لاہور (جیوڈیسک) پاکستان پیپلز پارٹی نے ورکنگ باؤنڈری اور لائن آف کنٹرول پر بھارتی جارحیت کے خلاف مذمتی قرارداد صوبائی اسمبلی میں جمع کرادی۔
پاکستان پیپلز پارٹی کی فائزہ ملک نے بھارتی جارحیت کے خلاف پنجاب اسمبلی میں مذمتی قرار داد جمع کرائی جس میں بھارتی فورسز کی جانب سے ورکنگ باؤنڈری اور ایل او سی پر بلا اشتعال فائرنگ اور گولہ باری کی شدید الفاظ میں مذمت کی گئی اور جانی و مالی نقصان پر انتہائی دکھ اور افسوس کا اظہار کیا گیا۔ قرارداد میں وفاقی حکومت سے مطالبہ کیا گیا ہے کہ بھارتی جارحیت کا معاملہ عالمی سطح پر اٹھایا جائے۔
واضح رہے کہ بھارتی فورسز کی جانب سے ورکنگ باؤنڈر اور لائن آف کنٹرول پر بلا اشتعال فائرنگ اور گولہ باری کی گئی جس کے نتیجے میں 4 پاکستانی شہری شہید جب کہ 8 زخمی ہو گئے۔
وزیراعظم نواز شریف کی نواسی کا مدینہ منورہ میں نکاح
ماڈل ایان علی کو اڈیالہ جیل سے ضمانت پر رہا کردیا گیا
