ن لیگ نے اقتدار میں آنے سے قبل ہی امریکی اور آئی ایم ایف کی ڈکٹیشن پر بجلی ، پٹرول اور گیس کی قیمتوں کے میزائل چھوڑنے شروع کر دیئے ہیں ، روحیل اکبر
Posted on June 1, 2013 By Noman Webmaster سٹی نیوز
تحریک تحفظ پاکستان کے مرکزی جوائنٹ سیکریٹری اطلاعات روحیل اکبر نے پیٹرول اور بجلی کی قیمتوں میں حالیہ اضافے کونگران حکومت اور آنیوالے حکمرانوں کا عوام پر ڈورن حملہ قرار دیتے ہوئے کہا ہے کہ بجلی مہنگی ہونے سے مزید مہنگائی بے روز گاری اور لاقانونیت میں اضافہ ہوگا۔
بیس گھنٹے کی لوڈشیڈنگ کے باوجود بھی بجلی کی قیمتوں میں اضافہ کرنا سمجھ سے بالا ترہے اپنے ایک بیان میںانہوں نے کہاکہ ن لیگ نے اقتدارمیں آنے سے قبل ہی امریکی اور آئی ایم ایف کی ڈکٹیشن پر بجلی، پٹرول اورگیس کی قیمتوں کے میزائل چھوڑنے شروع کر دیئے ہیں اور ن لیگ نے نگرانوں سے ملی بھگت کرکے عوام کی آخری سانسیں بھی چھینی شروع کر دی ہیں۔
