فیصل آباد (جیوڈیسک) ذرائع کے مطابق ایس پی جڑانوالہ کی سربراہی میں قائم تفتیشی ٹیم کے روبرو اب تک 6 پولیس اہلکاروں جن میں دو سب انسپکٹرز بھی شامل ہیں کے بیانات ریکارڈ ہو چکے ہیں۔
پولیس اہلکاروں نے تھانہ کھرڑیانوالہ پر حلمہ کرنے اور پولیس اہلکاروں پر تشدد کا ذمہ دار ایم پی اے رانا شعیب ادریس کو قرار دیا ہے۔
ذرائع کا کہنا ہے سب انسپکٹر ریاست علی کا بیان بھی ریکارڈ ہو چکا ہے جس میں اس نے ایم پی اے اور اس کے ایک قریبی عزیز کو بھی تمام واقعہ میں ملوث بیان کیا ہے۔ پولیس کی تفتیشی رپورٹ کل ایس پی جڑانوالہ سی پی او فیصل آباد کو پیش کریں گے۔
یاد رہے کہ دو ہفتے قبل مسلم لیگ (ن) کے ایم پی اے رانا شعیب ادریس نے تھانے پر حملہ کرکے ملزمان چھڑوائے اور پولیس اہلکاروں کو تشدد کانشانہ بھی بنایا تھا۔ ایم پی اے اور اس کے ساتھیوں کے خلاف دیگر دفعات کے علاوہ انسداد دہشت گردی ایکٹ کا مقدمہ درج ہے۔
پنجاب حکومت تحریک انصاف کے لانگ مارچ سے نمٹنے کیلئے تیار
تحریک انصاف کا حکومت سے کوئی رابطہ نہیں، شاہ محمود قریشی
