اسلام آباد (جیوڈیسک) وفاقی پولیس نے جرائم پیشہ عناصر کے خلاف کر یک ڈائون کے دوران 11 ملزموں کو گرفتار کرکے ان کے قبضہ سے 2 پسٹل، شراب، ہیروئن اور مال مسروقہ برآمد کرلیا۔ ملزموں کے خلاف مقدمات درج کر لئے گئے۔ تھانہ مارگلہ پولیس نے ملزم عدنان ناصر کو گرفتار کرکے شراب کی 2 بوتلیں برآمد کرلیں۔ سی آئی اے پولیس نے ملزم انصر عباس کو گرفتار کر کے اس کے قبضہ سے 380 گرام ہیروئن برآمد کرلی۔
تھانہ انڈسٹریل ایریا پولیس نے اپنے آپ کو ملازم ظاہر کرکے شہریوں سے رقم ہتھیانے والے ملزم محمد سہیل اقبال کو گرفتار کرلیا۔ تھانہ شہزاد ٹائون پولیس نے ملزم غریب خان کے قبضہ سے موٹر سائیکل برآمد کرلی، بغیر اجازت کھلا پٹرول فروخت کرنے پر شوکت زمان کو گرفتار کر لیا گیا۔
تھانہ کو رال پولیس نے گرفتار ملزم عدنان کی نشاندہی پر پسٹل 32 بور برآمد کرلیا۔ تھانہ لوہی بھیر پولیس نے گرفتار ملزم غالب حسین کی نشاندہی پر پسٹل 30بوربر آمد کرلیا۔ تھانہ انڈسٹریل ایریا پولیس نے چوری کے دو ملزموں رجب ریحان اور سیف الدین کو گرفتار کرلیا۔
