کراچی (جیوڈیسک) سیاسی عدم استحکام اور ایف بی آر کی سٹاک بروکروز کے خلاف کارروائی کے باعث ایک ہفتے کے دوران پاکستان سٹاک ایکسچینج کا انڈیکس 2 ہزار 210 پوائنٹس نیچے گر گیا۔
ملک میں جاری سیاسی ہلچل اورایف بی آر کی جانب سے سٹاک بروکرز کے” کلائنٹس اکاونٹس” بغیر کسی نوٹس کے منجمد کیے جانے اور کئی اکاونٹس سے رقوم نکلالنے پر گذشتہ کاروباری ہفتے پاکستان سٹاک ایکسچینج 2 ہزار 210 پوائنٹس کی کمی کے بعد 43 ہزار 78 پوائنٹس کی سطح پر بند ہوئی، ایک ہفتے کے دوران میوچل فنڈز اور بیرونی سرمایا کاروں نے مجموعی طور پر 2 کروڑ 60 لاکھ ڈالر مالیت کے حصص فروخت کر ڈالے۔
سٹاک تجزیہ کاروں کے مطابق ایک طرف تو پہلے ہی مارکیٹ میں سرمایا کار سیاسی حالات اور اس کے معیشت پر پڑنے والے اثرات سے پریشان تھے جبکہ ایف بی آر کی جانب سے کی جانے والی کارروائی سے انویسٹرز کا سٹاک مارکیٹ میں سرمایا کاری کا رجحان مزید کم ہوگیا ہے، یہی وجہ ہے کہ گذشتہ ہفتے سٹاک مارکیٹ کا انڈیکس گراوٹ کا شکار رہا۔
ڈاکٹر رتھ فاؤ کی سرکاری اعزاز کساتھ آخری رسومات
آن لائن ٹیکسی سروس کیخلاف ٹیکسی یونین کا احتجاج، بنی گالہ کیطرف مارچ
