کراچی (جیوڈیسک) ایم کیو ایم کے رہنما ڈاکٹر فاروق ستار کا کہنا تھا کہ این اے 246 پر پولنگ کا عمل سست کرکے ہماری برتری کم کرنے کی کوشش کی جارہی ہے۔
کراچی میں ایم کیو ایم کے دیگر رہنماؤں سے خطاب کے دوران ڈاکٹر فاروق ستار کا کہنا تھا کہ این اے 246 میں شدید گرمی میں ووٹرز کو اپنے حق رائے دہی کے لئے باہر آنے پر خراج تحسین پیش کرتے ہیں کیونکہ پولنگ کے دوران شہر میں عام تعطیل کا اعلان نہیں کیا گیا، اس کے باوجود ووٹرز کا تناسب مثالی ہے۔
موٹر سائیکل پر ڈبل سواری کی پابندی کے باوجود لوگ ووٹ ڈالنے آرہے ہیں۔ کنور نويد بھاری اکثريت سے کامياب ہونےجارہےہيں۔ ڈاکٹر فاروق ستار کا کہنا تھا کہ 100 سے زائد پولنگ اسٹیشنز پر پولنگ کا عمل دیر سے شروع ہوا، اس کے باوجود ووٹنگ کا عمل سست روی کا شکار ہے، شدید گرمی میں عوام کو پریشان کیا جارہا ہے، ووٹنگ کا عمل سست کرکے ہماری برتری کم کرنے کی کوشش کی جارہی ہے
اطلاعات ہیں کہ ووٹ ڈالنے کی رازداری کو بھی پامال کیا جارہاہے، کئی پولنگ اسٹیشنز پر خواتین اور مرد ووٹرز نے مظاہرے کیے۔ ایک وقت میں ایک ووٹر جارہا ہے پھر ایک کمرے میں زیادہ پولنگ بوتھ کیوں رکھے گئے ہیں۔
انہوں نے کہا کہ ایم کیو ایم کے امیدوار کنور نوید کو پولنگ اسٹیشن میں داخل نہیں ہونے دیا گیا اس کے علاوہ میڈیا کے نمائندوں کو بھی کئی پولنگ اسٹیشنز میں اندر جانے نہیں دیا گیا۔ الیکشن کمیشن سے اپیل ہے کہ وہ ان تمام معاملات کو دیکھے اور ووٹنمگ کے عمل میں تیزی لانے کی ہدایات جاری کرے۔
داعش کو اپنی سرزمین پر قدم رکھنے کی اجازت نہیں دیں گے، پاکستان
ضعیف العمر خواتین نے مخالفین کو بتادیا کہ زندہ لاشیں ووٹ ڈالنے کیسے آتی ہیں، الطاف حسین
