ہم نے سیاست عبادت سمجھ کر کی ہے، ملک تنویر اسلم سیتھی
Posted on June 25, 2013 By Tahir Webmaster سٹی نیوز
بوچھال کلاں : پاکستان مسلم لیگ ن کے حلقہ پی پی 21میں نامزد امیدوار ملک تنویر اسلم سیتھی نے کہا ہے کہ ہم نے سیاست عبادت سمجھ کر کی ہے یہی وجہ ہے کہ ہمارے مد مقابل بوکھلاہٹ کا شکار ہو کر ہمارے خلاف بیان بازی کرتے ہیں انہوں نے کہا کہمیں نے لڑکیوں کے لئے کالج بوچھال کلاں میں بنوایا ہے۔
جو اس بات کا ثبوت ہے کہ میں نے کبھی تعصب سے کام نہیں لیا بوچھال کلاں میں ایک بہت بڑے عوامی جتماع سے خطاب کرتے ہویت انہوں نے کہا کہ منتخب ہونے کے بعد پہلا کام ہی علاقہ و نہار میں سوئی گیس لانا ہے اور بوچھال کلاں ہسپتال کو اپ گریڈ کر کے یہاں جدید مشینری اور ڈاکٹرز کا بندوبست کیا جائے گا تاکہ علاقہ و نہار کے عوام کو بہترین علاج کی سہولت میسر آسکے انہوں نے عوام سے اپیل کی کہ وہ وفاق میں بھی میاں نواز شریف کی حکومت بنانے کے لئے صرف شیر کا ہی انتخاب کریں۔
شیر پر مہر لگا کر مسلم لیگ ن کو کامیاب کریں کیونکہ مسلم لیگ ن ہی آپ کے مسائل بہتر طریقے سے سر انجام دے سکتی ہے اس تقریب سے ملک اشتیاق حسین، ملک اسحاق، ملک ضیاء الرحمٰن، چہرمین ملک رب نواز ملک عجائب، صوبیدار ر سرسہ خان، محمد رفیق، اور دیگر مقررین نے بھی خطاب کیا بعد ازاں انہیں رحمانیہ چوک بوچھالکلاں میں لایا گیا جہاں انہوں نے اپنے الیکشن آفس کا اففتاح کیا۔
