اقتدار کیلئے وفاداریاں نیلام کرنیوالے ملک وقوم کے ساتھ مخلص نہیں ہو سکتے،روحیل اکبر

Posted on February 22, 2013 By Majid Khan سٹی نیوز

تحریک تحفظ پاکستان کے جوائنٹ سیکریٹری اطلاعات روحیل اکبر نے کہا ہے کہ اقتدار کیلئے وفاداریاں نیلام کرنیوالے ملک وقوم کے ساتھ مخلص نہیں ہو سکتے سیاست تجوریاں بھرنے کیلئے نہیں بلکہ ملکی خدمت اور عوام کا احساس محرومی دورکرنے کے لیے ہوتی ہے اپنے ایک بیان میں انہوں نے کہا کہ موروثی سیاست ریاست،معاشرت اور جمہوریت کیلئے زہرقاتل ہے اور محسن پاکستان ڈاکٹر عبدالقدیر خان کے سیاست میں آنے سے جاگیردارانہ موروثی سیاست پرکاری ضرب لگی جس سے نسل درنسل حلقہ کے عوام کو دلفریب نعرے دے کر محرومیوں کا شکار کرنے والے ابن الوقت سیاستدانوں کا یوم حساب قریب آرہا ہے اور اب عوام کو جھوٹے نعروں سے مزید بیوقوف نہیں بنایاجاسکے گا بلکہ عوام اپنے ووٹ کی طاقت سے ان جاگیردار سیاست کے ناخداں کو قصہ پارینہ بنادیں گے۔

موروثی سیاست کے علمبردار خاندانوں کا صفایا ہو جائے گا انہوں نے کہا قائد اعظم کی وفات سے لیکر اب تک ہر قومی سانحہ کے بعد عوام کو اس پرچم کے سائے تلے ہم ایک ہیں کا لولی پاپ تھما دیا جاتا ہے ،آج ہم جس پاکستان میں رہ رہے ہیں،یہ وہ پاکستان نہیں ہے ،جس کے لئے برصغیر کے لاکھوں مسلمانوں نے قربانیاں دی تھیں۔

رہنماوں کے روپ میں راہزنوں نے پاکستان کے قیام کے مقصدکو دریا برد کر دیا پاکستان کے قیام کا مقصد تو تھا کہ مسلمان اپنی آزاد مرضی سے اپنی زندگیاں دین اسلام کے مطابق گذار سکیں مگر ہر آنے والے حکمران نے اقتدار کے لیے ہر وہ کام جو پاکستان کی سالمیت کے خلاف تھا کردکھا یا انہوں نے کہا پاکستان کے عوام کو قائد اعظم کے دیس کو تباہی کے دہانوں تک پہنچانے والے ہر مجرم کے وجود کو مٹانے کے لیے اپنا اپنا کردار ادا کرنا ہوگا۔

روحیل اکبر مرکزی جوائنٹ سیکریٹری اطلاعات تحریک تحفظ پاکستان
03004821200

by Majid Khan

Nasir Mehmood - Chief Editor at GeoURDU.com