اسلام آباد (جیوڈیسک) قومی اسمبلی میں قائد حزب اختلاف سید خورشید شاہ نے مسائل کے حل کے لئے تجویزدی ہے کہ حکومت کی مدت کم کر کے 5 سال کے بجائے 4 سال کردی جائے۔
اسلام آباد میں میڈیا سے بات چیت کرتے پیپلزپارٹی کے مرکزی رہنما سید خورشید شاہ کا کہنا تھا کہ حکومت کی مدت کم کرنے سے سارے جھگڑے ختم ہوجائیں گے، موجودہ حکومت کی مدت ختم ہونے کے بعد حکومت کی مدت 4 سال کیلیے کر دی جائے۔ انہوں نے کہا کہ جب جمہوریت مستحکم ہوجائے تو حکومت کی مدت دوبارہ 5 سال کردی جائے۔
چیف الیکشن کمشنر کی تعیناتی کے حوالے سے اپوزیشن لیڈر کا کہنا تھا کہ چیف الیکشن کمشنر کیلیے صرف جج کے ہونے کی پابندی کے باعث آپشنز محدود ہیں، موزوں جج نہ ملا تو چیف الیکشن کمشنر کہاں سے لائیں۔
انہوں نے کہا کہ الیکشن کمیشن کے چیف کو بااختیار ہونا چاہیئے کیوں اس عہدے پر براجمان شخص کا کردار ایک ممبر جتنا ہوتا ہے۔
شمالی وزیرستان میں جیٹ طیاروں کی بمباری سے مزید 13 دہشتگرد ہلاک، ٹھکانے تباہ
کیبل آپریٹرز چینلز کی غیر قانونی بندش سے باز رہیں، پیمرا کی وارننگ
