروں کے خلاف قانونی کاروائی کا آغاز کر دیاتھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے) تحصیل سرکل پیرمحل میں تعینات ٹریفک پولیس افسران محمد عارف اور محمد وحیدنے ماہ جنوری 2015میں 613گاڑیوں کے چالان کرنے کے علاوہ 1,92,050(ایک لاکھ بانوے ہزار پچاس)روپے جرمانہ بھی کئے۔جب کہ پولیس افسران نے دھواں چھوڑنے والی اوور لوڈ اگاڑیوں کے علاوہ بغیر ہیلمٹ کے موٹر سائیکل چلانے والے موٹر سائیکل سواروں کے خلاف بھی کاروائی عمل میں لائی۔مذکورہ افسران نے ایک ملاقات میں بتایا کہ قانون سے کوئی بھی شہری بالا تر نہیں۔ٹریفک قوانین پر عمل درآمد کروانا ہماری اولین ذمہ داریوں میں شامل ہے۔انہوں نے بتایا کہ بھاری ٹریفک کو کسی صورت بھی شہرکی وسطی شاہراہ سے نہیں گزرنے دیا جائے گا اور یہ با ت یقینی بنائی جائے گی کہ تمام بھاری ٹریفک کا گزر بائی پاس روڈ سے ہو۔جب کہ کم عمر رکشہ ڈرائیوروں کے خلاف بھی ہنگامی بنیادوں پر کاروائی عمل میں لائی جا رہی ہے اور ساتھ گاڑیوں اور موٹرسائیکلوں پر لگے پریشر ہارن کی تلفی بھی ہر صورت یقینی بنائی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( میاں اسد حفیظ سے) تین افراد کا گھر میں گھس کر خاتون پر وحشیانہ تشدد۔بتایا گیا ہے کہ گائوں 718گ ب کے مسمی اللہ دتہ کی بیوی گھرمیں موجود تھی کہ مبینہ طور پر درینہ رنجش کی بنائ پر ڈنڈوں اور لاٹھیوں سے لیس ہو کر مسمیان غلام ولد نواز،عبدالقیوم ولد صادق اور محمد شعبان ولد بہاول نے گھر میں گھس کر خاتون کو ڈنڈوں اور لاٹھیوں کے وار کر کے وحشیانہ تشدد کا نشانہ بنا ڈالا۔دوران کاروائی حملہ آور افراد خاتون کو بالوںسے پکڑ کر گھسٹیتے بھی رہے۔حصول انصاف کیلئے خاتون کے شوہر نے تھانہ پیرمحل پولیس درخواست گزار دی تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( میاں اسد حفیظ سے) شراب کے نشہ میں دھت افراد کا گھر میں گھس کرخواتین اور کمسن بچے پر تشدد۔بتایا گیا ہے کہ گائوں 741گ ب کی خاتون نذیراں بی بی اپنی دیورانی شاہد ہ بی بی کے ہمراہ گھر میں موجود تھی کہ مذکورہ گائوں کے مہامد ولد باقر ،فہیم عرف فیما ،ظہور احمد اور محمدیاسین نے مبینہ طور پر شراب کے نشہ میں دھت ہو کر دونوں خواتین کو وحشیانہ تشد دکا نشانہ بنا ڈالا۔اور نیم برہنہ کرتے ہوئے کمرہ میں لے جانے کی کوشش کی تو وہاں موجود دس سالہ ظہیر عباس جب اپنی ماں نذیراں بی بی کو بچانے کیلئے آیا تو اسے بھی تشدد کا نشانہ بنا ڈالا۔مضروبہ خواتین نے اندراج مقدمہ کیلئے تھانہ پیرمحل پولیس کو درخواست گزار دی تھی مگر تادم تحریر مقدمہ کا اندراج نہیں ہو سکاتھا۔خاتون نذیراں بی بی نے ڈسٹرکٹ پولیس آفیسر ٹوبہ ٹیک سنگھ سے انصاف کی اپیل کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے) پولیس نااہلی کی وجہ سے شہر کے تاجر عدم تحفظ کا شکا رہیں سر شام ہونے والی ڈکیتی کی وارداتیں پولیس نااہلی کو ظاہر کرتی ہیں ان خیالات کااظہار رتحریک انصاف کے رہنما مہر محمد ریاض فتیانہ نے پیرمحل میں صحافیوں سے گفتگو کرتے ہوئے کہا کہ اگر پولیس نے ڈاکو گینگ کی گرفتاری کیلئے تاخیری حربے استعمال کئے تو تحریک انصاف کی تمام ضلعی قیادت تاجر برادری کے ہر احتجاج میں برابر شریک ہو گی۔شہریو ں کے جا ن و مال کے تحفظ کو یقینی بنانا حکومت وقت کی اولین ذمہ داریوں میں شامل ہے۔گڈ گورننس کے دعوے کرنے والی مسلم لیگ ن حکومت اپنی ناقص پالیسیوں کی وجہ سے عوام میں اپنی اہمیت کھو چکی ہے۔ہر نیا آنے والا دن ملک کے عوام کیلئے نئے بحران کا پیغام لا رہا ہے جو کہ حکومت کارکردگی پر سوالیہ نشان ہے۔انہوں نے کہا کہ جب تک تھانوں میں اپنی یونیفارم سے انصاف کرنے والے اہلکاروں کوتعینات نہیں کیا جاتا اس وقت تک ڈاکو نہتے عوام کو لوٹتے رہیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسد حفیظ سے) تھانہ پیرمحل پولیس نے دوران گشت گائوں 684/25گ ب کے مسمی ظہیر خاں ولد بڈھے خاں سے دوران تلاشی 1135گرام چرس برآمد کر کے مذکورہ بالا ملزم کے خلاف کاروائی کا آغاز کر دیاتھا۔
گجرات کی خبریں 03/02/2015
پاکستان کی معیشت کو قرضوں کی مرہونِ منت نہ بنایا جائے۔غلام حیدر شیخ
